منقوووووووووووووووول ساعدوها حراااااااااام
 

هذي قصتي من اولها لاخرها
تخيلوا لو انتو او اخواتكم مكاني اللي صار لي ممكن يصير لاي احد ومن ستر على مسلم ستره الله في الدنيا والاخره


انا انسانه عمري 21واحب الذكريات والتصوير خصوصا اذا كانت في سفر او في مواقف تحصل في العائله المهم انا موحقت لافيس بوك ولا بالتوك ولا مغازل ولا يحزنون بس احب اصور نفسي كثير بما اني بنت ومعجبه بنفسي المهم انا دايم اصورنفسي وفيه صور مالها داعي واللي يشوفها يقول عني بنت صايعه وانا ما اقصد فيها شي اصوراولاد اخواني واخواتي واخواتي المهم اخواتي كلهم متزوجات واحب التصوير اذا تمكيجت واذا جيت البس لبس جديد وحرصي على الصور انقلتها كلها من الكاميرا الى الاب توب ولما تعطل الاب توب قررت اوديه الى محل عشان يتصلح واخذت كل الصور اللي في الاب توب ونقلتها الى جوالي وحذفت كل الصور من الجهاز
المهم في نفس اللحظه قالت لي امي انها تبي تروح اسواق المملكه وكنا في وسط الاسبوع وكان العصريوم الاثنين 15-12-2008م وقالت لي روحي معاي وهذا طبعا لان كل اخواتي متزوجات وفي بيت ارجالهم قلت لها اوكي حتى اني ما لبست كويس لان امي تحب تروح مملكة المرأه اكثر شي لانها تشتري الانجري من هناك وتستحي تشتري من محلات الرجال وبعد ما وصلنا لمملكة المرأه اخذنا لفه على المحلات وكان جوالي فيه كل الصور اللي حذفتها من الاب توب فجأه رن جوالي واطالع الجوال إلا اختي الكبيره تقول ليه ماتردون على البيت وقلت لها ان احنا طالعين قالت لي عطيني امي ابي اكلمها عطيت انا امي الجوال وكنت حريصه على جوالي عشان الصور امي قفلت وعطتني الجوال ولما جينا نطلع من السوق وجيت ادق على السواق إلا فجأه مالقيت جوالي كبيت كل اللي في الشنطه فسخت العباية دورت في جيوبي فتشت امي مالقيته حست مملكة المرأه وحست الدنيا وصرخت وبكيت وقلت لامي فيه صورنا كلنا اللي في الكاميرا واللي في الاب توب وصور اخواتي كلهم ودرت في كل المحلات وكل مكان وانا اتحيسب وين راح الجوال ياليتني ما طلعت ياليتني مارحت بموووووووووووووووووووت من القهرحتى امي صارت تبكي ودموعها كأنها نار في قلبي طيب صوري انا المسؤوله بس اخواتي كلهم متزوجات صرت اشوف في وجهي وانا ادور مثل المجنونه وجيه رجال اخواتي يارب خاف تنتشر دورت حتى في الزبايل في الممرات في الحمامات مالقيته وانا متأكده ان حد ما خذه بخفه مني بس المشكله اني كنت في مملكة المرأه وشلون ؟؟؟؟؟؟؟؟؟؟؟؟ هذا الموضوع اكتبه وانا ابكي وميته من القهر وانا حاسه ان اللي صار عشان اخذ درس وهذا شي مكتوب يارب تستر علي وعلى اخواتي لاني خايفه الصور تطيح في بنت ما تخاف الله وتنشرها اماااانه اذا شفتوا صور بنات لاتحاولون تنشرونها وانتي كنتي شايفتني لاني جلست الحد بعد العشاء وانا انتظر واحوس عليه ما اقول الا حسبي الله ونعم الوكيل في اللي اخذه لأن اختي درت عن الموضوع وانهارت وترقدت في المستشفى وامي انهارت ما كانت روحه جيت ارضي امي وانفضحت انا لله وانا اليه راجعون
((وبشر الصابرين الذين اذا اصابتهم مصيبة قالوا انا الله وانا اليه راجعون))
والمشكله اني خبيت على اخواني الشباب الموضوع وخفت منهم لان لهم صور معاي يااااااااااااااااااااارب تستر علينا حسبي الله لا اله الا هو عليه توكلت وهو رب العرش العظيم والمشكله ان اخواتي ما يبون يعلمون رجالهم خااايفين وانا خايفه على ابوي ومن اخواني ما ادري وش اسوي --- فاياليت احد اذا شاف صور بنات لايساعد في نشرها خصوصا اذا ما كانوا البنات من ضمن الفنانات و المشاهير ووجيهم واضحه لاتنشرونها رجاااااااااءً انا خسرت صورنا كلها ما ابي اخسر سمعتي واخرب بيت اخواتي لان الجوال فيه اكثر من 500 صوره وفي واحد من رجال اخواتي شكاك وملتزم ووحده من اخواتي ماصارلها شهرين متزوجه

الله يسترعليها يارب وعلى خواتها
ويحفظهم من شرشياطين البشروينتقم من الي سرقته

ومشاكل جوالات الكاميرا لاحدود لها
قبل الجوال والناس كلهم بخير
نسأل الله السلامه
جزاك الله خيرعمشات
على نقل الخبر
دمتِ بخير

مشكورة اختي شموخ نجد ع الرد

لاحول ولاقوة الا بالله

دائما ننصح بعدم التصوير الخاص .... حتى لو كنتي احرص الناس ..... لاتعلمين ظروف فقده .... والشيئ

الآخر حتى لو يخترب الجهاز .... يعاد تشغيله ... بل في برامج تعيد كل الذاكرة ... واحذروا من محلات

تصليح الجوالات والكمبيوترات ...

على كل ... هذا ابتلاء نسأل الله أن يقع هذا الجهاز بيد تخاف الله ... ويعلم قوله صلى الله وعليه وسلم

(من ستر مسلما ستره الله في الدنيا ولآخرة ) وعلى الإنسان أن لايستعجل في الحكم ويرمى ابرياء

التكنولوجيا اصبحت خطيرة جداااا ... وخاصة التصوير ... في الفنادق والمنتزهات الخاصة وحتى في

غرف النوم .... من خدم وغيرهم .... نسأل أن يستر علينا وعلى جميع المسلمين

شكرا لك عمشات ...

العفو اخوي الواضح شاكرة مرورك

عمشات

والله االعظيم ودي اقول وجهة نظري ولا تزعلين مني


انا لو قريب لك ماكفاني عقال ولا عقالين على ظهرك


وطبعا لمصلحتك والحمدلله وانشاالله ان الجوال طاح في مكان فيه مويه

وتلف كل شي

وانتي احتسبي على الله

لاتزعلين مني لكن هذي وجهة نظر فقط

والله العظيم اني حاس فيك وادري باللي فيك

اااااسف واكرر ااسفي

اخوي عبد الرحمن هذا منقول مو انا
هههههههههههههه

هههههههههههههههه

والله يااني مقهوووووور منك

ههههههههههههههه

الله يستر على عورات المسلمين قولي امين

اميييييييين

عمشات
وانتي اي شي اقول قوليه تقولينه

هههههههههههههههههه

سوري ماكان قصدي

أولاً ( اللهم فرج كربتها وأستر عليها وعلى نساء المؤمنين أجمعين اللهم من أراد بها المكر والكيد فرد كيده في نحره وأستر عليها في الدنيا والآخرة اللهم أجعل في طريقها أبن الحلال الذي يخاف على عورات النساء كاخوفه على عورات بيته آمين يارب العالمين )

ثانياً : أشكرك أخي القدير عمشات على فتح المجال لنا في المساهمه ولو بالدعاء وأتمنى ما طلبته هذه الفتاة أن يجد صدى في قلوب الشباب ويرحموا الفتيات من الغدر والخسه التي عششت في قلوبهم يدعون شيء إلا وهي والطهر والعفة وهم أبعد الناس عن فعله ...

ثالثاً : للأخ عبدالرحمن الرجولة والفحوله ماهي بالعقال وضرب الظهر الرجوله أنك تعرف أن هذا أبتلاء من الله سبحانة وتعالى وإللي يعف في بنات الناس يلقى إللي يعف أهله وأهل بيته وإللي يلعب في بنات الناس يلقى إللي يلعب في اهل بيته
يعني يمكن أخوانها إللي يسون مرجله مثل ما تفضلت بالعقال هم أكثر الشباب
إللي يتداولون صور البنات ويتفخرون كم عندهم في الجوال من بنات خلق الله
عشان كذا ربي بلاهم في بيتهم عشان يتذكر كم بنت شافها ولا ستر عليها وخاف الله فيها وتذكر للحظه أنها ممكن تكون أخته وترا إللي يسوي الشيء يلقاه في بيته وإلا كلامي غلط ...
يعني الرجوله طال عمرك ماهي مثل ماتشوفها أنت الرجوله أنك صدق تشوف بنات الناس الغرب أخوات لك من جد ماهو كلام على ورق وعرضهم من عرضك مو حلال عليك اللعب فيهم وترا مشكلة الصور انتم يالشباب السبب فيها وإلا لو كل رجال خاف الله وعرفة حقً كان أتقاه في كل تصرف ماهو كلام بس إلا أفعال كان مالقينا صور بالكثرة هاذي حتى أن كان فيه بنات خربنات ...
نفسي أسأل ليه ما فيه صور شباب متداوله بين البنات ...
ليه الشاب يخاف إذا جاه أتصال من بنت مايعرفها ويجي في باله أنه ولد يلعب فيه لأنه من كثر الدنائة إللي وصلوا لها الشباب صاروا يخافون من بعض يعني حتى الشباب ما سلموا من بعض وحقارة بعض....
لأن الشيطان معشش على قلوبكم
ولاعب عليكم بشيء أسمه أنا رجال وأسوي أي شيء....

عبدالرحمن ياليت تصحح شوي من طريقة تعاملك والبنت ماهي حيوان عندك تضربها ولله لوهي جمل ماتسوي فيها شيء والتربيه ماهي بالضرب طال عمرك لكن تعودنا عليكم يا شببنا الغالين اخلاق مع إللي برا ماهو لله لهدف في أنفسكم وشيطين مع أهلكم سحبان الله أرجوا لنهج نبيكم في التعامل وشف وش قال يراعي العقال قال رفقاً بالقوارير وأنا ما أشوف أن الخطأ منها في من حقها تعيش حالها حال غيرها دام صورها للذكرى ومافيها شيء يحملها على الحرام
بمعنى أن الخلل عند إللي سرق وعند إللي ينشر وعند إللي يتفرج ولا يمسح ويستغفر ربه ويتذكر اهله ويخاف على بنت الناس مثل خوفه عليهم ....

رابعاً .. في حكاية صارت تشبهها وأعرف إللي صارت لهم مضبوط تدري وش قال أخوهم التقي العفيف والطاهر إللي يخاف الله في كل خطوة قال دام أنا أعرف مايهمني الناس وأصلاً الناس تتكلم بصور وإلا من غير أحنا نخاف من ربي وبس ودامها ماهي على حرام وصور عاديه للذكري لا تزعلون وتتضايقون ودامني انا أعرف وش يهمكم الناس فيه الناس بتشوف مره مرتين وبكره تنسى ليه أضيع أخواتي من بين أياديه عشان الناس وأنا أعرف أنكم أطهر البنات ...
تدري ليه قال كذا لأنه أنسان طاهر يخاف ربه فاربي أبتلاه وكان صابر واحتسب مصبية عند الله وسبحان الله أخواته جاهم أحلى نصيب أي بنت تتمنى النصيب إللي جاهم ...

أشكرك يا عمشات وأعتذر عن الأطاله لكن فيه أشياء كان لابد من توضحيهها
لعل هنالك من يعي ويفهم المعنى من الكلام
تحياتي لك وأشكرك ...