بالخارطه ترسم حدود ومسافات=وانارسمت المملكه في قصيده
الملك من رب السموات وهبات=ولايقدر ازمامه يكود الوليده
امثال ابوتركي زعيم البطولات=اللي قبل حكمه تشتت بديده
جاللرياض يردد اغلى العبارات=يارب تنصرني لنصر العقيده
واصل عقب فتح الرياض الفتوحات=ابااختصرها والمواقف عديده
وحد حدود الدار من كل وجهات=واصدربهاالمرسوم عقب اتحديده
وتسلسلت بامره صدورالقرارات=اللي بها عاش المواطن رغيده
من ضمنهاللنفط بان اكتشافات=وتأسست للنقد عمله وحيده
والباديه توطنت بالنحيات=توالفو دان العرب مع بعيده
يجمعهم المسجد لخمس الصلوات=عاشوبظل الشرع عيشه سعيده
سيرة بطل وردت منهادلالات=يكفي عن الشرح المطول مفيده
زعيم ورث له ارموز وزعامات=يالله عسى الفردوس تالي وعيده
واصل على نهجه اسعودالنجاحات=وتنامت بعهده مرافق جديده
وعقبه ولى فيصل ازمام المهمات=وعاهد اشعوبه بالخصال الحميده
وفي عهد خالدفتح سابك وهيآت=وفي عهدابوفيصل اصروحن مجيده
منهاالمطابع للمصاحف والآيات=والآن في عهدالمليك وعضيده
والنايب الثاني على كل حالات=الله يعطيهم حياتن مديده
بذل وعطايشمل جميع القطاعات=تذيع به شاشه وتنشر جريده
بانجازهم واكب وطناالحضارات=واصبح من احساب البلاد العميده
اللي لها ثقل بجميع المجالات=يحسب لها عند الامورالشديده

ابراهيم اليحيا بن مريح

شَــآعِــرْ
http://www.rhb-reema.com/vb/images/rating/star7.gif

صح السانك

شاعر مبدع ومشاركتك مشرفه
ونتمنى لك التوفيق

المشاركة الأصلية كتبت بواسطة لينا (المشاركة 292058) تسلم يمينك... راقت لي حب الوطن جميل ولا يتغير ابدا صح لسانك بن مريح وربي يعطيك العافيه ودوم للافضل بالتوفيق

المشاركة الأصلية كتبت بواسطة خلف العاطفي (المشاركة 292069) ابراهيم اليحيا بن مريح شَــآعِــرْ http://www.rhb-reema.com/vb/images/rating/star7.gif صح السانك شاعر مبدع ومشاركتك مشرفه ونتمنى لك التوفيق

المشاركة الأصلية كتبت بواسطة سفير المعاني (المشاركة 292118) الغالي الشاعر ابراهيم اليحيا اسعدك الله ووفقك بجميع اوقاتك بكل خير سرني واسعدني ان اكون ضمن المصافحين لهذه القصيده الوطنيه والتاريخيه وما تحمله من قوه من شاعر جزل ومتمكن وله باع طويل بالشعر وصح لسانك وعلا شانك مليون ولا يكفون وتقبل تحياتي