خلهـا بالقلب تحـرق مابقى .."
للتفاؤل والتشاؤم نصيب في هذه الحيـاه ، والكل منهما يجـد وقته ’ (خلها بالقلب تحـرق مابقى) ............................ خلها تكفى أنا شخصٍ عليل خلها تحرق وقلّ لي وش بقى ............................ أعطني المضمون لاتحاول تطيل أكسفت شمسي وقالت ماأشرقى ............................ دامك أنت أخترت لك ظلٍ ظليل وأختفت قالت شعـاعي يحرقى ............................ أختفي وش لي" أنا بدربٍ طويل وأختفت معها نجـومٍ" تبرقى ............................ وأعتمت دنيـاي وضيّعت الدليل بعد ماكنّا" حبـايب وأصدقى ............................ ساهرٍ وحـدي وماعندي خليل طاح حظي وغيري له حظه رقى ............................ ولو أبي أنهض يكون المستحيل يا زمان الضيم فرحي تسرقى ............................ ماأسرعك تجنح به الدرب وتميل ذي حياتي" كلها عيشة شقى ............................ كل ليله أحبس الدمعه وتسيل والزمن من كاس مُره" لي سقى ............................ وفوق هذا" دايمٍ حملـه ثقيل والأسى وقت المساء لي يفرقى ............................ دوم أخايلها وهي بصدري تخيل والتعاسه من صغر لي ملتقى ............................ ومن صغر سني متوني له تشيل وعايش ولافيـه شخصٍ يرفقى ............................ يا زمن وش فيه جرحي ما يكيل راحت سنيني و فرحي ما لقى ............................ و لا أتذكر بالعمـر " يومٍ جميل ما يفيد الطيب ولا وضح النقا ............................ خلني طابت جروحي للرحيل وكل من مثلي " يمـل ويزهقى ............................ لو بـدآ بخطوه تعسر ألف ميل !! ذي نصيحه" قبل تندم و تهقى ............................ و لا يغرك بالحكـي خبلٍ هبيل و أحذر لباب الردى له تطرقى ............................ ترد خايب" والنصيحه لكل جيل :rhb: |
ذي نصيحه" قبل تندم و تهقى ............................ و لا يغرك بالحكـي خبلٍ هبيل و أحذر لباب الردى له تطرقى ............................ ترد خايب" والنصيحه لكل جيل ماشاءالله ياالهبوب صح لسانك حتى ترضى أبيات فيها من الألم والحزن بإسلوب شاعر خبير لاتبخل علينا ياالهبوب .. بإنتظار المزيد والمزيد فمثلك يكتب الشعر بروح الفارس النبيل أرق تحيه |
هبوب الشمال
صح لسااااااااااااااااانك قصيدة من شاعر جزل اعجابي واحترامي لك |
قصيدتك باذخة كأمسية
راقت لي تحياتي لك |
الغالي
الشاعر هبوب الشمال الله انه يسعدك ويوفقك لما فيه الخير اسعدني كثيرا ان اكون من ضمن المصافحين لهذه القصيده ,الاجمل من جميله والاروع من رائعه وصح لسانك وعلا شانك مليون ولا يكفون تقبل تحياتي |
صح لسآنك وسلم نبضك قصيده أقل ما يُقال عنها رايعه !!
|
صح لسانك يا الهبوب و لاهنت
قصيدة جميلة جدا فيها الكثير من المعاني الشعرية الجزله ننتظر منك كل جديد موفق يا سعود ريف |
هبوب صح لسانك وعلا شانك قصيده جميله ولاكنها حزينه الله يسعدك يا رب ودام نبضك والزمن من كاس مُره" لي سقى ......... وفوق هذا" دايمٍ حملـه ثقيل والأسى وقت المساء لي يفرق .......... دوم أخايلها وهي بصدري تخيل تحياتي لك رهب |
الشاعر القدير
الحاضر الغائب هبوب الشمال وطن السعود في قصيدك ، لا يبرح حدوده الشمس وترنيم شاعر مترف بالحرف والحرف مترف به بين هوادة التشاؤم أبعده الله عنك وبريق الأمل صاحبك مدى العمر صح لسانك وفكرك وكلك عقد ياسمين ولا يكفي :r: |
ياهـلا ، بالنجـلا
صح بدنـك طال عمرك أسعدني وشرفني حضورك .. الله يسعـدك " كل ماذكرتيه شهاده ووسام شرف أعتز بهم لك التحيه والتقدير |
حياك الله .. صنداح الزلامي وصح بدنـك الله يسعـدك وماذكرته شهاده أعتز فيها لك التحيـه والتقدير |
ظل الياسمين حياك الله أختاه أسعدني وشرفني حضورك وأطرائك ولك التحيـه والتقدير |
ياهـلابك .. يالوالد العزيز والأخ المُنصح سفير المعاني ، صح بدنـك الله يسعـدك حضـورك الدائم ودعمك المستمر لنا (آل رهب) هو من "بَذر" بنا التميّز والأبداع " لك التحيه والتقدير ، طال عمرك |
عبدالكريم الروقي حياك الله أخوي ، وصح بدنـك وسلمك ربي من كل شر أسعدني حضورك ولك التحيـه والتقدير |
ولو البشر تملك مباديك يالريف .......................... ماكان شفت الحال/ حال الغلابا :rhb: ياهـلا وغـلا بـ أخوي .. فـوااز صح بدنـك طال عمرك الأجمل دائماً ، هو أنت : أينما كُنت أسعدني هذا الحضـور ولك كل التقدير والأحتراام :rhb: |
رهـب صح بدنـك الله يسعـدك الأجمل حضورك ، أدام أيامك وسجداتك لك التحيـه والتقدير |
زمان العجايب هـلابك .. يالعزيزه صح بدنـك ، الله يسعـد روحك توااجـدك أينما حللتي / بشير فرح وفأل خير سعيـد بتواجدك ، طال عمرك ولك من التقدير والأحتراام ، ماأحببتي :rhb: |
الساعة الآن 07:04PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية