|
البارحه يوم الاوادم خواشيع
للشاعر الكبير سعد بن جدلان
البارحه يوم الاوادم خواشيع في نومها وناعلى الكوع واعي هم(ن)يمزع سترة القلب تمزيع تقول ينهش ثومة القلب افاعي خذت القلم من بين روس الاصابيع وحبيت اميز سيرتي وانطباعي عزلت من صدقان عطلةالاسابيع وعزلت من ضحك الوجيه الصناعي وعزلت من بنين بنالي مشاريع جميد برد ولانس الشمس ماعي وعزلت من زرع الخلي البلاقيع وعزلت من رفع الثنيه رباعي من نفعة اللي ماطلبني منافيع جميلة(ن)في غير اهلها ضياعي في اسواقها ماعاد لشري ولابيع لخطيت من رفقة طويل الذراعي اللي على الرفقه يسوقه دوافيع هذاك تشرى رفقته ماتباعي امايشجعني على الطيب تشجيع والايعلمني حميد المساعي والا ليامنه رمعني رواميع وضاقت على كل الفجوج الوساعي جيته ويسرلي عسير المواضيع وخلاخفايا خاطري له وساعي معرفته ماهي معرفة طماميع ماتنتج الاالغطرسه والضياعي |
الشاعر عبدالله بن عريمه
صح السانه والسانك وسعد بن جدلان هامه شعريه يمتعك وياتي بالجزل دائما شكرا لك على مانقلت |
اختيارٌ موفقٌ للشاعر والنَّص ..
شاعرنا : عبدالله بارك الله فيك ، وجزيتَ خيراً ... . |
الاستاذ مراقبنا الراقي خلف العاطفي
يسعدني مصافحتك للقصيدة واشكرك كل الشكر تقبل تحياتي |
الاستاذ والاداري الموقر خواطر متناثره
اسعدني كرم وجودك في هذا المتصفح لك شكري وتحياتي |
الله الله ..
صح لسانه وسلمت ياعبدالله اختيار رائع .. لاهنت خالص تقديري |
صح بدنك جمرة العرب وشاكرلك
حضورك المميز تقبلي تحياتي |
صح لسانك وعلا شانك
ابيات بمنتهى الروعه انتظر كل جديد لك .. احترامي وتقديري |
اهلا اهلا لينا نورتي القصيده
واسعدني حضورك حيل لاعدمتك بالمناسبه القصيده ناقلها بس انتي من الامتحانات والسهر احوليتي داخله ماتشوفين هههههاي قصايدي في بيت القصيد تنتظر اطلالتك بشوق |
اقتباس:
وانا وش قلت علشان تقوول احوليتي :(1>حست نفسهاا صدق حولت من الاختبارات :d يعني لازم نقول صح لسانه ولسانك خلاص صح لسانك ولسانه :r: شكرالك :r: |
ههههههاي سبب الحوسه يوم قلتي انتظر جديدك ! وماعليك حوالتك حوله هههه
|
لا عادي انتظر كل جديد لك سواء ناقلهاا او كاتبهااا >لاتستغرب من المرور الزايد تاثيررره الاختبارات :mf_tongue:
|
بالعكس مقله في مرورك ع مواضيعي
اذا الاختبارات تسوي كذا تمام ههههههاي ترى لقبتك لينا ويت ههه شوفي قصيدتك طارت فالعلالي بسبب اني اثرتها انكري جهودي هههه |
بجد قصيده رائعه لي عودة من الكمبيوتر
|
الازوع وجودك ياالادمي والحقيقه افتقدناك
تحياتي لك |
اقول الله يعطيك العافيه
عز الله انه فحل من فحول الشعراء يجيب الي في الخاطر لاهنت يالذيب على الاختيار الجميل مودتي واحترامي |
حياك الله ياعطر الرحيل
شكرا لمرورك الرائع |
| الساعة الآن 05:16AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية