|
شــمر هـل العــادات ذربين الأفعــال
بسم الله الرحمن الرحيم
دن القلم واكتب من القــاف ما طــال = فـي اللـي لهـم وقـــت الموجيـب طاله شــمر هـل العــادات ذربين الأفعــال = روس الطنـــايا فـــي اللقا والشـــكاله شجعان عاد النفــس ترخص بفنجال = يوم الجــهل فــوح وبهــــــر دلاله أصغر محازمهـم على الخــيل خيـال = وأكـــبر محازمهــــــم يمـــيل عــقاله ملفاك رجــــل ٍ للمطاليـــــق مدهــال = ســــويلم بن حمــــود راعى الجــزاله سعد اللقا لاصــك جـال ٍ علـى جــال = وسعد الخوي والحمل يوم ارتكـــاله سلم عليه وعلمه عن خفاء الحــــال = وبشــره عني ونشـــده عن عيــــاله حيث وريث الطيب عم وطنا خال = سلمت ياقصــر ٍ يظـلل ظـــلاله |
الشاعر القدير
عبدالعزيز الشلوه والنعم فيك وفي الطنايا ي طيب الأنساب ولانك نبل كان للنبلاء نصيب من قصيدك عز الله مقامك وطول الله عمرك يـ ابو محمد كف ماطرة وعقد ياسمين لك ي جوود :r: |
...
صح لسانك و لاهنت يا عبد العزيز و انا اشهد ان اهل شمر لهم بالقلب منزال و نعم القبيلة و لا هو نقص في غيرهم من القبايل يشهد لهم حاتم و ابو خالد الله يحفظه رجل اعتز بمعرفتي له ننتظر منك كل جديد يا عبدالعزيز تقديري |
الغالي
الشاعر عبدالعزيز محمد الشلوه الله انه يسعدك ويوفقك لما فيه الخير اسعدني كثيرا ان اكون من ضمن المصافحين لهذه القصيده ,الاجمل من جميله والاروع من رائعه ويستاهلون الطنايا اهل حايل ونعم الصداقة وصح لسانك وعلا شانك مليون ولا يكفون تقبل تحياتي |
عبدالعزيز
صح لسانك وسبعة انعام بالطنايا تحياتي . |
حياك الله الشاعر عبدالعزيز ,,
صح الله لسانك ولاهنت وصح كلك ونعم فيك وفي ربعك فعلا ً شمر يستحقون الثناء ,, شكري وتقديري لك ووافر احتراامي . |
صح لسانك ولا هنت عبد العزيز قصيده رائعه والله وسبع انعااام بشمر .. وقصيده جزله من جزل تحياتي رهب |
شمر هل العادات ذربين الأفعـال روس الطنايا في اللقـا والشكالـه شجعان عاد النفس ترخص بفنجال يوم الجهل فـوح وبهـر دلالـه أصغر محازمهم على الخيل خيال وأكبر محازمهـم يميـل عقالـه عبدالعزيز صح السانك ونعم بالمادح والممدوح وماسيسجل لشمر قليل في حقهم صح السانك يابو محمد وبيض الله وجهك |
صح لسااانك
ونعم بشمر من غير قصور في باقي القبايل لاهنت |
|
اقتباس:
القديره زمان العجايب ماعليك زود يانت الحشام مررك شرف واطرائك وسام |
اقتباس:
صح بدنك ريف النشاما اسعدني مرورك فاضلي |
والنعم با لمادح والممدوح
والشاعر عبدالعزيز جزل دائما صج لسانك وبيض الله وجهك |
اقتباس:
الوالد ابو محمد بيض الله وجهك مرورك اضاء متصفحي كل الشكر |
| الساعة الآن 09:14PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية