|
طلال يانواف ,,,,,,,
اهداء الى الغالي /نواف الطلال الرشيد
كانت هذه الابيات عندما كنت في حزن شديد بعد فقد اخي الغالي طلال ولم ازور نواف لفتره ونواف كان يذكر علاقتي بوالده منذ صغره وعندما سمعت من بعض الاصدقاء الذين يزورون نواف انه مستغرب من عدم زيارتي له..فكانت هذه القصيده,,,
نواف لاجالت فبالك تفاكير=وسألت عن غيبة(علي)في غرابه لاشفتني ماجيت ظمن المسايير=وجالك سؤال ولالقيت الاجابه لاعلموك بحالتي بالتفاسير=تعرف ماكل المواجع تشابه ماهوجفا مني ولاهو بتقصير=لازال قلبي مستجد بصوابه ماعاد لي وجهه براي,ن, وتفكير=غير العذاب اللي ذبحني عذابه لاشفت حزني بالمسا جاني امغير= ضييق على صدري ونوخ اركابه مالي عن اللوعات والحيف تبرير=لاهل دمعي مايهيد انسكابه عندي خبر محد,ن, يرد المقادير=ولااحد,ن, يغير ماكتب في كتابه صعب اتناسى وحشتي والتكادير=وحزني بقلبي مايفك التوابه (طلال) يا(نواف) لارحت للغير= محد,ن, يسد بغيبته في غيابه (طلال) يا (نواف) فوق الاساطير=كل الخصال الشامخه تلتقابه تذكر (محبتنا) من ايامك اصغير= سنين ماشفت الكدر من جنابه لاشفت بأغراضي معاه التصاوير= الحزن داهمني وكشر بنابه ياما خذاني خاطري بالمشاوير=وكانت بدربه ذكرياته زهابه اقبل على (حي النخيل) بمحاذير= من هاجس,ن, ماكنت حاسب حسابه قصر,ن, من اول كان جيته اباطير=من فرحتي 00وايقولي ياهلابه اليوم خطواتي ثقيلات بالسير=وحسيت في غصة حزن عند بابه كني من الضيقه مخدر بتخدير=امشي.. ووقف.. بين حزن ومهابه يردن علي نظرات عيني محاسير=لاشفت مجلاسه وممشى مشابه من بعد حب الطير صرت اكره الطير= من يوم ماكان السبب في ذهابه ماعاد يطربني كلام الصقاقير= غير انه ايزيد المواجع كآبه تعتاض بالدنيا جميع المخاسير= الا خسارة والدك ..ماتجابه |
علي المبرد صح السانك تعتاض بالدنيـا جميـع المخاسيـر ....الا خسـارة والــدك ..ماتجـابـه صدقت والله يرحمه حتى اللي مايعرفه حزن لفراقه وانت بقصيدتك هذي يعلم الله اني اقراها بغصه قلبت كثيرا من مواضع مرت ولازالت بالذاكره والله يحفظ نواف من كل شر ويرحم الفارس الشاعر ويبقيك ويحييك ياعلي تقبل مروووري ومودتي |
من بعد حب الطير صرت اكره الطير من يوم ماكان السبب فـي ذهابـه ماعـاد يطربنـي كـلام الصقاقيـر غير انـه ايزيـد المواجـع كآبـه تعتاض بالدنيـا جميـع المخاسيـر الا خسـارة والــدك ..ماتجـابـه رحم الله الامير طلال العبدالعزيز الرشيد رحمة واسعه واسكنه فسيح جناته وحفظ ابنائه من كل مكروه انه سميع مجيب.... الشاعر علي المبرد في كل نص مختلف .. ترتقي بالشعر ياراقي .. صح كلك لا عدمتك |
الشاعر القدير : علي المبرد ..
سلم بنانك وسلمت روحك من كل سوء.. تمنياتي لك بالتوفيق.. تحيتي لك http://www.s111t.com/up/uploads/imag...9b2842b5a9.gif |
علي المبرد
رائعه و جزله وفاء و صدق و محبه صح لسانك مليون و رحم الله الامير طلال الرشيد و ادخله فسيح جناته كل التقدير |
الله يرحم الشاعر والامير/ طلال الرشيد
ويجعل العوض في نواف واخوانه وصح السانك ياعلي المبرد قصيده اعجبتني كثيراً خصوصاً جزئها الاخير تحياتي,, |
الغالي
الشاعر علي المبرد الله انه يسعدك ويوفقك بجميع اوقاتك ولقد اسعدني ان اكون من ضمن المصافحين لهذه القصيده شبه الرثائيه رحم الله طلال الرشيد وانت بهذه القصيده انصفته بصفاته اللتي ذكرت وصح لسانك وعلا شانك مليون ولا يكفون وتقبل تحياتي |
هو كذلك ياعلي هو كذلك ..
لست وحدك يالغالي .. رحمك الله يابو نواف فلك من القلوب التي احبتك مالا حصر لها . علي البمرد .. اعجز عن تسطير اعجابي بكل حرف انت دونته فحيثما تحل يحل معك الجمال رغم صور الألم الذي تتوشح قصيدتك تلك الا انها استحقت من الروعة مالم يستحقه غيرها من القصائد ... فلك تقف كل صور الأعجاب احتفاء بما ينسكب من ينابيع حروفك ياراقي .. تقبل صادق ودي مع ارق التحايا |
من بعد حب الطير صرت اكره الطيـر مــن يــوم مـاكـان السـبـب فـــي ذهـابــه مــاعـــاد يـطـربـنــي كــــــلام الـصـقـاقـيــر غــيـــر انـــــه ايــزيـــد الـمــواجــع كـــآبـــه تـعـتــاض بـالـدنـيـا جـمـيــع الـمـخـاسـيـر الا خــــســـــارة والــــــــــدك ..مــاتــجـــابـــه رحم الله الشاعر والامير طلال الرشيد وأسكنه فسيح جناته وأصلح ذريته وصدقت ياشاعرنا الفاضل على المبرد ابو نواف طير ما ينتعوض . صح لسانك على هذه الفاخرة :thumb: |
الغالي علي المبرد\\
صح لسانك ياجزل وابونواف يستحق رحمة الله عليه الكل يفتقد\الطيب حتى لولم يعرفوه عن قرب لاكن على قولة الشاعر\ (علم الرجل توحيه ولاتشوفه)\طبت وطابت يابونوف واطيب التحايا |
اقتباس:
اخي الكريم الف شكر لك وعافاك الله وسلمك دمت بخير |
مُزدحم هذا الإحساس بالمرارة والفقد لضياءْ الرشيد رحمة الله عليه أ : على المبرد قوافل الشعرْ برفقتك سُكرة وليس بغريب عليك معك يرتدي الشِعر حُلة الجمال أختك : لِباسُ الضّوءْ |
الله يعطيك العافيه
|
اقبل على (حي النخيـل) بمحاذيـر
من هاجس,ن, ماكنت حاسب حسابه قصر,ن, من اول كان جيته اباطيـر من فرحتـي 00وايقولـي ياهلابـه اليـوم خطواتـي ثقيـلات بالسيـر وحسيت في غصة حزن عند بابـه صح لسانك يالغلا لاخلا ولا عدم |
اقتباس:
اختي لينا الف شكر لك ودمتي بخير ولاخلا ولاعدم |
اختي الشاعره
عيون الفجر شكرا لعبورك ونثر ورودك بمتصفحي دمتي بخير |
اخي ريف النشاما
الف شكر لك على المرور العذب لاخلا ولاعدم يالغالي |
اخي
خيالها شكرا لعبورك وطيب كلماك دمت بخير |
سفير المعاني
شكرا لك وثناءك اسرني دمت بود |
اقتباس:
حقا اخي تركي هو كذا اخي تركي الرشيد شكري وتقديري لك اسعدني تواجدك بمتصفحي دمت بخير |
زمان العجايب
شكرا لك اسعدني تواجدك لاخلا ولاعدم |
عزيزي سردار
شكرا لحضورك وعبير حروفك دمت بخير |
لباس الضوء
سلمتي ودمتي والف شكر لك نورتي بحضورك شكرا لك |
دامي الجرح
شكرا لك دمت بخير |
شقاووة بنووته
سلمتي ودمتي ودام مرورك الف شكر لك |
لاشفت حزني بالمسا جانـي امغيـر
**** ضييق على صدري ونوخ اركابـه مالي عن اللوعات والحيف تبريـر **** لاهـل دمعـي مايهيـد انسكـابـه عندي خبر محد,ن, يـرد المقاديـر **** ولااحد,ن, يغير ماكتب فـي كتابـه صعب اتناسى وحشتـي والتكاديـر **** وحزنـي بقلبـي مايفـك التوابـه العذب ***(( مبرد الشعر ))*** ما أروعك ***ما أجملك ***ما أعذبك صح لسانك مليوووووووووون |
لاشفت بأغراضي معـاه التصاويـر الحـزن داهمنـي وكشـر بنـابـه ياما خذانـي خاطـري بالمشاويـر وكانـت بدربـه ذكرياتـه زهابـه كلمات تحمل الكثير و الكثير من المعاناة هكذا هو الفراق يحرق القلب وله "حِره"لا تنتهي رحمه الله ,ومسح الله على قلبك لروحك:r: |
لاشـفـت حـزنـي بالمـسـا جـانـي امغـيـر
ضيـيـق عـلــى صـــدري ونـــوخ اركـابــه مـالـي عــن اللـوعـات والحـيـف تـبـريـر لاهـــــــل دمـــعــــي مـايــهــيــد انـســكــابــه عـنـدي خـبـر مـحـد,ن, يــرد المـقـاديـر ولااحــد,ن, يغـيـر مـاكـتـب فـــي كـتـابـه صـعــب اتـنـاسـى وحـشـتــي والـتـكـاديـر وحـــزنــــي بـقــلــبــي مــايــفـــك الــتــوابـــه علي المبرد صح لسانك على هذه القصيده الأكثر من راااائعه والله يرحم أموات المسلمين جميعا تحياتي لك \ \ |
صح لسانك اخوي ...
|
الشاعر علي المبرد
صح لسانك واعتلا شانك يعطيك الف عافيه عالقصيده الرائعه احترامي لك |
رحم الله الامير طلال العبدالعزيز الرشيد
رحمة واسعه واسكنه فسيح جناته وحفظ ابنائه من كل مكروه انه سميع مجيب.... على المبرد صح لسانك قصيد تحمل من الالم الكثير واعجبتني كثير ويعلم الله انك ابكيتني لك خالص مودتي |
اخوي فواز الرويلي
لك شكري وتقديري الله يسعد ايامك والف شكر لك دمت بخير |
بيض الله وجهك جزله وماهي غريبه عليك
الله يرحمه ويسكنه الجنه تقبل مرور اخوك |
ماأروع هذه الكلمات النابعه من قلب يذرف الدموع
على فقدان انسان عزيز على النفس وانسان كبيير في مواقفه وعطاياه من منا لم يبكي على فراق هذا الانسان الرائع مانقول الا الله يرحمه ويسكنه فسيح جناته علي المبرد لك جزيل الشكر |
| الساعة الآن 09:37PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية