|
اتصال والدتي حفظها الله
في يوم من الايام جاني اتصال من والدتي عسى الله يحفظها ويحفظ لكم والدينكم وكانت تقول لي ليش طولت علينا ماجيتنا وطولت الغيبه.. فهاضت القريحه بهذه الابيات اتمنى ان ترتقي الى ذائقتكم الراقيه
البارحه هاجوس قلبي لعبي=وحل السهرضيفٍ وعيني معازيب والفكر في بحر الهواجس سبح بي=في مركب قامت تلفه دواليب وقامت عواصيف الليالي تهبي=حتى اختلط رمضا الوله واللواهيب ونار المفارق في الحنايا اتشبي=وهموم قلبي يلحقْنّ المشاهيب واللي قطع قلبي و هام وسرح بي=حتى اشتكت منه الضلوع المحاديب جاني اتصالٍ من عزيزٍ امحبي=شخصٍ جروحي لامسح بيده تطيب قالت (ألو) ثم عقبها رحبت بي=حتى اختلط صوت البكا والتراحيب صوتٍ يلبي لي وانا له البي=عساه صوت مايفارق ولا يغيب قالت علامك ياداويه وطبي=وش السبب يا (أمك)عن الناظر اتغيب ابيك يامظنون عيني بجنبي=شوفك يكفيني ولالي مطاليب قلت السموحه يالحبيبه وربي=ماحدني غير القدر والمكاتيب سجت بي اقدامي الين انتحت بي=وسقت القدم (يُمّه) لدار الاجانيب ادرس عشان اربعونا تفتخربي=لني ولد عودٍ فطمني على الطيب يارجل سيري بي وللعز ذبي=ذبي طويل العاليات المراقيب وارقي سنود وفالصعيبات طبي=الين تصفالي جميع المشاريب |
الله يسعد صباحك يوم اسعدت صباحنا يا الشهم
عــســاه صــــوت مـايــفــارق ولا يـغــيــب آمين آمين والله يجمعكم بخير يا الشاعر عاسف وتقبل تواجدي بين ابياتك الفاخره والله يوفقك |
صح السانك لاهنت
|
من أصدق وأجمل وأقوى المشاعر هيَ اللتي تُترجم من أجل الوالدين ..
قصيدة سامية بسمو شاعرها :) حفظ الله والدتك وأطال بعمرها على طاعته ، ورزقك برّها والله لايخيّب رجاهم فيك ياعاسف المهار تحيّاتي . |
الغالي
الشاعر عاسف المهار الله انه يسعدك ويوفقك بجميع اوقاتك ولقد اسعدني ان اكون ضمن المصافحين لهذه القصيده الاجمل من جميله والاروع من رائعه كلمات نابعه من القلب لحلوة اللبن الله يخليك لها ويخليها لك قصيده معبره عن المشاعر الصادقه وصح لسانك وعلا شانك مدد بلا عدد وتقبل تحياتي |
أخي
رائعة سطرتها بعذب الشعور وهمسات سحقت ما بين السطور دمت بود تحيتي |
عاسف المهار
كلمات صادقه تلامس شغاف القلوب صوره تقريريه لعلاقة ابن محب لوالدته نغمة حزن غربه يحاول الامل يخفيها سلمت لوالدتك وسلمَت لك . تحياتي اخوك الغواص |
صح لسانك
كلمات رائعه لانسانه تستحق الكثير الله يخليلك والدتك ويجمعكم على خير ويطول بعمرها ويرزقها الصحه والعافيه تقديري لك |
ادرس عـــشــــان اربــعــونـــا تـفـتـخــربــي...لـنـي ولــد عــودٍ فطمـنـي عـلــى الـطـيـب يــارجـــل ســيـــري بــــــي ولــلــعــز ذبـــــي...ذبــــــي طـــويـــل الـعـالــيــات الـمــراقــيــب وارقـــــي ســنـــود وفالـصـعـيـبـات طــبـــي...الــيـــن تـصـفـالــي جـمــيــع الـمـشــاريــب عساف المهار صح السانك والله يمتع نظرها بشوفك والله يردك للوطن باقرب فرصة بعد وصولك مبتغاك وماتحتاج توصية انتم سفراء لبلدكم وشاعر مثلك قادر على التاثير على من معك من الشباب فلا تذخر جهدا حتى تعود بما ذهبت من اجله بكم نفخر هنا وعندما تعودوون حستما سنحتفل |
اقتباس:
الله يسعد ايامك ياداله وعسى عمرك طويل وتواجدك في متصفحي زاده نور والله يوفقك ويوفق الجميع ولاهنت على هذا المرور العطر تقبل تحياتي |
اقتباس:
صح الله بدنك يابو سطام ومن قال مايهون ولاهنت يالغالي على مرورك |
اقتباس:
اختي جمرة العرب بيض الله وجهك على مرورك العذب ويخليلك ابو عبدالله وكل من هو عزيز عليك اسعدني مرورك العطر على متصفحي وانرتيه بتعليقك الراقي فشكراً لك من القلب تقبلي تحياتي |
عاسف المهار الله يخليك لها ويرزقك ببر الدتك صح السانك قصيده رااائعه |
اقتباس:
اخوي سفير المعاني صح الله بدنك ولاهنت ياكحيلان على مرورك وشهاده اعتز فيها من شاعر بمستواك والله يقبل دعاك ويسلمك من كل شر اسعدني مرورك يالغالي تقبل تحياتي |
اقتباس:
اخوي ليل حياك الله ومرحبا ومسهلا والرائع هو مرورك وتعليقك الراقي لاهنت وانا اخوك على المرور وتقبل تحياتي |
اقتباس:
اخوي الغواص الله يسلمك ويبارك فيك لاهنت يالقرم على مرورك وعلى تعليقك وشكراً على الاطراء الجميل تقبل تحياتي |
اقتباس:
اختي عبير الروح صح الله بدنك والرائع هو مرورك العطر على متصفحي والله يقبل دعائك ويسلمك من كل شر ويخلي لك كل غالي اسعدني مرورك تقبلي تحياتي |
اقتباس:
ارحب ياخلف يامرحبا ومسهلا وصح الله بدنك يالغالي ويطول عمرك ويسمع منك ان شاء الله ولاهنت على هذه الوصيه وعسى الله يقدرنا بفعل الطيب اسعدني مرورك يالقر م ولاهنت تقبل تحياتي |
اقتباس:
اخوي عبدالعزيز الشلوه لاهنت يابو محمد على مرورك وصح الله بدنك والرائع هو تشريفك على متصفحي تقبل تحياتي |
الشاعر عساف المهار
الله يحفظ لك الوالده ويطول بعمرها ان شاء الله صح لسانك مدد وبانتظار ما يفيض به قلمك تحياتي ومتابعتي |
| الساعة الآن 12:23AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية