|
جوي الصافي .... مصافحه اولى
بسم الله الرحمن الرحيم اللهم صل على محمد وعلى آله وصحبه أجمعين السلام عليكم ورحمة الله وبركاته اتشرف بتواجدي في هذا الصرح والمنتدى المتميز الذي يضم كوكبه من الشعراء والكااتبين والمبدعين واتشرف بمشاركتي معكم وهذي اول قصيده والقااادم اكثر باذن الله واتمنى تعجبكم مايخرب جوي الصافي مع استكناني غير نااس (ن) جاحده لطيب ماوصلو له ماعلي من العنا والهم والوجداني ابتساامه وسط وجهي شقته من طوله كل ماحاولت اقاوم حسنك الرباني نظرة(ن) في وسط عينه بالهنا محموله اتوقف ثم احاول فك ربط لساني اتلعثم في كلام (ن) ماعرف مدلوله ثم اروح انخا حروفي وارتجي قيفاني ياحروفي ارسمي غالي عجزت انوله في كلامه شي غامض يسلب استحساني وفي عيونه دمع طفله بالشقا مقتوله التملك طبع واضح فيك يالانساني والدليل انك ملكت الحرف والي حوله كل من شافك حبيبي راح عالم ثاني ماحد(ن) يدري عن وصوله ووقت وصوله انت عالمك الجميل وتبطي الالواني ترسمه في وسط لوحه توصفه بفصوله ايه احبك ياحبيبي كثر مابكاني شايب(ن) فاقد عياله ماقوته حموله استشف ارضاك احاول قد ماامدااني اني اوصل من غرامك للقمر واطوله ثم الف الكون كله كقر مااعطااني من نعم ربي خيال(ن) مانقص مفعوله اذكروا رب البشر سبحانه الرحماني دمعتي مابين رمشي والهدب مشلوله اشتر الي حيل حبك /بيع شخص اناني (ان ابواب الزماني للورى مقفوله) في هدوئك اقتنص فرصتك ياتعباني لاتفكر في مسائل كلها محلوله مارضيت بهالشقا .. والهم ... والاحزاني لجل يرجع يوم واحد يااااااااااه ياني اوله في قياسات الزلازل ثورة البركاني لاقضى صبر الصخر يتكسر ويبكوله وانا فيني قد تكسر كل شي (ن) كاني كنها عيني مزون (ن) بالمطر مبلوله هاجس (ن) مابين دمعي والندم سراني رحت ادور بالقصايد جوهره مصقوله انثنالي فكري الي يشبه الاغصاني وكل واحد قد زرعه يهتني بمحصوله في ختام القول صلوا عالنبي ياخواني وافهموا شي (ن) عجزت اوصله واقوله (الحب داء(ن) والدواء ياحبيبي فاني ) (كم واحد (ن) بالحب جاحد جاهل(ن) باصوله ) |
الله الله عليك يالكيادي
يسعدني باني اول من صافح هذه الباقه وكأن المسامع تشم زهور نرجسها صح بوحك ولاهنت ومرحبابك ياخالد في منتداك بين اخوتك ولنا الشرف ايضا ً بانضمامك معنا في منتديات رهب الادبيه وعسى الله ان يجمعنا على عزه وطاعته تحياتي.. |
عليه الصلاة والسلام
صح لسانك وعسى جوك دوم صافي |
الغالي
الشاعر خالد الكيادي الف الف مرحبابك في شبكة منتديات رهب والله انه يسعدك ويوفقك بجميع اوقاتك بالخير اسعدني مروري على متصفحك ومصافحة هذه القصيده الجميله والرائعه بروعة حضورك وصح لسانك وعلا شانك مليون ولا يكفون تقبل تحياتي |
خيالها لاهنت وصح الله بدنك وبيض الله وجهك وانا اعتبر نفسي بين اخواني
|
اختي حبي الامارات جعل والديك بالجنه ومن يقرا وشكرا ع المرور
|
سفير المعاني اسعدني اكثر مرورك ع القصيده وصح بدنك اخوي وبيض الله وجهك
|
شاعرنا المبدع خالد الكيادي
حياك الله في هذا الصرح الشامخ الله الله درك يابطل همسه (( فيه صوت )) |
خالد مسيت ب الخير نص يتدفق شاعريه .. بحره ممتع .. وحرفه ..مقنع .. ومعانيه ..محلقه ..في سماء الشعر. تحياتي ..ودمت بخير |
اخوي المنايا لاهنت لبى قلبك ومرورك وردك يشرفني
همسه (( احلى صوت )) |
اخوي انا صح بدنك ولاهنت وبيض الله وجهك
|
حياك الله
وصح لسانك تحياتي |
الله يحييك وصح بدنك
|
الا خ خالد حياك الله وصح لسانك نورت في تواجدك بين اخوانك لك اجمل التقدير دمت سالم |
| الساعة الآن 05:22PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية