|
في منتدى بنت ابو زيد
يسعد مساكم جميعا.. ومعذرتا عن غيابي.. غالب تفضل
يامرحبا في منتدى بنت ابو زيد=ترحيبةٍ تسبق معاذير غايب لو البطى يجلب علينا مناقيد=والمتهم في البعد كثر النشايب |
اقتباس:
إلك البقا عن شيخة الحرف والغيد=ياشاعرٍ نوّخ سمان الركايب ازين سواة تحط في ايدينها القيد= حتى يروق الفكر والبال طايب |
اقتباس:
اخذ النصيحه لاتجي قاطع السيد=تراي من كثر الغرابيل شايب ان قيّدت بالقيد ماتقطع البيد=فك القياد وسج عوص النجايب |
الغالي
الشاعر القامه راشد العتيبي اولا اهلا وسهلا بك وبعودتك و استمرارك كفيل بقبول عذرك ونشكرك جزيل الشكر على الوسيمه والقاف الرائع وليس هذا بغريب من شاعر بحجمك وقامتك والباع الطويل في الشعر والمحاوره لاعدمناك كما ارحب واهلي بشاعرنا الكبير والغني عن التعريف غالب الذيابي ونشكره من القلب لعودته لمنتداه اللذي لا ننسى فضله وجهوده السابقه ونطمع بالمزيد وسنتابع هذه المحاوره القويه بين شاعرين متميزين بالفتل والنقض ربي يسعدكما كما ستسعدان المنتدى واعضائه وسوف نكون معكم قلبا وقالبا واستمروا لاعدمناكم ومنتدي بنت ابو زيد يشكركم ويرحب بكم لكم تحياتي وتقديري |
اقتباس:
ياكثر دمعك يالعيون المراميد=يجرح محاجيرك نسيم الهبايب بعض الفجوج الجرد ما يجلب الفيد=تشوف من تالي سفرها العجايب |
اقتباس:
اقتباس:
زين الجبلّة والوفا والتواضع = ميزه تجسد في سفير المعاني الشايب اللي جا له المدح خاضع=يامال طول العمر عز وتفاني عاش الذي من نبل الاخلاق راضع=هذاه وصفه .. مايبي وصف ثاني |
اقتباس:
الرجل سجها بالحزوم الجراهيد=ان كان من سبع الخلا مأنت هايب ولاتستمع بالهرج من زيد وعبيد=ترى بعضهم ..مايسد النوايب |
اقتباس:
ارحب ارحب ياسفير المعاني الله يسلمك ويبارك فيك وبيض الله وجهك وشرف لنا تواجدنا في منتدى عريق فيه مثلك وشرواك لاهنت |
اقتباس:
راشد اسهرتنا الله يسهر عدوّك ... الختام عندك
ياليتهم سمّوك ياراشد .. رشيد=يوم الغبا خاواك صرتوا حبايب معطيك علمٍ مايبي زود توكيد= مير انت في فكرك تضيع الطبايب |
اقتباس:
ياقرب عرعر جنب حزم الجلاميد=مادام دمك بالشرايين.. رايب فكري عنه عجزوا رجال(ن)صناديد=والنار تونس من جهتها لهايب |
..
الله الله طاروق رائع ويني عنه من أول الشاعران راشد العتيبي و غالب الذيابي مبدعين مبدعين متابع و راح امسك الصف و الله يقويكم اطربتوني بها الطاروق السنع كل التقدير ريف |
ماشاء الله تبارك الرحمن الشاعر راشد العتيبي الشاعر غالب الذيابي واصلوا الابداع وانا ماسك الصف |
ماشاء الله تبارك الرحمن
الشاعر راشد العتيبي الشاعر غالب الذيابي صحت السنتكم محاورة جميلة من جمال شعارها |
حيااكم الله ابدعتو بهالطاروق الجزل ,,
صح الله السنتكم ولاهنتم على ماقدمتم ,, خالص تحياتي لكم . |
:
: : راشد .. الف صح لسانك .. والشكر موصول لكل من ترك هنا بطاقة حضور. : : : : |
اقتباس:
ريف النشاما يامرحبا تراحيب المطر..حضورك شرف طال عمرك لاهنت |
اقتباس:
عابر سبيل هلابك مليون شرفتنا طال عمرك احترامي |
اقتباس:
صنداح صح بدنك..حضورك شرف لنا لاهنت احترامي.. |
اقتباس:
خالد صح بدنك..الجزل حضورك واطرائك مودتي.. |
اقتباس:
غالب صح بدنك..كان ودنا نطول شوي لكن الاتصال صار يعاند شويات ههههه والجايات اكثر.. احترامي.. |
| الساعة الآن 10:49AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية