|
مرحوم ياطفلن رضع من دموعه ( صوتيه )
بسم الله الرحمن الرحيم السلام عليكم ورحمة الله وبركاته ويسرني ان اقدم لكم عمل جماعي ومشترك بيني وبين الشاعر الرائع \ ابوعبدالله الشمراني فالكلمات كلماتي ’ والاداء اداءه واتمنى ان يحوز على رضاكم يافهيد عاقت والتعب ماهو مرجوع=يافهيد ليه الذيـب يلتـاع جوعـه يوم المنادي صاح ماعادِ مسمـوع=يوم الملك قد طاح واعلن خضوعه يوم اللقا اصبح كما حبـة الكـوع=الحال صارت بين غبنـه ولوعـه يافهيد قلي هالشرف ليـه مبيـوع=ليه الحسد هالوقت زادت فروعـه ختم الردى في غالب الناس مطبوع=والخير روّح واعتذر عن رجوعه ليه البخت من تاعس الحظ منزوع=ليه الشقا حـلا بوجهـي طبوعـه ليه الفرج في رمل الاوهام مزروع=والقرم ينتف شاربه مـن فجوعـه ليه اللقا في ساحة الشوق ممنـوع=ليه الجفا شعشع سماي بسطوعـه وابي السموحه منك لاتصير مفزوع=واكتم سدودك وواحتذر كل روعـه ان جاك علمي بأبيض الكفن ملفوع=مشيوع جثماني وقـرب وضوعـه اعلن رحيلي وأجهر بحس مسموع=مرحوم ياطفلن رضع من دموعـه وتقبلو تحيات اخوكم \ ابوصقر الشمري |
صح لسانك وبنانك اخوي الشمري
القصيده رائعه ,,, والمقطع الصوتي بحمله واسمعه مشكووووووور |
صح لسانك وسلمت لنا يمناك
ابدعت قصيده منتهى الروعه وذوق لاهنت بانتظار جديدك ودي |
ليه الفرج في رمل الاوهام مزروع
والقرم ينتف شاربه مـن فجوعـه ليه اللقا في ساحة الشوق ممنـوع ليه الجفا شعشع سماي بسطوعـه قصيده جميله واعجبتني جدا هالابيات والله يعطيكم العافيه تحياتي لكم |
عذب الاحلام
الحظ العنيد عالي السعد لاهنتو جميعا ومشكورين فردا فردا وكلكم على راسي وبيض الله وجيهكم لاخلا ولاعدم وماننحرم طلتكم البهيه تحياتي وتقديري اخوكم \ ابو صقر الشمري |
صح لسانك اخوي ابوصقرالقصيده مي قراح صافي
|
ختم الردى في غالب الناس مطبوع والخير روّح واعتذر عن رجوعـه ليه البخت من تاعس الحظ منزوع ليه الشقا حـلا بوجهـي طبوعـه ليه الفرج في رمل الاوهام مزروع والقرم ينتف شاربه مـن فجوعـه الله رووعه صح لسانك وعلى شانك ماشاءالله عليك كلمات عذبه بماتحوي ابدعتو اداء جميل من الشاعر\ ابوعبدالله الشمراني دام صوته لاهنتو جميعا ابدعتو بنتظار قادمكم بشوق فلاتحرمنا وفقكم الله |
حوران شمر
صح الله بدنك وماعليك زود ولاهنت عالطله وماننحرم شموخ نجد صح الله بدنك ولاهنتي واشكرك كل الشكر على اطراءك الجميل والمنعش لاخلا ولاعدم وماننحرم هالطله يارب تحياتي لكم جميعا اخوكم \ ابوصقر الشمري |
|
ابوصقر
الحمدلله على السلامه من طول الغيبات جاب الغنايم وصح ألسانك وعتلا شانك لاعدمناك |
أبو صقر الشمري شاعرنا القدير
صح لسانك وعلا شانك قصيدة جزله ورائعه أبدعت وتألق موفق بأذن المولى ... تحياتي وشكري لك .. |
الغالي
الشاعر ابو صقر الشمري الله يسعدك ويوفقك بجميع اوقاتك قصيده تحمل مضمون ومعنى قوي وصح لسانك وعلا شانك ولا هنت تقبل تحياتي |
مرحوم ياطفل ٍ رضع من دموعه
ولد ودمعته معه....الله عليك ياغزير ابو صقر صح بوحك ولاهنت تحياتي.. |
بيض الله وجيهكم
بيض الله وجيهكم جميعا والف شكر لكل شخص باسمه اعلمو باني قرأت ردودكم بتمعن وبيض الله وجيهكم فردا فردا لاهنتو وصح الله ابدانكم وماننحرم تواجدكم اخوكم ومحبكم \ ابوصقر الشمري |
| الساعة الآن 01:30PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية