هذي الليالي نجمها صابة أفول=وهذا الزمن لا هو زمنك و زماني
ياحلمي اللي كل مافيك مقتول=مات الرجا ياحلم والعمر فاني
وماهو طرب يوم ازهم الصبر وأقول=يا رحمة الله يازمانٍ وطاني
متحطمٍ قلب العنا حيل معلول=ماتت على بابه حلوم وأماني
والعقل من كثر التفاكير مذهول=خوفي من الله لا يصيبه جناني
مشلول كف الصبر والعزم مشلول=والدرب موحش والخطاوي تعاني
سيف الغدر في وجه الأيام مسلول=والصدق ماله في زمنا مكاني
والأجودي اللي عاش عمره على طول=متنعمٍ بين السخى والتفاني
ذابت سنينه صابها جدب وذبول=وأصبح (......) في نظرهم أناني
مابل أرضه غيث مزن ولا سيول=ولا مر سمعه أمنيات وتهاني
ياسيدي لا تحرث الحزن ويطول=همٍ أضمه بين حدب المحاني
وخل السنين تمرني عجل وحمول=معها شبابي وذكريات و أماني

المشاركة الأصلية كتبت بواسطة يفوق الوصف (المشاركة 11479) ثريا الشرق صح لسانك واحساسك ابيات مؤثره ومعبره وجميله رائع ما خطت يدك من ابيااااااااااات نورتنا بننضمامك الينا وزدتنا اشراااقا بعبق قلمك المبدع تحياتي لك وننتظر جديدك

المشاركة الأصلية كتبت بواسطة msha3r (المشاركة 11480) سيف الغدر في وجه الأيام مسلول والصدق ماله في زمنا مكاني الله عليك ثريا ابدعتي صح لسانك ويسلم احساسك لاعدمناك ..

المشاركة الأصلية كتبت بواسطة عاشق (المشاركة 11483) ياسيدي لا تحرث الحزن ويطول همٍ أضمه بين حدب المحاني سفيرة الابداع وشاعرة الخليج الاولى ثريا الشرق لا املك امام هذه الشامخه الباذخه الا ان اقول تستحقين كل الاللقاب الممنوحه لكِ لكٍ كل الشكر على الابداع والحظـــــــــــور . . . تــثــبــيــــت تحياتي لك