|
( شرهة الديــم )أهداء للغالي ابوفيصل ..
أهداء لأخي الغالــى/ أبـو فيـصــل .. :r: . عدت يابوفيصل وخلّت مراسيم = بين الضلوع وكل فرحة خذتها ليلة مواجع ماتقل غيمها غيم = من لونها حتى السنين انكرتها الدرب ضيق والليالي مجاهيم = ولاكل مجّهم وسمها برقبتها عرت جسدها من القيم والمفاهيم = روس ٍ تعليها وروس ٍ وطتها لو التكبر مانزل فيه تحريم = كان اكثر المخلوق تظلم بختها قل للمطبل لو تذل الشغاميم = ياشين الاكبر منها عاقبتها الذيب لو بالغار ويعرّض الريم = ذنب الجريمه برقبة راعيتها ماعاد يمدي لاجزعنا من الضيم = مانعرف الهدنه ولاطاولتها الموت لارفت طيوره محاويم = حنا منازلها وخامس جهتها اسوار تملاها وجيه المظاليم = نموت مانمدح يدين بنتها حشمة شواربنا نستها التعاميم = وتكرم لحانا عن دنس محبرتها واليا ضمينا ماشرهنا على الديم = كان الله امرها فحنا تحتها الله سقى هاجر بغيبة ابراهيم = من كان يعلم عن مسيل صخرتها يبست لهات الراسخين الصماصيم = واهل العلوم علومها ماسقتها للوّرق ماتسمع لحون وترانيم = كن الاراضي والنخيل انكرتها وانا على خبرك برجوى المعازيم = وبعض الوجيه تكدّرك معرفتها |
[table1="width:100%;"] | [/table1], ,, خارج / النص : ) عبدالمحسن المسعودي أتمنى أن تكون في تمام الصحه والعافيه / داخل / النص : ( قصيده مصبوبه من اجود الانواع الفاخرهـ , سلمت ياعبدالمحسن , مودتي / حجاب ,, |
لو التكبر مانـزل فيـه تحريـم كان اكثر المخلوق تظلم بختهـا والذيب لو بالغار ويعرّض الريـم ذنب الجريمه برقبـة راعيتهـا الله .. الله قصيدة عظيمه وشاعر مبدع بالفعل يستاهل ابو فيصل هذا الاحساس ودمت يابو بدر كما انت نقياً . مبدعاً . شامخا . . . . |
[table1="width:95%;"] | [/table1]عبدالمحسن ما أجمل ما قرأت هنا من جزالة مفرده ومضمون صح لسانك صح لسانك تحياتي |
الغالي الشاعر عبدالمحسن المسعودي الله يسعدك ويوفقك لما فيه الخير واسعدني مروري على متصفحك ومصافحة قصيدتك الشامخه وما تحمله من مضمون ومعنى وابداع ويستاهل ابو فيصل الاهداء وصح لسانك وعلا شانك يالغالي وتقبل تحياتي |
لي عودة
. . |
هلا وغلا بالغالي / ابا بدر شكراً لك على الاهداء شاعريه عذبه شهادتي فيك مجروحه والله يعين عليك ههههه صح لساااااانك ملياااااااااار تحيه بحجم بنقاءك اخوك/ابوفيصل . |
اقتباس:
الاخ الغالي حجاب شكرا لتواجدك وشهادتك غالية اعتز بها لاعدمناك اجمل تحية |
عبد المحسن
صح بوحك ولاهنت تحياتي لك,, |
اقتباس:
الاخ منصور الف شكر على تواحجك ورايك غالي لاعدنماك الف شكر |
الاخ عبد المحسن المسعودي
تحيه طيبه الف شكر لك يابو بدر على روعة الاتحاف والاسناد الوافي شعراء قراءة قصائدكم مدرسه ومتعه ماشاء الله عليكم صح السانك مليوووون مره |
شرهة الديم قل للمطبل لـو تـذل الشغاميـم ياشين الاكبـر منهـا عاقبتهـا فعلا يابو بدر امر مضحك الموت لارفت طيـوره محاويـم حنا منازلهـا وخامـس جهتهـا يكفي هذا البيت صح لسانك تحياتي |
صح السانك ولاهنت
|
عبد المحسن المسعودي
صح لسانك واعتلا شانك ولله درك والله لايضرك وتقبل تحياتي |
اقتباس:
الاخ عقاب شكرا لتواجدك شكرا لرايك يابعدي عاجز عن الشكر اجمل تحية |
اقتباس:
سفير المعاني اشكرك على تواجدك ورايك اسعدني وهنيئا للمعاني بسفيرها الرائع اجمل تحية |
يعطيك العافيه وصح لسانك
مبدع يابو بدر تقبل تحياتي |
الاخ رياض الهديرس
غمرني السرور بمشاهدة تواجدك هنا شكرا لتواجدك ويسعدني رايك وانت من المثقفين اللذين نعتز بهم شكرا لك اجمل تحية |
| الساعة الآن 12:55AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية