![]() |
هنا هدية العيدعساكم من عواده ولاتنسونا من يوميات عيدكم
|
وعساك من عواده إن شاء الله
وأعضاء منتدى رهب الله يعوده علينا وعليكم بالهناء والسرور والبلد هذا آمن وسالم موضوع ممتع وشيق ومسجات رائعة بالنسبة لنا الإجتماع عندنا في أول يوم عيد من كل سنة سواء الفطر أو الأضحى طبعا (غداء وعشاء ) وثاني يوم وثالث يوم عند بقية العائلة حسب الجدول المتفق عليه من قبل وسلامتكم تحياتي باريسي |
كل عام وانتم بخير
الله حلو الموضوع أحنا لنا جدول له عشرين سنه ولا أكثر اليوم الاول عند جدي والثاني عمي 1 والثالث عمي 3 ومات جدي وصار فيه تغييرات بس بالترتيب *_^ شموخ مالقيت شيء للعيد وش السوات :sm5: ما اعجبني شيء بالسوق ! وماخليت ولامول واللحين كنت بروح وهونت زحمه كنهم حجاج :d وانا مااحب الزحمه ...غير اني صايمه وتعبانه:nono: |
الاخ الكريم باريسي
يومكم رائع وحلاة العيد بالمه الحلوه عساك وغواليك من عواده سررت لتواجدك الرائع وننتظرعودتك بعد اول يوم العيد الف شكرلك ودمت بخير |
ياهلابك الغند وربي يرحم جدك وموتنا وموتى المسلمين
ايامكم حلوه ويكفي المه الحلوه مع الاهل تراها مشاعرغير وبالنسبه لزحمة الاسواق صدقتي خليك مثلي مااحب اروح الاالصبح احس رواق اكثر وياغاليه ليس العيد لمن لبس الجديد، إنما العيد لمن طاعته تزيد. ليس العيد لمن تجمّل باللباس والمركوب، إنما العيد لمن غفرت له الذنوب. ليس العيد لمن حاز الدرهم والدينار إنما العيد لمن أطاع العزيز الغفار وعساك وغواليك من عواده سررت لتواجدك الرائع ربي يسعدك وبنتظار يومياتك لعيد هذاالسنه ان تغير جدولكم(*_-) كل الود دمتِ بخير دمتِ بخير |
بمناسبه عيد الأضحى المبارك ،
أعاده الله علينا وعليكم بكـل خير ، وكل عام وأنتم بألف خير وجعلها الله سنة حلوه علينا وعلى المسلمين كافه |
هلا شموخه
والله كلامك صحيح والله يعودة على المسلمين بالخير واليمن والبركات وأنا كنت بروح السوق الصبح ..بس قلت صيام وغيرت رأيي وأبشرك جيت من السوق ولقيت أشياء حلوة في أنوتا وتوب تاتو وأن شاء الله أسجل يومياتي في العيد بس متاكدة من الساعه 7 ص عيال أختي يسلمون >>بس عشان العيديه هالجيل صاير مادي ههههههه عاد أنا ودي أصلي العيد ......ماعمري صليت صلاة العيد الا مرة وحدة من زمان وأحس لها طعم واتمنى أصلي هالعيد |
عسى الجميع بخير وصحه وعسلامه
وينعاد علينا وعليكم ومشكوره حبيبتي شمووخ نجد وبالنسبه للاستعدادات للعيد توني الحين جايه من المشغل انتي خابره خرابيطنا حنا يالبنات قبل زحمة بكره ولا بعد توني جايه وبطلع نسيت اشتري لشغالتي ملابس العيد بروح اشتري لها واكشخها :) <<<<< مهوب كني قصيت قصت حياتي اما العيد اكيد اول شي بروح لامي فديت روحهااا بعدين يالله يبداء المشوار عمي وخوالي وعمتي والغداء عند عمي الله يطول بعمره ويعافيه بس الله يهديهم غداء الساعه تسع:) وسلامتكم وهذي مني لكم http://www.arcaan.com/vb/uploaded/7711_11196304732.jpg |
عســــاك وغواليك من عواده ابو سعود
الف شكرلك وبنتظار عودتك لطرح يوميات العيد دمت بخير |
هلا بك الغند والحمدلله فكت الزحمه و شريتي عساه ملبوس العافيه
:) وبخصوص العيدات مازالت موجوده والبعض نساها خليهم يفرحون هالجيل ههههههه ياما كنا نتدلع مانبي ريكو نبي ماكنتوش<<جيل التسعينات ربي يتقبل منك صلاة العيد ومنا وجميع المسلمين وبنتظارعودتك ياغاليه |
عبيرالروح هلابك يالغلا
وعساك واحبابك من عواده ههههههههه صدقتي عاد هالمشاغل ليلة العيد ماتلقين فكه الا قبل الفجراذاجيتهم متأخره انا بالنسبه لي ماحب اروح لها اجيبها للبيت ارتاح اكثر<زوله وبالعكس يالغلا ماطولتي علينا نطمح للمزيد ربي يحفظ لك والدتك ويطول بعمرها اما الساعه 9 هذي عندنا بس اعيدعلى اصحاابها واطمرها ههههههههه ماننحرم من طلتك الف شكرلك على الاهداء الرائع وبنتظار عودتك دمتِ بخير |
كل عام وانتم بخيْر وعساكم من عواده انا بعيد هنا بلحالي ها السنه اكيد مفتقده الجميع ولاكن الامر لله كل عام وانتم وغوالينا بصحه وعافيه وراحة بال اللهم امين كلك ذوق شموخ تحياتي رهب |
كل عام وانتم بخير ياشموخة ومشكورة على المعايدة الله يعيدة علينا بالصحة والسلامة http://upload.rhb-reema.com/files/1370.jpg كل ماأقدر أقوله الله يديم الصحة والأمن ودمتي بخير |
وانتم بالف خير يارب ياخي متى نقصب الضحيه هههههههههههههه :)
اغضاء رهب كل عام وانتم بخير |
هلا والله شموووخه
عسسآك من عوآد العيد يارب وكل غالي عليــك بالنسسبه لعائلتي عيد الفطر غير من عيد الاضحى مايكون العيد عندنا خصوصا الاضحى الا بعد العصر عششان الضحايا اما هالعيد تغير عششان اختي جتنا من الششرقيه << وهو اول عيد اضحى احسس بطعمه < الله يرحمنا مدري يمكن عششان اللحم والقلق بس الحمدالله هالعيد احلى واحلى * وراح يكون اول يوم عندنا ويمكن نطلع الاستراحه بالليل اذا كان الجو حلو ودافي ومابعد اتفقوا العائله على الباقي وووبس وكل عام وانتم بخيـــــــــــــــــــــر |
تقبل الله طاعتكم
وعيدكم مبارك وجعل الله كل ايامكم سعيدة |
http://nagamat.files.wordpress.com/2...ift988t111.jpg
كل عام وانت الى الله أقرب وعساكم وعواده يوميات العيد احلى ما فيها الصغااااااااااار عندي لاني أحرص انا والوالده على معايدتهم بمفاجاه وهذا احب شيء عندي ومعايده اهلى والوالد كعادته من قبل صلاة الفجر يدور على غرفنا علشان يصحينا ولا زالت هالعادة موجوده عنده واخواني واخواتي اللي برى يتصل عليهم علشان يقومهم لدرجة وحده من خواتي ما تنبه جواله لان ابوي اضبط من كل سااااااااعة الله يعيده بالخير والمسرات علينا وعلى المسلمين آجمعين واللي ما اعيد وسط عايلته الله يعينه ويرجع لهم سالم غانم << كنى طولت بالرد شموخ نجد عساك بخير ويسلموووووووو على موضوعك. |
كل عام وانتم بخير مرة ثانيه وينعاد عليكم
عدت يا شموخ :r: والعيد كان حلو من بيت لبيت وحلوة اللمه بس جدتي كانت تعبااااااانه مرة ضارب عندها السكر والضغط وهي ماتحب طاري مستشفى ولا دكتور تخيلي ماتبي تروح ...حتى صارت ماعاد تشوف من الضغط وأمس كنا عندها لين نامت وعندها طبع غريب ماتحب تطلع من بيتها ابداً ....وخصوصا لما ضعف نظرها وأمس قالت بتروح لبيت عمتي <<بنتها وهذة معجزة انها بتطلع من بيتها ! تقول اخاف اموت ولا احد عندي :nono: انا بكيت ....جدتي ماعمرها شكت حتى لو تحس بــ الم ويارب تكون بخير اليوم ماعليه يمكن ضايقتكم بــ أخباري بس حبيت أفضفض وتدعوووون لها ولمرضى المسلمين |
