نظمت الشعر عل القلب يسلى في نظم الاشعار=عن هموما بعد فرقى حبيبي عايش فيها
وبعض الشعر يسلى به حزين عن هموم كبار=وبعضه مايذكرني هموما كنت ناسيها
ابي شعر(ن) اعاتب من خلاله لي قريب وجار=رسالة لوم مني له ولا اقدر عنه اخفيها
سألته باسم خلاق الخلايق عالم الاسرار=اهو مايدري ابحال هموم الوقت تطويها
اهو مايدري ان الظيم لاجا من قريب نار=حطبها قلب وضلوع المعنى تحترق فيها
اشوف اول خطى منه منع خلي عن المسيار=وحرم عين شقيه ياهلي من شوف غاليها
ترى جرح الهوى جرح خطير لو تمكن جار=على قلب تلوعه الهموم وغارق فيها
وضلوع ضمت القلب المعنى تشتعل بالنار=وبابكي عل ياربعي غزير الدمع يطفيها
على فرقاه وبعاده جبرت ولاني ابمختار=وانا ماصبر على الفرقا ولا قلبي بقاويها
انا لامن ذكرته ياهلي دمعي بعيني حار=ويزيد بي الوله والشوق لامن حل طاريها
اداري دمعتي مع عبرتي لاتلفت الانظار=الاواعزتي للعين لاكثرة طواريها
الاياليت عشنا ماتبقى من زمنا صغار=اماني صادقه من مخلص له صادق فيها
وقعت بحب من لا لي بهم حيله وانا محتار=وانا والله صويب وعلتي ياناس مخفيها
ولابه بيني وبينه وسيط ينقل الاخبار=يطمني على اللي بعدهم عيني معنيها
وانا والله مالي عندهم مورد ولا مصدار=تتوق عيوني الشوفه وشوف العين يكفيها
ولاظنيت يجمعنا سوى من بامره الأقدار=اله بامره اقدار البشر والكون يمليها
وابين للملا غايه واواصل معهم المشوار=واناعنها بعيد وغايتي للناس مابديها