لَوْ تَصْفِقين الخْمَس بالأخْمَاس مَا ضَنيِ تِهِيْد = عيْنِي ولَوْ نَاديت بأعلَى الصوت يَرْحم حَالَها
هَاتِي جُذور الحَزنْ أبَغْرِسهَا وانا دَمْعِي حَمَيْد = واَسْتَعْصِمِكْ مَادَامْ دَيجور الشَّقَا يِحْلاَلَها
لا وآعَذَابي كلَِّمَا شَمْسِي عَن المَشْرِق تِحِيْد=تَقْبِلْ وَتَقْفِي بِي سُمُومٍ وَاحْتِسِي فِنْجَاَلها
غَصْبَ اتِجِرّْع مِنْ سُمُوم الليَل لَوْ رَاسِي عَنِيْد=لا رِحْم ابو حَظً رَمَاني بغيْبَهَا وأهوالها
مِنْ خِلْقِة الدَنيا وحِنَّا حَالنَا نقْصَه يزيد= ليت الأماني ليتَها .. مَاتَتْ .. ولا جا فالها.!
نَاسٍ تِشيْل أحْقَادَها واحْسَادَها عِدّ(ن) عَتَيْد=تنَفِْثْ سموم الغَدْر في يدينٍ تبَي تِشْتَالها
وانا كِما طِيرً غَدَى لِه قِصَّةٍ تنَقِْل قِصِيْد= قصة وفا مَاهِي خَيَالٍ والعَربْ يحِكَاَ لها
فَلا ارتسم ضحك الشفاه ../ ولا بقى عقلٍ رشيد=كم لي وكم ياراويه مِنْ فعلها واقوالها..!
(ولْ قبح الله) جرح جعل المعرفة به ما تِعِيْد=اليا طَرَالي مَا نشدت الروح ويش أحوالها ؟
في سَاعِةٍ لَوْ كَانْ لقُمَان السديد ابن السديد= يسلم ويسلم ما لقى بين الحلول احْلالها
يا عنك ناَظَر جِفْن عَيني مِرتِخي مَاهو سعيد = والعُوْد الاقْشَر كيف ناحل ..!؟ والضلوع ارثالها
رِجْلِيْ حَفَتْ يوُم العَماس يثوع بالحظ القريد = مِنْصم ما هزّه عَظيْم الصوت لا له لا لها.!
كالغيم همي .. وين ما وجهت .. / نسمع له رعيد = ولا نكرت سمعي شفت برقه مع سراب لالها
في ساحة ما فيه عندي لا سلاح ولا وقيد = يومن جيش الضيق يجتاح الضلوع وطالها
ذنبي..! نقلت الجرح باحساس المروه واستعيد=من ماضي الازمان ذكرى وآقعي وابرالها
ذنبي ..! خسرت اللي وجوده كَفْو يا نعِم السنِيد = اللي عليه دمُوع عَيني مَا سِكنْ همالها
لاما يهدَّ المسْرِجَات إلا بشذرات السديد = حي جحفلا يوم الوَغَى دَكَّ الفلا بجبالها
متمركز فوق النجوم موثق العروه فريد = راقي سنا غاشي ثرى بالطرقه اللي نالها
فلا يفل مِنْ الحَدِيد .. إلا شِدِيدات الحديد= والصبر طَيّبْ والحبال يحلها حلالها
ما عنك قاصر يا يميني .. لا ولا بعرقك بليد = أخشى يقال البنت لاهي لعمّها ولخالها.!
اي احسب حساب القريب من الاحبه والبعيد=ناس ليا طلت تباشر نورها بقبالها
ناس علينا حقهم والحق في عرفي أكيد = لا مرّهم قوس النكد ..! فزّيت أقول انا لها
وانا بنيه قد حَقَنْت الطيب مع عرق الوريد = حتى ازهموني هيه يا بنت العبيه يالها
لني صنعت المجد بيديني وانا مجدي تليد = نَكّْست روس ما تنكس من رداة افعالها
مير الحزنْ.. سوى سوايا , جعل عرفه لا يعيد = والضيق ثاوي في مخاريج الحشا ومدخالها
ومدام حنا لطاعة المولى وحنا له عبيد .. = مالي سواااه اركي عليه المعضله بحبالها..!

الغاليه
الشاعره
معاني الشوق




الله انه يسعدك ويوفقك لمافيه الخير
اسعدني مروري وان اكون اول المصافحين
لقصيدتك الحامله للكم الهائل من المعاني

لقد ابدعتي بهذه القصيده الاروع من رائعه
وصح لسانك وعلا شانك لاهنت





تقبلي تحياتي

ومــــــدام حـــنــــا لــطــاعـــة الــمــولـــى وحـــنــــا لـــــــه عــبــيـــد ..
مـــالـــي ســــــواااه اركــــــي عــلــيــه الـمـعـضـلــه بـحـبـالـهــا..!

مرحبا معاني الشوق

ونعم بالله سبحانه

ازال الله عنا وعنك كل هم وابدلك السعادة والسرور

قصيده غايه في الروعة والجمال والخيال الواسع
صح لسانك وطاب بنانك

دمت بخير في حفظ الله

اي احسب حساب القريب مـن الاحبـه والبعيـد
نـاس ليـا طلـت تباشـر نـورهـا بقبالـهـا
ناس علينـا حقهـم والحـق فـي عرفـي أكيـد
لا مرّهم قوس النكد ..! فزّيت أقـول انـا لهـا
وانا بنيه قد حَقَنْت الطيـب مـع عـرق الوريـد
حتى ازهمونـي هيـه يـا بنـت العبيـه يالهـا
لني صنعت المجـد بيدينـي وانـا مجـدي تليـد
نَكّْسـت روس مـا تنكـس مـن رداة افعالـهـا
مير الحزنْ.. سوى سوايا , جعل عرفه لا يعيـد
والضيق ثاوي في مخاريـج الحشـا ومدخالهـا
ومدام حنا لطاعة المولـى وحنـا لـه عبيـد ..
مالي سواااه اركي عليـه المعضلـه بحبالهـا



لله درك


ابدعتي وامتعتي واحزنتي من تعمّق في روعة ماكتبتي كيف لا وهو يرى مثل هذا الابداع لا يأخذ حقه من الاحتفا

ابداع بحق


شكرا لك فقد اعدتي فلترت ذائقتنا

القدير خيّالها
لاهنت وبيض الله وجهك على حظورك الطيب والجميل
ولك مثلما تمنيت لنا
تقديري وأحترامي

الله الله الله الله

ماذا نقول
هل هي ياقوته ام زمرده ام ماذا يعجز السان عن وصفه هذه الشامخه
تغار حروف كلمات هذه الشامخه كل حرف في بيت من بيوت هذه الشامخه يقول انا الياقوته انا الزمرده

شامخه رسمت ثم نحتت ثم صبت بماء الذهب وعلقت علي جدار شموخ بين اهل الشموخ من فارسة الشموخ والحرف
اسمحلي ان هديك هذا القب(( فارسة الشموخ والحرف))

القدير عقاب
لاهنت وبيض الله وجهك على حظورك الطيب والجميل
تقديري وأحترامي

الشاعرة معاني الشوق
أنت معاني الشعر والقصيد
للاه درك على هذه الرائعة
وللاه درك على هذه الأبيات

فـي سَاعِـةٍ لَـوْ كَـانْ لقُمَـان السديـد ابــن السـديـد
يسـلـم ويسـلـم مــا لـقـى بـيـن الحـلـول احْـلالـهـا
يـا عنـك ناَظَـر جِفْـن عَينـي مِرتِخـي مَاهـو سعـيـد
والعُوْد الاقْشَر كيف ناحل ..!؟ والضلـوع ارثالهـا
رِجْلِـيْ حَفَـتْ يـوُم العَمـاس يـثـوع بالـحـظ القـريـد
مِنْصـم مـا هــزّه عَظـيْـم الـصـوت لا لــه لا لـهـا.!
كالغيم همي .. وين ما وجهت .. / نسمع له رعيد
ولا نكـرت سمعـي شفـت برقـه مـع سـراب لالهـا
فـي سـاحـة مــا فـيـه عـنـدي لا ســلاح ولا وقـيـد
يومـن جيـش الضـيـق يجـتـاح الضـلـوع وطالـهـا


لك كل الود مع تحياتي
أخوكم مارد عبقر