انا عيني عليها السهر زادي = وحارب نونها حلو الرقادي
الاياعين وشبك ياشقيه=علام الطرف فالسهر متمادي
وانا مالوم طرفك يوم يسهر=مدامه وامره يسهر فوادي
والايالقلب وش علمك عليه= تحرك في خفايه كل هادي
وانا الي قدم هذي كنت اطيعك=انفذ مابغيته بجتهادي
على دربك مسخرةٍ خطايه=تحدرني وترقيني سنادي
ايلين احفيت من تبعك سبوتي=ولاحصلت من تبعك مرادي
وانابنصحك يالمجون هون=وكب اهل الموده والودادي
مادام الي هويته بان صده=ترامن يتبع المقفين غادي
تجنب سكة المقفي لعله=تنحابه مسايل كل وادي
عساه ان عاش ساعه ماتهنا= يعش بحسرته حتى النفادي
وجعله ميتٍ لنار تصلى=عظامه لين تودعها رمادي

المشاركة الأصلية كتبت بواسطة سفير المعاني (المشاركة 263692) الغالي الشاعر فهيد مقعد الرويس الله انه يسعدك ويوفقك بجميع اوقاتك بكل خير ولقد اسعدني ان اكون من اول المصافحين لهذه القصيده الرائعه من شاعر متمكن وله باع طويل وصح لسانك وعلا شانك مليون ولايكفون تقبل تحياتي

المشاركة الأصلية كتبت بواسطة عقاب (المشاركة 263698) فهيد صح لسانك صح لسانك تحياتي .

المشاركة الأصلية كتبت بواسطة خلف العاطفي (المشاركة 263709) فهيد صح السانك وعافاك ربي وانا بنصحك يالمجنون هون وكب اهل الموده والودادي مادام الى هويته بان صده ترى من يتبع المقفين غادي تقبل تحياتى واعجابي:r:

المشاركة الأصلية كتبت بواسطة خيّالـهآ (المشاركة 263710) فهيد الرويس دائماً البحر الصخري يعزف على الاوتار الحزينه ويدق اجراس الذكريات خصوصا بنص عاطفي جميل جداً كهذا النص صح السانك تحياتي,,

المشاركة الأصلية كتبت بواسطة نومان سحل (المشاركة 263719) فهيد الرويس ارشيفك حافل بالروائع صح لسانك مودتي

المشاركة الأصلية كتبت بواسطة شبيب السبيعي (المشاركة 263724) فهيد الرويس رائعه من روائعك استمتعت بهذا البحر فأنا من عشاقه شكراً لك دمت بود

المشاركة الأصلية كتبت بواسطة زمان العجايب (المشاركة 263945) الشاعر فهيد بن مقعد الرويس قصيدة فاخره صح بوحك دمت بخير