كل عام وانتي ياشموخ والجميع بخير يارب :e:
الله يتقبل من الجميع يآرب صراحه يوميات العيد فله قمت ع صرآخ اختي قومي الفطوور اكلوا الكبده عنّآ :d هع افطرنا وعايدت اخواني وابوي واتصلنا ع خيوو الكبير نعايده > بالدوام مستلم :(1 مسكين ماحس باجواء هالعيد ولا اللي قبله وبعدها تجهزنا ولبسنا ورحنا لـ بيت عمو وتقهوينا وحلينا وضحكنا وتغدينا ..ووو الخ وبعدها رحنا لعمتي نعايدها ع السسرريع وردينا للبيت وعلى ماجاء المغرب رحنا لـ عمي الثاني العشاء عنده ورجعنا مانشوف الدرب :d وماقمت الا على صوت المطر ماشاء الله . > قاعده احاول في ابوي باتسر يطلعنا نتغدا بالمزرعه صراحه اجواء باريسيه ^_* ^ ^ ^ والله يومياتكم ممتعه جميعاً :d لاهنتي شموخه :r: مشكوووورهـ الغند : الله يعافي ويشفي جدتك يارب |
كل عام والجميه بصحة وسلامة
وعساكم من عواده العيد يحلو بأجتماع الأهل والأحبة .. تملأ قلوبهم الأفراح والمسرة .. وبالغربة نبحث عن كل ماهو من الوطن .. صديق او قريب ونجتمع ..في مزرعتنا المتواضعة ويمضي النهار بين الذبح والشواء والجلوس حول النار نتذكر ليالي الشتاء ببلادنا والحكايا والذكريات .. مع أمنياتي للجميع بعيد سعيد وعمر مديد وكل عام وأنتم بخير عطر الليل |
. مبارك عيدكم , وكل سنه وانتم بألف خير مودتي / حجاب , |
الغاليه ام نواف عساك وحبايبك من عواده ويارب ترجعين لنا بالسلامه
الغاليه ليلى وانتي بصحه وسلامه وحبايبك والجميع يارب :)تعليمات وانت بخير يارب والحين يمديك ان شاءالله فصفصت العظيمات:) عوافي على قلبك الغاليه النادره كل عام وانتي وحبايبك بخيرالله يسعدك ويحلي ايامك وفعلا المه حلوه بالعيد وتحش بشعور غير اخوي الواضح واانت بصحه وسلامه وغواليك الغاليه يازمان العجايب عساك واحبابك من عواده والله يخلي لكم الوالد ويطول بعمره وحلاة العيد من الصبح وغيره ماحس له طعم الغاليه الغند كل عام وانتي بصحه وسلامه واسأل الله ان يشفي جدتك ويفرحك بشوفتها بهالعيد وبكل عيد بلعكس ماضيقتو صدورنا كلنا اخوان ويهمنا فرحتك وزعلك وياجعل ايامك كلها افراح الغاليه همس كل عام وانتي واغواليك بصحه وسلامه يومك ماشاءالله جميل ويارب ينعاد عليك كل سنه وانتي بخير الغاليه عطرالليل عساك من عواده وغواليك صدقتي وماافيه اجمل من اجواء الاهل وين ماتكون ويزينها فصل الشتاء وشبت النار عساه ينعاد عليكم وانتم بصحه وسلامه اخوي حجاب عساك من عواده والله يعيده عليك وانت بصحه وسلامه اشكركم جميعا من القلب وينعاد عليكم وانتم وحبايبكم بخير |
هلا وغلا
شموخ كل عام والجميع هنا بخير وفي خير كل عامومليكنا ووطننا وشعبه بخير وفي خير كل عام وجنودنا البوسل بخير وفي خير عيدكم مبارك وادام الله لنا ولكم والجميع الصحة والعافية |
اخوي الخرش وكل وانت وغواليك
بصحه وسلامه وعساكم وجميع المسلمين من عواده الف شكرلك وفقك الله |
الساعة الآن 10:55AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية