|
معاناتي مع أيميلي العزيز.
اليوم بحدثكم عن ايميلي وما فيه من حديقة غناء << قولوا مشاء الله عليه :d بسم الله فتحت الايميل وياهول مارايت :Ka_che1:<< أكل علك في التو واللحظة 300 وعليه من الرسايل :cwm15: وش هذا وقررت بعد شرب قدح مدري فنجان من القهوة :yasser:وتوكلت على الله وبديت اشوف الرسايل بعض الرسايل من ولد اختى سعد وعمره تقريب 17 سنة او يزيد وهو هلالي متعصب جدا" لدرجة لو سلم على احد يساله انت هلالي ولا يرسل لي اخبار نادي الهلال وهو يدري اني نصرواية للعمق :e: ولا برسل لي دعوات لقروب الزعيم << صحيح يقهرني بس أي رساله منه قبل افتحه امسحه كذا واقوله انا نصرواية يقول ودي تغيرين مذهبك ياخالة ؟:whistling: الرسايل الحلوه من طالباتي العزيزات :r: الله يحفظهم لاني دريت بالصدفة أن وحده معنا بالمنتدى ودي اعرفهااا منهي يرسلون مواضيع حلوه ومفيده واكثرهاا نكت بصراحه وتعنئة بالشهر والعيد ان شاء الله مع ان اكثرهم كانوا يرسلون على الجوال الظاهر قالوا الايميل ببلاش << الاسعار طارت الله لا يبلانا :sm5: وكم رسالة من اخوي يرسل مقالات لكتاب يقرء لهم منهم خلف الحربي ومحمد الرطيان وغيرهم يعني رسايله مقالات فقط واول الرسالة دايم يبدء :Looking_anim: لا يفوتك هالمقااااااااااااال يطير العقل والعقال من راسك :s50: << العقل وفهمته والعقال :mf_tongue: ما علينا نطوفه أما بعض الرسايل من مركز طبي للعلاج الطبيعي اللي تراجع عنده الوالده مدري وش لقفني وعطيتهم ايميلي لو يكح عندهم دكتور ارسلوا لي اليوم حضر الدكتور فلان ، أستقبلنا الدكتور فلان ، الدكتور فلان تزوج ، الدكتور فلان رزق بمولود الدكتور فلان طلق << أمزح بالطلاق من عندي :happyhochiminh: يعني لو يفتح الدكتور الباب ويقفله ارسلةا ايميل الدكتور فتح الباب أحس موظفين واحد مجتهد من قلب الشرهة علي يوم التليقف واسجل لهم ايميلي اعرف اخر الاخبار احسب بالشهر رسالة مو رسالتين او ثلاث يوميا":s49: عاااااااد نجي للطامة الكبري بـ أميلي مشكلتي اللي ما خليت أحد ماشكيت له :(1<< الايقونة تعبر عن حالتي النفسية وانا اتحدث معكم هي القروب وكيف افتك منهم :(1 طبعا" اخوي مشترك في قروب وعطاني الرابط علشان اشترك سويت اشتراك طلع قروب ثاني وكنهم ما صدقوا اشترك معم ياربي سترك ولا عشرين رسالة يوميا" سويت كل الطرق الغاء الاشتراك ما نفع ، حضر المرسل ما نفع يضيق صدري احيان من الايميل من سبتهم صراحه واخرته :nono: نصحتني صديقة قالت ارسلهم لهم احذوفي ياالجواد يالنشاما << غزو هذا :U_thin1: وفعلا" زينت الموضوع بكل ذوق واشرحت لهم حثيثيات السالفة بالخطأ احذوفي لو سمحتم << ركزا على حيثيات تعبت وانا اكتبه ولا حياة لمن تنادي ومن الاقتراحات اخوي المحترم بكتب لقروبك رسالة بس لا تقولين لا قالت ابشر كتب لهم وكل ما تذكرته ضحكت احذوفوني من قروبكم لا كتب على جدار القروب هنا تنظيم القاعدة تسموعوني ولا << لا تشرهونه عليه عكسري متعصب جدا" ما عنده حل وسط :2ar15smilie: ولا جابوا خبر ويرسلون ويرسلون ويرسلون ويرسلون ولا عشر خطط ولا توقف الارسال ولا من سال عني قال وشلونك بشري توقف القروب لا يرسل لك للحين ؟ لدرجة صرت احذف رسايلهم لا شعوريا" واكثر واحد متسلط على بالارسال اسمه ابو مصعب واحس له القروب ارسلت طلب حذف من القروب :s24: الرجل ما صدق خبر صار كثف حملة الارسال بس الحق يقال يوم هوشة الجزائز ومصر :bluboomteamenforcer يرسلون للتو واللحظة وش يصير لان القروب يشمل اخوان مصريين وجزئريين وكلن يحذ على خويه بالقروب وعرفت وش صار ؟ ولا كاس العالم يرسلون لي كل ثانيه وش يصير بالجزائر ؟ بس عيبهم مرات احسهم سنة ومرات احسهم صوفيه وقلت لاخوي :r0o0t (3): انت السبب شف لي حل ؟ لا بكرى من كثر ما يرسلون لي عن الصوفية وطرقها اصير الله لا يبلانا منهم:MCPEa244: ولا مرسلين لي دعوه مجانية واقامة علشان احضر جمعاتهم وزيارة المزارات حقتهم ؟ بس عندهم اكله اسمه(( البشيء بشيء )) ودي اعرف وش مكوناته ؟:whistling: وهذي قصتي مع الايميل والقروب اللي من دول افريقيا اعضاءها اكثرهم ياحليل الشعب السوداني محترم من زمان وزاده بالقروب قمة الذوق من الكسل يرسلون سطر واحد بس ولا لون بالخط ولا شيء .:surrender: وللحديث بقية عن أيميلي العزيز الزيدة من الموضوع أبي طرق أوقف القروب عن مراسلتي :J_sad: وسلامتكم سحور شهي ، وصيام مقبول :r0o0t (61): :rhb: |
احول الله انتى للحين معاناتك مع ابو مصعب
لاحول الله تصدقين زمان تذكريني بسالفتي مع قروب بنات حواء ازعجوني كل يوم عشرين رساله بس ما اتضايق ولا اتعب نفسي افتح الرسايل عموما الله يعينك بجد مشكله هههههههههه دمتى بخير |
ماشاء الله 300 سلفينى رسالتين
اناا ماعندى ميح رسائل ههههههههه لدرجه انه اختى تفتح ايميلهاا وتقول ارسلى لنفسك ياظنوونه بجد ماعندى رسائل وبانسبه للقرووب رحت ركض لااختى لانه صاارت لها هالسالفه المشكله صديقتها هى ورطتها معهم وسوت المستحيل عشان تحذفهم لازم اول شي تسوين بلوك ثم دلييت ماينفع تحطين دلييت بدون بلوك قبل وسووى فى الرسائل حظر استقباال من جهه الاتصاال اعتقد تلاقينه فى خياارات اللى على اليساار وكاهواا خلاص بس قاقاقاااااااااااااااااا:d :r::e: |
تبدلين وازيدك زمان
عندي قروب نعومي يجوز لك وعطيني ها القروب اتحارش معهم :d |
اقتباس:
دخلت بالمنافسة المزيونة آمال ونشبه بعد يا ربي سترك:whistling: لو تشترى قلم كتبته وارسلته واللي قاهرني أنه مرسله كيف سحبت زوجة لمركز الشرطة علشان فكر وركزي على فكر يمد يده عليه شكلي بتعرف عليه بالمسن :e: << هذولا الحريم ولا بلاش :thumb: الليلة آمال تبي تسحر صينية بالبطاطس مدري وش خالطه معه << ترسل العشاء وش بيتسحرون أحسه زوجة أبو مصعب الثانية:d |
اقتباس:
أه يا ظنوونه جربت كل الطرق لدرجة عطيت الباسوورد لصديقتي زوجه حجبهم وقال ماراح يرسلون له وأرسلووا لي أقول أذا تبين ولا يهمك :whistling: أرسل لك رابط القروب وابشري باسبوع يزيد بريديك عن 200 وزود وتونسي بوجع الراس والدوخة :d بس مو تسوين مثل موضوعي بعد شهرين وتشكين من كثرة الرسايل بحياتي ما شفت مثلهم |
بصراحه الله يعينك .. بس مالك الا تسوين الا قالته اختنا ( ظنونه ) وعاد بنشوف ردودك اذا مانفع لكِ علي اشوف لك حل جذري << بدون الغاء الايميل:d |
اقتباس:
أبشر ارسل لك رابط القروب بس لا يتزعزع دينك لانهم يرسلون أغراءات بلاوى عن الصوفية :d بس قبله ابوصي ابوك عليك وامام مسجدكم يقرون عليك قبله :sm5: |
اقتباس:
لا الحل تغيير الايميل لالالا:nono: لاني عزيز علي بالحيل :r: بجرب للحين طريقة ظنوونه بس اذكر جربته ولا نجحت :whistling: |
اقتباس:
صدقيني راح ترجعين بعد سنه وتلقين الي ما حسبتي حسابه بقلبهم لك اقباط :d |
الذين يشاهدون محتوى الموضوع الآن : 5 ( الأعضاء 4 والزوار 1)
نوف بنت عبدالله, مخلص, مهند بن سمران+, زمان العجايب+ |
اقتباس:
يا حليله هالزائر معنا حياك الله على هالمشكله :whistling: تبي تشترك بالقروب:d |
هذي رساله وصلتني للتو واللحظة من ابو بلال الصومالي << رسايله فلته هالآدمي :d
مهارة فائقة في التفاوض الأب (مخاطبا ابنه) : أريدك أن تتزوج الفتاة التي اخترتها لك . الإبن : و لكني سأختار عروسي بنفسي . الأب : و لكني اخترت لك ابنة بيل جيتس !!! الإبن : حسنا ، في هذه الحالة . . . .. أوافق . الأب (مخاطبا بيل جيتس) : لدي عريس لابنتك . بيل جيتس : لكن ابنتي ما زالت صغيرة السن على الزواج . الأب : و لكن العريس هو نائب رئيس البنك الدولي !!! بيل جيتس : آه !! في هذه الحالة . . . . أوافق . الأب (مخاطبا مدير البنك الدولي) : لدي شاب يصلح لمنصب نائب رئيس البنك . المدير : و لكن لدينا عدد كبير من النواب ، و لا توجد مناصب شاغرة . الأب : و لكن نائب الرئيس المقترح هو زوج ابنة بيل جيتس . المدير : آه !! في هذه الحالة . . . . تم تعيينه . سؤال : هل تستطيع أن تدير أعمالك بهذه الطريقة ؟ http://img824.imageshack.us/img824/968/94762496.jpg |
زمان العجايب فيه شئ اسمه ديليت على طول تريحين مخك من الرسائل المزعجه في الإميل عندي حوالي 5000 رسالة ما فتحتها وثلاثة أرباعها من شخص واحد . هوايته في النت أرسال واستقبال إيميلات فقط لاغير . وانا ماأشتركت في قروبات . |
اقتباس:
ايه مقيوله نافعنا قلة ..... :d هذا الي خايفه منه علشان كذا خل نرقيك عند شيخ يكويك قبل لا تعرف عليهم :whistling: |
اقتباس:
بس تدري يصير بس خرعه أذا فتحت أيميلي وشفت العدد:whistling: وهذاني أمسح مو مقصره أقول أخاف صديقك أبو مصعب لانه نفس الطبايع :d |
|
اقتباس:
لكن الأيام هذي مريحني من الرسايل عنده إجازه من العمل . وأكثر رسايله وهو يداوم . |
اذا ما نفعت طريقتك يا ظنوونه
ابقولك طريقة جديدة :whistling: نخلي مهند بن سمران يلبس حزام ناسف وندخله على القروب ولا من شاف ولا من درى .:d |
زمان العجايب
تصدقين اني مثلك اشتركت في قروووب وبعد مهوب انا الي مشتركه اختي <<<<<<< انا واختي شراكه في الايميل:d ناشبه لي تسجل في المنتديات بايميلي:Looking_anim: وياكثر ماتجيني رسايل منهم بس الشرهه على الي بيفتحها على طول مسح واريح بالي سوي مثلي امسحي وارتاحي تصدقين اني حطيت مسح الايميلات هوايه ;) بس ياشين لامسحتي ايميل مهم بالغلط وانتي ماتدرين |
اقتباس:
لو كل الرسايل منهم يا عبير مش مشكله بس فيه رسايل حلوه أتحسف أمسحهاا عبوره تبين ايميل ارسل لك :d |
ياالغاليه زمان
مشكله القروب والرسايل عند الأغلبيه لازم تمسحين الرسايل أول بأول والله يعينك على مصعب وربعه الأفارقه :nono: |
اقتباس:
نمسح بس تعبت من تكرار العملية ;) |
ظنوونه
وينك يـ أم الخطط جرب خطتك وارتحت من ابو مصعب وشلته كم يوم وبسم الله ردوا ولا تسلطووووووا صاروا يرسلون الرسالة مرتين وش هالناااااس :nono: |
ههههههههههههههههههههههههههههههههه
الله يعينك من جد حاله صعبه الله يعينك على بو مصعب |
| الساعة الآن 10:29AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية