يالله طلبتك يا الكريم الوالي=ربي ولا غيرك الاهن عالي
صليت لك فرضك بداخل بيتك=وجيتك كسير وأسألك بذلالي
ياالله ماغيرك من يجيب الدعوه=ارفع يديني واطلبك يا والي
مليكنا مليكنا عبدالله= مليكنا الغالي علينا غالي
اللي نحبه ونتمنى شوفه=الوالد القائد سليل ابطالي
تكسيه يالله في لباس الصحه=وجعل المرض من داخله ينشالي
ياسيدي نبغاك سالم غانم=نبيك ترجع للوطن با الحالي
ياسيدي عن حالتك بشرنا =لا تطوّل الغيبه وراك اعيالي
نبي نجدد لك ولاءٍ صادق =ونرفع لك الرآيات فوق العالي
شعبك ابي ولا يقلد غيره=شعبك معك بالاوله والتالي
ماهمهم إلا سلامة راسك=ماغبت عنهم ساعة(ن) با البالي
حنا معك وقت الرخأ والشده=حنا عيال المملكه ورجالي
ماهمنا فعل الزمن واشروره= نعرف نساير وقتنا لا مالي
يهمنا مجد البلاد العامر=المملكه يزبن عليها الجالي
يقودنا القايد على شرع الله=والرب واحد والصحيح يقالي
الله عطانا نعمة(ن) محسوده=الأمن والأيمان والأقبالي
وقت المواقف فعلنا مايخفى=وقت الشدايد تظهر الافعالي
حكامنا هم فخرنا وذرانا=من يومها رجليه وخيّالي
حكامنا ماقصرو با الواجب=ما حسبّو هم التعب والمالي
ولو مالقينا لقمة(ن) ناكلها=ولو مسّنا ضيم الدهر ليالي
والله ماننسى فعايل قومن = شالت همومن با القلوب اثقالي
خلو وطنا له مكان وعزه=واركو على الخاين لهيب الصالي
يارجال يا أهل الفكر والمنطق=رجال الوطن ياطيبين الفالي
الله عطاكم با العقول الحكمه= والله رفع منظوركم با العالي
حطو يديكم في يدين القائد=وشوفو سوايا اللي لفاه اهبالي
وتقبلو مني تحية مخلص=ينصح ولا يملك ثلاث اريالي
ماقلتها طامع ولالي حاجه=وماجيت انافق وارفع الموالي
حب الوطن يصعب عليّه وصفه=وحبي لبو متعب عليه ادلالي
هذي حقيقه ما استطيع اخفيها=هذي بلادي وحبها يبرالي
والله يجيبك ياعضيد الامه=ولا جيتنا لكل معضله حلاّلي
حنا تشوقنا على وصولك=غالي يابو متعب علينا غالي