|
بين الحقيقه والخيال
في زحمة الناس كن النفـس محـشـوره=كن الشـوارع سجن وأصـفـاد وأغـلالي حبيت عيش السعـيد وقمت في دوره=تمثيل وإلا الحـقـيقه ناشني صـالي ناديت شيخ الخـيال وهـز ْ باكـوره=وأبحـرت في عـالمي والشـيخ يبرالي في ديرة ٍ عن جـميع الناس مهـجـوره=فارقت صـخـب البلد وأطفيت جـوالي هـبـَّت هـبوب الشـمال وحامت طـيوره=والفـكـر من فـوقهن تحت السماء العـالي روضـة خـيالي طلوع سهيل ممطـوره=لاحت بـروق السـحـاب وجيت طـوالي الورد يضـحـك طـرب في نشـوة زهـوره=والغـيم يبكي وهـلَّ الدمع هـمـَّالي في منتهى نشـوة الملهـوف وسـروره=ذكـرت بعض الهموم وكـدَّرت بالي إن قـلت دنيا الفنا بالخـير معـموره=بالغت بالسالفه والوقـت ميالي سيرة حـياة البشـر صـوره وراء صـوره=فلماً درامي تصارع فيه الأبطـالي هذاك وجهـاً حـزين ويخفي شـعـوره=يضــحـك تصنـَّع وقلبه فيه الأهـوالي هـذاك طـفـلاً يسـرّه خـنق عصـفوره=قدام الأطفال يعرض به ويخـتالي وهذا مريض ٍ تمـلـّل منه دكـتوره=عشـرات الأعـوام حي ولا هـو أمبالي وهذا سـليم ٍ بصـحـة جسم مـوفـوره=أجـهـز عليه الممات وقصـف الآجـالي وهذا سجـين ٍ عليه أبواب مخـفـوره=وهـذاك حـراً طليقاً بالخـلا الخـالي الجـهـل يغشى قلوب الناس ديجـوره=والمعـنويه صـفـر وإبليس متعـالي محاكم العـدل بالوجـدان محـظـوره=استبدلت بالنفاق ومجـدها زالي كرامة النفـس بالأطـماع مغدوره=تنزف جـروح الخـضـوع لروس الأمـوالي الفاطر اللي بوسط السوق منحـوره=تقاطعوها الجـياع بغير مكـيالي شبعت خـشاش الزمان وجـاعت صـقـوره=والذيب سـرحـان صـابه رعب وجـفـالي بعض المواضـيع بالألباب مقـبوره=للمـوت ما رافقـت رجـلي وخـيالي |
كان لي شرف المرور الاول ... من هنا . . . الاستاذ الشاعر / عبدالله المفضلي لا جديد إلا الابداع والشعر الاصيل كماهى عادتك ولي عوده لقراءه متأنيه لهذه الباذبخه الشاهقه تحياتي لك أستاذي . . . . استاذنا القدير وشاعرنا الكبير / عبدالله المفضلي الشمري قد عدت مرااااااات ومرااااااات ولكن أصدقك القول نشوة الشعر من العيار الثقيل تلجم السان عن الكلام فلا أملك إلا الصمت والصمت فى حرم الجمال جمال وماأردت قوله هذه هى المره بعيد ٍ عن القصيده وجو الشعر وحول شهادتك اللي تكفيني عن اعلى الشهادات وعن تواضع الكبار التى ربما يكون قاتل لمن لا يدرك معنى تواضع الكبار وانت كبير بقدرك وشعرك والله لا يهنيك وشهادتك وسام افتخر فيه وتراى مبتدئى ماتحمل الجرعات الزائده تحياتي وشكري واحترامي لك أستاذي العزيز:r: |
[table1="width:95%;"] | [/table1]الله الله الله الله الله الله الله الله الله عبدالله ارويتني شعراً ( بعض المواضيع بالألباب مقبوره ) خلها بالصدور ياعبدالله والصدور قبور عبدالله انت مميز وتستحق وسام التميز صح لسانك صح لسانك تحياتي |
الأخ الشاعر عبدالله الشمري ابداع اكثر من رايع صح لسانك وعلا شانك ولاهنت تقبل تحياتي |
الله الله عليك يا عبدالله
اشبعتني شعر صح لسانك ولا هنت فعلا تستحق وسام التميز وراح اسعالك بهالموضوع << شعنده |
[table1="width:100%;"] | [/table1], ,, خارج / النص : ) عبدالله المفضلي الشمري أتمنى أن تكون في تمام الصحه والعافيه / داخل / النص : ( حقيقه أنت صاحب مفرده مميزه . حبك وسبك لا يجيده الا امثالك من المبدعين . لا هنت يا عبدالله , مودتي / حجاب ,, |
الغالي الشاعر عبدالله المفضلي الشمري الله يسعدك ويوفقك لما فيه الخير اسعدني مروري لمتصفحك وما يحمله من شعر فكل بيت بوزنه ذهب من جماله انت شاعر متمكن ولك باع طويل بالابداع وصح لسانك وعلا شانك يالغالي تقبل تحياتي |
الله .. الله
صح لسانك .. أشهد أنك الشاعر .. وأشهد أنك أمتعتنا بهالقصيده الجزله واللي تحمل بين طياتها شاعر من العيار الثقيل . ومن خيرة شعرائنا . هنا .. كان لي شرف الحضور تحياتي وتقديري . |
الغالي
الشاعر عبدالله المفضلي الشمري صح لسانك واعتلا شانك قصيده اكثر من رائعه وجميله حبك وسبك لايجيده اي شاعر |
ابو فيصل
وانت دائم سباق ولا غرابه ماعليك زود يا رائد الابداع مجرد مرور ابو فيصل يكفي لآنه يشرّف القصيده وراعيها تحياتي لك |
الاخ العزيز والشاعر الرائع عقاب
كم افرحني مرورك وقد منحتني ثقه اتمنى ان تكون بأتم الصحه والعافيه |
اقتباس:
الاخ عبيد ابو شيبه اكتملت الروعه بمرورك صحت روحك تحياتي لك |
شاعرنا القدير
عبدالله الشمري تسلم على هذه القصيدة المميزة بالفعل دمت بخير وسعادة |
اقتباس:
حامل المسك مرورك واشادتك تعادل ملايين اوسمة التميّز لك مني فائق الاحترام والتقدير |
الاخ حجاب
اكتملت الفرحه واكتمل العقد بمرورك المميّز شكراً لك ولذائقتك اتمنى ان تكون بخير |
اقتباس:
سفير المعاني بكل فخر واعتزاز تلقيت اشادتك الغاليه يسلم رأسك وتسلم يمناك وافر التقدير والاحترام لك مني |
اقتباس:
اسمح لي لم استطع التعبير ولم اجد من الكلمات ما يناسب مرورك لكن تأكد ان اشادتك لن تمر مرور الكرام وسأحتفظ بها طويلاً جزيل الشكر والعرفان لك مني |
اقتباس:
الاخ الكريم سعود ناهض الرويس صح بدنك يسعدني مرورك ويشرفني وشهادتك اعتز بها تحياتي لك |
اقتباس:
زمان العجايب يسلم رأسك وتسلم روحك مشكور على المرور الجميل تحياتي لك |
الله الله الله والله اني معجب بشعرك ومتذوق له صح لسانك شكرا لك |
صح لسانك اخوي عبدالله الشمري
على هذه التحفه الرائعه وصدق المثل القديم عندما تكلم عن الشعراء وقال الشعر عند شمر كقطف من زهر صح لسانك وعلى شانك ولا تحرمنا تحفك الرائعه دمت بخير |
| الساعة الآن 08:16AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية