ياحبيبي حبك اللي ساكن وسط الحـــنايا = ساكن وســـــط الضماير لحظة الحب ومـثوله
ياحبيبي لا تخـــجـــلني ببسمات الثـــنايا = وأنت تعرفني أضــــيع بنظرة العين الخجـــولة
والخلايا في عروقي ترتجف كل الخــــلايا = من غـرامك ترتعش لك بنظرة العين القــــتوله
بس بالتالي عرفتك يوم سويت الســـــوايا = كيف تخدع من يحبك وماعطى غيرك قـــبوله
غرني لمعة غرورك وخلت بك بعض النوايا = لين نفسي أقنعتني وقلت عاذل مع عذوله
وشفت وجهك ماتغير نفس شكلك والحـــلايا = كيف غيرت الطبايع بس كيف بـهـالـسهوله
من عرفتك مخلصٍ لك ماحصل مني خطايا = وأنت في درب الخطيه روَّحت رجلك عجوله
وش علامك ياحبيبي قـمت تطعن في حشايا = كنك موصى بطعني ولك على الطعنه عموله
تنثر همومك بقلبي في الوريد وفي الزوايا = لين زاد الهّم فيني وانتـــــخي للي يزوله
وطبعك التـافه عرفته ابتعد بان الخفـــــــايا = ابتعد ما ابي كلامك ما ابي شيٍ تقـــــــوله
نفسي ما ترضى الهزيمة رغم عذبات السجايا = وفيه في قلبي مواقع تحتدم فيها الرجوله
لا تحسبن التبسم لو حصل بعض الهدايا = يمتلك قلب المخضرم قلبي ما تقدر تنوله
ولو تنول اللي تنوله نلت من قــــــلبي بقايا = ونلت انا النصر المظفر في ميادين البطوله

[table1="width:95%;"]

المشاركة الأصلية كتبت بواسطة زايد الدغماني (المشاركة 184885) عبدالله صبيح هنا يكون الرد صعباً لي عوده باذن الله

المشاركة الأصلية كتبت بواسطة محمد الحارثي (المشاركة 184897) أهلا بك عبدالله ما أعذب الشعر حينما يكون من شاعر متمكن ...!! حتماً سيجبرنا على الإرتقاء معه إلى الأعلى .. ...!! شكراً لك وشكراً عليك يا عبدالله ...!! وأهلا بك ... بيننا ...!!!

[/table1]

---

المشاركة الأصلية كتبت بواسطة عقاب (المشاركة 184908) [table1="width:95%;"]

عبدالله بن صبيح صح لسانك ولاهنت على هذه الرائعه تحياتي

المشاركة الأصلية كتبت بواسطة ابو فيصل (المشاركة 184973) عبدالله بن صبيح شاعريه فذه تمكن أتقان تقبل مروري تحيااااااتي لك

المشاركة الأصلية كتبت بواسطة سفير المعاني (المشاركة 185005) الغالي الشاعر عبدالله بن صبيح الله يسعدك ويوفقك لما فيه الخير اسعدني مروري على متصفحك والحامل لقصيدتك العذبه والجميله انت شاعر متمكن وايضا مبدع صح لسانك وعلا شانك يالغالي وتقبل تحياتي

المشاركة الأصلية كتبت بواسطة عبدالكريم الضبيب (المشاركة 185035) الشاعر _ عبدالله بن صبيح صح لسانك .. قصيده جزله وحضور يستحق من الجميع الأشاده .. والله يعطيك العافيه .

المشاركة الأصلية كتبت بواسطة عذب القلم (المشاركة 185038) شاعرنا القدير عبدالله بن صبيح اشكرك على القصيدة الاكثر من رائعة عذبة بمعانيها وجزلة بأسلوبها سلمت اناملك يالشمالي على الابيات الرائعة تحياتي وتقديري

المشاركة الأصلية كتبت بواسطة عذب القلم (المشاركة 185038) شاعرنا القدير عبدالله بن صبيح اشكرك على القصيدة الاكثر من رائعة عذبة بمعانيها وجزلة بأسلوبها سلمت اناملك يالشمالي على الابيات الرائعة تحياتي وتقديري

المشاركة الأصلية كتبت بواسطة رحيق الحرف (المشاركة 185136) . . ... عبدالله بن صبيح صح لسانك قصيده اعجبتني جدا في قمة الروعه لاتحرمنا نزف قلمك ياالجزل . .