|
لا ضاق صدري..
لاضاق صدري من الدنيا ومافيها=سرّيت رجلي على حروة مداهيله أمرر داره من الضيقه واحاكيها=يالله بعونك..تعين قليّل الحيله اراجع بطيفها ضحكات ماضيها=وأسج عن واقعي لحظات وآجي له كن الرياض يتبسم يوم أناديها=وتشع في ليل شوفتها قناديله وارجع على واقعٍ روحي معنيها=مع ليلة الحزن..يا دنيا من انتي له الله على ماظي الذكرى وطاريها=وحبه..وكل الدروب اللي تودي له لو الوصل في يدين سعود وايديها=ماكان غرقت من الحسره مناديله |
الله عليك أبيات رااائعه وأكثر صح لسانك أخي سعود وبإنتظار جديدك تحيتي |
صح قلبك
النجلاء |
سعود الدوسري
أكتفي بتمرير مقلتاي والصمت لان الرد سـ يكون به تقصير أمام هذا الفاخرة انحناءة ياسمينة |
صح لساانك اخوي سعود
جدا رائعة من شاعر مبدع اسجل اعجابي بكل مفرداتك لاهنت ابد تقديري ريف |
اقتباس:
اسعدني مرورك |
ريف النشاما
صح قلبك.. |
سعود كلمات قمة في الالم والجروووح
تعبت وانا اقراها وبصراحه تعبت ارد عليها من قوة جمالها والحزن فيها يعطيك ربي الف عافيه |
الأدمي
صح قلبك..اسعدني مرورك |
بيض الله وجهك
ياالدوســــــــــــــــــــــري ولاهنت على قصيدة الجزله متااابعين لكل ابداعاتك |
الشاعر : سعود الدوسري بارك الله فيك ! نصٌ جميل .. العاطفة صادقة ، وتراكيب النص سهلة بعيدة عن الغرابة ، وخلو الخيال من التكلف .. والأفكار غير مبتذلة ... صح لسانك .. ملاحظة : لقد تم نقلها إلى (بيت القصيد) ؛ لاكتمال نصابها . تحياتي ... . |
الغالي
الشاعر سعود الدوسري الله انه يسعدك بجميع اوقاتك بكل خير ولقد اسعدني ان اكون ضمن المصافحين لهذه القصيده والاجمل من جميلة والاروع من رائعه من شاعر متمكن وله باع طويل بالشعر وصح لسانك وعلا شانك مـــدد بلا عدد وتقبل تحياتي |
لـو الوصـل فـي يديـن سعـود وايديهـا
ماكـان غـرقـت مــن الحـسـره مناديـلـه شاركناك وجدك واطربنا صدق مشاعرك وعاطفتك اسجل استمتاعي وتهنئتي لك بروعة القصيده زدنا ياسعود.. زدنا. |
سعود
صح الله لسانك قصيدة لا تمل قرأتها ووعدت نفسي أن أقرأها مرارا لروعتها تحياتي ومتابعتي لكل ما تكتب |
سعود .. لله درك
بوح جميل ممتع .. صح لسانك وسلم بنانك خالص تحياتي لك . |
| الساعة الآن 03:07AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية