|
راضي الهاجري ومزون الشرق(مسيرة بياض وجه)
بسم الله الرحمن الرحيم السلام عليكم ورحمة الله وبركاته أسعد الله أوقاتكم جميعا في الأمس ومع شديد الأسف ، فتحت جريدة الشرق القطرية لأقرأ ملحق مزون الشرق الذي يعده الشاعر والاعلامي الكبير / راضي الهاجري ، فتفاجأت في إعلان انقطاع هذا الملحق الذي دام أكثر من أربع سنوات في دولة قطر والذي له مسيرة حافله من التميز والإبداع ومما زاد هذا الملحق إبداعاً وتألقاً هو معده الأخ / راضي الهاجري ، الذي تميز بصدره الرحب وحسن تعامله مع الشعراء ، وشيمه وأخلاقه العالية ، على عكس بعض معدين الصفحات الشعرية في الخليج الذين يعانون من أمراض العنصرية الخبيثة والمحسوبية المقيتة ، كان الأخ راضي أنبل من هذه الأمور مما جعله يحتل مكانة في قلوب شعراء دولة قطر وشعراء دول الخليج كافة ، وبصراحه كان فيه بيت يدور براسي من زمان وهو البيت الأول من القصيده لكن مع الخبر اكتملت القصيده ، وهذه القصيده ليست إلا وفاءاً وتقديراً واحتراماً لهذه الشخصية الفذه التي عرفت بالشهامة والادب والأخلاق وقدمت الكثير الكثير من العطاء المتواصل اللا محدود لخدمة الشعر والساحة الشعرية ، فودننا أن نروض لهُ هذا القاف الكايد وننحر له هذه القصيده السمينه.. يالهاجري ياتيك مني شكر خاص=أنت و(مزون الشرق) ياتيك مخصوص أديتوا الواجب مع صدق وإخلاص=هذا الأكيد وصادق الهرج مبخوص كنك ياراضي في رمال الشعر شـاص=تقلص وغيرك يابن الأجواد مقلوص مثلك كريم وفي بحور الكرم غاص=الطيب به من أكبر الجد مرصوص صفحتك في دولة قطر شبه قناص=تقنص قصيد(ن) من بلا الهزل مفحوص غيرك ياراضي دوم لا جيت له حاص=إلا أنت رجل(ن) ثابت(ن) ضد كل حوص تفتح لنا الأبواب ونجيلك أشخاص=وتقدر الجيّه ولا تعرف اللوص نشكر جهودك شكر يارمز الإخلاص=لو ان خبر بعدك على الشعر منقوص كن الخبر ياخوي فالحلق غصاص=غابت (مزون الشرق) والقلب مقروص لاترتجي فزعه ومحزم بلا ارصاص=لا ترتجي دام العرب صارت اجعوص خل الملوص كان يالهاجري لاص=لو طول التسويف والوضع مخبوص واللي يغثك ليت لو يدعمه باص=ويصير جسمه بس نصفين مقصوص لأن الكفو غالي معادينه ارخاص=أغلى من الألماس لو ياتي افصوص وأنته ياراضي غالي(ن) قدرك وخاص=فزت افبياض الوجه والعلم مقنوص يكفي غلاك بداخل اقلوبنا غاص=والمدح لك يالهاجري صار مرخوص وسلامة الجميع |
صح السانك
والاستاذ راضي يستاهل والحقيقه انه فقيده لاهنت يابعدي اخوووك مقيم |
الله على وفاك يابن العجالين
والله على جزالتك وأنا بالنيابة عن ابن العم أقول وجهك أبيض وما عليكم زود وأنتم أهل الوفاء وأنتم أهل الطيب ألف شكر لك يالغالي على هذه الرائعة ولو إن البطا شين لكن مايشفع لك يا بدر إلا جزايلك تحياتي باريسي |
صقر العاجلين
بيض الله وجهك وافيه من وافي في وافين صح بوحك تحياتي,, |
الغالي الشاعر بدر صقر العجالين الله انه يسعدك ويوفقك بجميع اوقاتك ولقد اسعدني ان اكون ضمن المصافحين لهذه القصيده الرائعه بالهاجري ويستاهل وصح لسانك وعلا شانك ولاهنت وتقبل تحياتي http://upload.rhb-reema.com/files/1382.png |
اقتباس:
صح الله بدنك ومن قال لاهان تستاهل الطيب يامقيم:) مشكور ولاهنت على المرور الكريم.. تقبل تحياتي،، |
اقتباس:
ماعليك زووود نفداك وانتم خوالنا ولكم حق علينا:thumb: وانا اقوول باريسي محبوب وطيب اثرك هاجري والله ماهو غريب الطيب عليكم لانه يجري بدمكم ياخوااالي:r: مشكور ولاهنت على المرور الكريم.. تقبل تحياتي،، |
بدر صح لسانك
جزل يابدر |
اقتباس:
صح قلبك وماعليك زوود يالسنافي وجهك ابيض فديتك:r: مشكور ولاهنت على المرور الكريم.. تقبل تحياتي،، |
يستاهل الأستاذ / راضي وهو كفو ومثله يُذكر في المواقف المشرفه وانت وافي يابدر ومافيك قصور بيض الله وجهك على هذا الإخلاص ورد الجميل لمن يستحقه صح لسانك وسلم بنانك |
ايها الراقي
فصح لسانك وعلاشانك تألق وتميز وابدع موفق بأذن الله الله يعطيك الف عافيه ... تحياتي وشكري الكبير لك |
| الساعة الآن 08:57PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية