سلام الله وذكرالله بداية كل تسليمه= عسى الله يصلح النيه بظاهرها وباطنها

يابن عامرطرحك الله بوادٍ شفتك تهيمه= وانا خبزتك خابرها وخابزها وعاجنها

هلا يامرحبا والله يجيب الخير ويديمه=وانا بشرك بان الله على الاجواد هونها

انا حصلت لي ناس(ن) بوسط الوادي امقيمه=وناس(ن) تدفن الجره وفكري داري(ن) عنها

هلابك ياهلا والسيل عقبه ديمة ديمه = ومحطات الفضى عيت على الأجواد تعلنها

أنا مابيك تفتيني بتحليله وتحريمه = أعرف الجره اللي صارلك حولين دافنها

صحيح ان المصمم طوّل وطلع تصاميمه=ولكن جابت اصخور(ن) كريمه من مخازنها

يقولون العرب من قبل كل طقه بتعليمه=وحنا مادفناها يالين ابدت مجننها

تصاميم المصمم مابعد شفنا لها قيمه = حصات(ن) جبتها يمي ولا ادري وين وازنها

أثرك تبيت النيه وترجي بالصحو غيمه =تراقص لك شياطين(ن) سكنت بوسط مسكنها

تصاميم المصمم جابت اللي شفت تقديمه=وزانت وانت لين الحين بعلومك تشينها

عسى ربي يبارك فيك رييّس منتدى ريمه=علامك ماتحب الشجره اللي غصنكم منها

شهور الحول محسوبه بتاريخه وتقويمه= عليه تاتمشيها وترجع تاتزينها


مدام انته رغبت البيت خذلك فيه تعتيمه= وانا من دون طلح الدوح كانك ناشد(ن) عنها

انا عقمت جرح(ن) قبل ماحصلت تعقيمه=وبيّنت العلوم اللي قليل العرف راكنها

يثور المخزن اللي نرفز الطاغي محازيمه=وانا مامشي تحت حكمة سرائيل وتسلطنها

حليلك واحليلك مجتهد واجروحك أسقيمه = تبى الدكتور يفزعلك وبالعصار يدهنها
يثوربك اللغم لوهو بجيش الصرب تلغيمه= وبنيت لدولت(ن) عظمى لحالك صرت تقطنها

انا من فضل رب البيت راعي قدر(ن) وشيمه=ولا الد النظر فاللي سواليفه يكربنها

إلي فنجال دله وانت إلك براد تلقيمه=وانا اشوف المنيحه زانت وكثرو زباينها

ضميرك عقب دمرته ياليت تعيد ترميمه= وترد حقوق جيران(ن) لها حولين راهنها

ليا عدت قرايا المملكه عدوك ياثليمه =على وجه الخريطه بس أشوفك طايح(ن) منها

ترى مالك مع البدوان لا ناقه ولا خيمه=ولكن روح راجع فرعها لن كانت ضامنها

انا اسمي فالدجا ساطع ولا غطتني الغيمه=ولو طالت حبوبك فالرحى ياعقاب ابطحنها

ليا قلنا صفى جوك يعود فيه تكتيمه= عطيتك سابق(ن) حره وماتقدر ترسنها

ترى مالك براطم لوتشب النار ياشريمه= تبين وتتقي في حارت(ن) ياشريم زابنها