آه وجرحي اللي كل ماقلت طاب=جدد الجرح الاول جرح ثاني جديد
جدد الجرح الاول شوف زاه الخضاب=صدفة(ن)في طريقه جيت انا يوم عيد
صدفة(ن)ماحسبت الها وربي حساب=اشهد ان بالهوى ياسعود حظي عنيد
يوم عيني بعينه جات زاح النقاب=رجع القلب عشر سنين والا تزيد
ماهو قصده وصل قصده يزود المصاب=وطحت في ماقفي هذا الذي هو يريد
راح يضحك وانا عود علي العذاب=عود الهم والغربال هو والنهيد
وضاقت بعيني الدنيا وكل الرحاب=جعل يوم(ن)صدفته ياولد
مايعيد
عفت انا النوم والاكل ولذيذ الشراب=وادري ان السهر والنوح ابد مايفيد
وشاب راسي وانا توي بسن الشباب=ويبس عودي كما يبس(ن)خضر الجريد
بس عندي سوال ولا حصل له جواب=من عذابي وش اللي ياعرب يستفيد؟؟!

[table1="width:85%;background-color:burlywood;border:10px ridge burlywood;"]

الغالي
الشاعر
علي العجاجي

حياك الله ومن طول الغيبات جاب الغنايم

وهذه الجزله من الغنائم اللتي تشبع الذائقه

قصيده تصويريه صورة وابدعت بما احتوته

من معنى انت شاعر متمكن ودائما مبدع

وما اقول الا صح لسانك وعلا شانك يا الغالي



وتقبل تحياتي

[table1="width:95%;"]

[table1="width:100%;"]

الاستاذ والشاعر القدير زايد الدغماني

اشكر لك مرورك العذب وفخر لي ان تكون اول من صافح هذه المتواضعة

استاذي لو غبت عن الحضور فانتم في القلب دائماً ولكم الحق في العتاب وتستاهلون من يرضيكم

لك شكري وتقدير واحترامي

علي العجاجي

حضور راقي لشعر الجزل

والأحساس الرايع

تقبل فايق تحياتي وتقديري