جيتك أمل مطعون في خنجر اليأس =والا أنت للمشتاق مافيه همه ؟
كني طفل محروم من رحمة الناس = ماني بقايا أنسان مـهــدور دمـه
لا لا حـشى ماعــود لك خاضع الراس =ماني من اللي كل شيٍء يهمه
قلبي معك بـسـم الغلا صادق أحساس=وأخلاص ماظنيت قلبك يضمه
يامــعــذبٍ غاليك في قوة الباس =ماغيرك أوقد بي لواهيب همه
حبـي وصدقـي لو تقيسه بمقياس =تدري بأنك عايش أبدون ذمـــه
كنت أحسب أن الصدق مبني على ساس =ومـــردداً مابين خاله وعمه
ولو للهوى ياهاجري روح وأنفاس =ماضاقت أنفاسي اليا رحت يمه
ماتدري أن الـمـوت هـو موت الاحساس=وأن المشاعر صدق والرُجل هـمه
وأن قلت لي ماخان بكليب جساس =أقول شوف (الزير) جاب المطمه
الله يــبـيــّحــك كثر ماهــب نـسـنـاس =ويسامحك كثر الطعون الملمه
جيتك أمل مطعون في خنجر اليأس =يوم أنت ماعندك للاشواق همه