|
لغز واثق من يحله
أبنشدكم عن اغراب(ن) ماهوب غرنوق=عجب يشرب ولاياكل بالمنتدى زوله وماله ذيل مع جنحان(ن) ترفعه فوق=ثلاث سنين كمّلهن من يوم أنا حوله حـشـى لله مـاذمـه فــن وشـكــل ذوق=على كيفه أنا بالماضي ماخذ(ن)جوله |
الغالي
واثق حياك الله في منتداك والف مرحبابك وبيض الله وجهك على اللغز المركب وسوف احاول ان اعود وانا احمل رمعتي وشكرا لك |
الشاعر سفير المعاني المهلي مايولي وشرفت شرف الله مقدارك وفي الانتظار مع الشكر |
اخوي واثق احتج احتجاجا كليا لاته المفروض انك ماطرحت اللغز حتى نتوصل الى حل اللغز السابق او يتم رفعه ولكن بما انك طرحته الشكوى لله جاااري التفكير |
احنمال طير تويتر المغرد
|
كفو والله شموخ اسم على مسمى والعفو جل من لايخطي والواقع اني تنفيذ لشورك رحت للسودان ادور أكسير حل لغزك ولا لقيت هناك الاغراب البين اللي بلغزي والظاهر انه سوداني جنوبي |
اقتباس:
ياليل مااطولك ماخبرت غراب يغرد |
ماعليك زود اخوي واثق يعني حلي مو صحيح ؟؟ على العموم ياما تحدوني واخسرو اصبر شوي وبالنسبه للغزي بصبر يومين والا بذبحه قدامكم |
هدي من خيلك سبق ومالك لوى بس المشكله باللغز اللي ماينذبح |
يمكن يكون الشعر الاسود غراب
والشعر الابيض الغرنوق وفي المنتدي سميه من الاشعار والله اعلم |
كوني على بينه غرابي ماله علاقه بالحلاق ولا الكوافيره |
نرمع مع التوكل على الله
القلم |
حق من توكل على الله ماخاب والقلم مالك لوى |
واثق
حياك الله وان كانه اللي لوجمعته من عندك صار25 وان كان ماني بحوله فاكيد برجع مرة اخرى |
مراقبنا الغالي حياك وبياك الحل بعيد عن العمليات الحسابيه وفي انتظار رمعتك الثانيه متمنيا لك التوفيق |
ونقول مع اشراقة الصباح
وقبل فكوك الريق صباح الخير رمعتي اليوم " بيت الشعر " بفتح الشين يعني بيت البدو |
صباح الخير
اخوي واثق والله جبت لي رمعه هي بالمنتدى موجوده وهي اليوتيوب غراب لانه اسود ويشرب الكلام ولا له جنحان تقبل تحياتي |
اقتباس:
ونقول صباح النور وهنا وعافيه تريقي وروقي كود تلقين الحل البعيد عن بيت البدو |
شاعرنا سفير الرمعات الخطيره صباح المسرات رمعة طيبه ماصادت غراب اللغز لأنه غراب : وحيد , ومخصص , ويشرب فعلا , وعمره محدد |
يمقن يكون شريط الإهداء ويمقن لا
|
لا يمقن , شريط الاهداء , يمقن لا |
يعني الى الان مافيه حل للغز
والله الي حيرني انه موجود بالمنتدى لايكون ريف النشاما خخخخخخ |
اقتباس:
ولتقريب الحل ابا اضيف بيت ثالث وارجو من صاحب الصلاحيه ضمه للبيتين السابقين:
حشى لله ماذمه فن وشكل ذوق=على كيفه أنا بالماضي ماخذ(ن)جوله
|
اجل نقول في محاوله اخيره
المنتدى منتديات رهب الادبيه |
سلامعليكم
احب اشارك بس خايفه اتفشل بس فيه شعا ر وشاعرات ما تفشلوا ابا الف المنتدى وادور على الحل واذا وجدته سدحته شكرا اخوي واثق |
اقتباس:
|
اقتباس:
عساك على القوه لفي المنتدى ومري على اقسامه مر السحابة لاريث ولاعجل وبتلقين الحل ان شاء الله |
صباح احلا من حليب المغاتير والذ من خبزه مع ابريق شاهي خخخخخخ ------------ نعيش اغراب بين الناس وان متنا نموت اغراب وتنسانا العيون اللي لجل سلوانها ضعنا غلط لكن وشـ الحيلة طبيعة والطبع غلاب نتوب وننقض التوبة ونور الصدق يتبعنا.. يمكن المقصود هالبيت او انه قسم بيت القصيد |
صباح الورد والكادي والمقصود غراب اسود كالمجاهيم والفرق مابينه وهذا الحل مثل الفرق مابين حلى الصباح ولذة خبزة الريجيم وشاهيها |
يمكن همس الخواطر الي بالصفحه فوووق
اول مره يدوخني لغز يمكن في خلل فني خخخخخخ |
سلامتك ومالحقك ربع مالحقنا فيوز العقل ضاربه من لغزك وترانا ماعودين خير بذبحه اليوم |
ابشرك قطعنا راسه
|
كفو يمنى ماتشل |
...
اخي واثق عندي رمعه و لا ادري هي صح او لا الحل هو الشنب .. |
اقتباس:
حياك ومالك لوى ياريفها وسرورها واللغز لاعلاقة له بجسم الانسان |
هلا بك يالواثق
محاوله ليس إلا أتوقع الحل ... السيارهـ إذا صح أرجع أقول لك نوعها ... موفق |
اقتباس:
مادام بنضمن رجعة جنى ليه مانقول نعم |
في بالي أقول
نوع السياره رنج أسود مو أبيض |
اقتباس:
ومن هو صاحب الرنج الاسود؟ |
ههههههههههههه
فيما مضى قريت قصيده عن رنج ماأذكر لمين بس لما قريت لغزك جا في بالي هالحل |
| الساعة الآن 10:33AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية