|
لمـــحــــبي الشقر يستلمون و يسلمون !!
مساء الخير
الأخ زايد متى ما سمحت ظروفك إذا لك في شعر الشقر .. ( ملحوظة للتوضيح .. , الشقر هو أن تكون آخر كلمتين في صدور البيتين متشابهتين بالحروف ومختلفتين في المعنى , أيضا آخر كلمتين في العجزين متشابهتين في الحروف ومختلفتين في المعنى والقافية واحدة )
سلام الله يبلغ شاعر الإبداع لا من جاه = أنا غاوي لعب لكن زايد تعبت جفونه !! أبد مالك ملاذ ان جاك يا زايد ولا منـــجاه = إلا جاكم بملجاكم أمل جا كَم بتجفونه ؟ |
صح لسانك دكتورنا وشاعرنا العزيز
يسعدني المرور بصفحتك تقبل فائق أحترامي |
اقتباس:
تقديري لمرورك الكريم |
د/ســــــالم الفيفي
سلام الله يبلغ شاعر الإبداع لا من جاه = أنا غاوي لعب لكن زايد تعبت جفونه !! [/quote]أبد مالك ملاذ ان جاك يا زايد ولا منـــجاه = إلا جاكم بملجاكم أمل جا كَم بتجفونه ؟ زايــــــد الدغماني
هلا بااهل الحلا كله هلاباهل الكرم والجاه= انا قلبي ترى بليا معاكم لا تجّفونه الا ياشاعرن يطرب بلحنه خاطري واشجاه=لعنتو حسبت الخاطرعساكم لاترجفونه |
القدير د/سالم الفيفي
ماتلاحظ ماغيرانا وانت نتحاور في هاالمنتدى وين الشعار مايشاركونا هذه المحاوره فهي مفتوحه وليست مقصوره على شاعرين فقط مع العلم ان كل الاعضاء شعراء تحياتي |
تحيزم شد عزمك والجزالة اطرق اذكاها = ولا تخفي علومك واطرق المستور واظنونه ولا تسهر بغربة ليل والهقوات أذكاها = لهيب الهجر والحرمان من زلات مظنونه |
اقتباس:
هجوس الشعر يا زايد عليلة مدري اش جاها = تلوّعني تقول اطيافها بالجن مسكونه قرينا آية الكرسي على هاجوس أشجاها = وقلنا ما نبي صمت الظلام يخيّم سكونه |
الأخ زايد صح لسانك .. يمكنك البدأ في طاروق آخر حتى تكون البداية من عندك ..
ونختتم هذا الطاروق تحيتي و تقديري |
ابشر بس خلها لين يشتاقون الاعضاء شكلهم ملو منا ههههههه
رايح ابد بطاروق ان شاء يروق لك بس عطني يومين تحياتي يا احلا دكتور با الشرق الاوسط |
اقتباس:
معك حق ملوا منا الأعضاء لكن بالإمكان وضع جدول زمني لمن يوافق من الشعراء في محاورات مباشرة بأوقات معروفة (إقنراح ) شكري و تقديري |
ههههههههههه
لا والله ما ملينا و من يمل من قصائدكم و لعبكم الحلو كل الود لك يا سالم ويازايد و شدو حيلكم وحنا معكم متابعين و مشجعين وهذي مشاركه معكم حتى لا تقولون انكم لوحدكم ههههههههه سريت البارح ابفكري اهوجس في معيناها=بيوتٍ تسرق العقل اللبيب اتحول من دونه مثل بنتٍ تحب الرقص تسرف يم عيناها=غزالٍ في فنون اللعب يصيد و لا يصيدونه كلمت يم في البيت الثاني تعني / الأم |
اقتباس:
هلا والهاجس اللي يجلبه فواز أقواها = رجعنا المنتدى من شان نطرب من صدى لحونه نعاس الليل حاصر هاجسي ماعاد أقواها = أخاف اتخونني السجات واكتب من عنا لحونه |
اقتباس:
هلابك عد ما هز الغصون يدوم حناها=بنيه من بنات العز في صغره وفي لونه اعرفك تعشق اللعوبه تجرك دوم بحناها=مثل ما ينحني في كف من بيده يغسلونه |
كفووو يافواز
ماشاء الله عليك الحقيقه بدعت بس اعتقد ان طلب الاخ سالم تكون حتي نهاية البيت متشابهه تسلم اخوي فواز وتسلم اخوي سالم ونحن متابعين والحقيقه انت رااائع وابات قويه |
اقتباس:
هلا و الله بزايد و السموحه لو دخلنا في الخط غلط نعم توني فهمتها و أستلم يا دكتور :thumb: ألا يا سالم الفيفي علام الرِجل و خَطاها=تقول الموتر الخربان في علبة دركسونه تمنى اتجارته تربح تعنى الرَجل و خطاها=و لا يكفيه خسرانه مسوي للدرك سونه |
تسلم يا فواز تسلم
يعطيك الف عافيه على الابيات الجزله وين الدكتور ماله شوف |
اقتباس:
الله يعافيك يا زايد و يكفيني حضورك و الدكتور و الله ما يجيك عنه عهدي به البارح وأن شاء الله أنه بخير |
اقتباس:
بنيه تسطع الأنوار من نا صع محياها = ضياها كل شعار العرب دايم يقصْدونه بنيه ينحني من زارها بالسلم حياها = لو لسانه يقِص دونه وكاد إنّه يقَص دونه |
اقتباس:
طيب طيب مبدع يا فواز
هلا فواز والخطوات اكيد اتحقق ارجاها = أنا ما سك خطام الناقة والزلات مركونه لساني يطرق السنعات والسقطات ارجاها = وقصر الخاطيه يا جعل ربي يهدم ركونه |
اقتباس:
بنيه تبهر الحاضر و كل الناس بغناها=كما ورد على جبال الشفاء غالي ويبيعونه تبي تاخذ عقول الناس بالدرهم و بغناها=و لكن من تمناها و كاد أنه يبي عونه |
اقتباس:
طيب يا مستجاب الدعوه هلابك يا كريم النفس مزحاتٍ تهجاها=عريب الجد و الخالي و نفسك دوم مسنونه كفايه لا تدعوالي ترى من مات هجاها=وأخاف ادعاك يوصلني و لا ني لامس نونه |
سلامي للمحفل إللي شقره عليه
ترحيبة(ن) بالمحبه واجب عليه لأهل الكرم والضيافة من طيب نيه ............... طبعاً ...طرقهااااا خطوة قديم ... ماهم يقولون المعنى في بطن الشاعر ها انا ههههههه ...أمحق شاعره... فا (الشقر هنا أقصده بمعنين ..الأول شعر الشقر..والثاني ..القهوة الشقرا ...) وسلامتكم <<يعني يقال اني شاعره ههه>>> |
اقتباس:
كفو و الله بالشاعره مشاركة جميله و شاعره و زود و للأمام :thumb: |
ماشاء الله نبض القلب ابها
هاه وين فواز فواز رد |
حنا عرفنا البدايه والشعر معنى
جتنالحونٍ جديده والصف معنى والمزن حول علينا يالله تجيب أبرديه الوزن قابل لتعديل ههههه |
المعذره ياجماعه على تأخيرنا ولاهي سالفه اذا ماتواجدنا مانهتم بالعكس . أنتم شعراء لكم حضور قوي والله يعطيكم العافيه .. متابعين .. |
هههههههههههههههههههه
ابشر يا زايد جاهز الرد بس العين ما تعلى على الحاجب أنت أبدى و الدكتور سالم تأخر وينه عسى يكون بخير يارب ،،،،،،،،،،،،،،،،،،،،،،،،،،،،،،،، و استلموا هل السحاب مزون و ارعوده تدني و ليا علي صوته مني تدَني و احذر طناب البيت توه وتد ني و اخاف في قربك تشقى عنيه |
اهلا اخوي عبد الكريم
ان شاء الله تكون بخير وعافيه واذا عندك خلفيه عن هذا اللون تشاركنا ترى حنا نتعلم |
اقتباس:
شقر فواز اسماها بأسماها وارقاها = لحون برتني سبير او غزل تنشده مادونه اعد اجمل معانيها بأسماها وارقاها = انا ما ارضى سواها يوم لو تنشده مادونه الأخ فواز صح لسانك ... والنهاية لديك .. تحياتي |
اقتباس:
تناظر عين ارقاها وارقاها على نيه وقلطة بالجزالة خير من قلطه على نيه القديرة نبض القلب أبها صح لسانك مبدعة ... |
اقتباس:
مشكور على مرورك الله يعطيك العافية |
اقتباس:
حياك الله يا دكتور و على راسي أهم شيء تكون بصحة جيده معاني من كلام و شقر بالحكمه طلا بناها=و أنا أقول أنت ياسالم حكيم طالت اسنونه و حنا في طريقك دوم و الحكمه طلبناها=و من يلقاها يا دكتور جودها و بسنونه كل الود لك يا دكتور و سعدت جدا باللعب معك و أتمنا ان اللعب معك في الايام القادمه و لا أنسى الشاعر زايد بالشكر و التقدير على تواجده دائماً و سعدت بتواجده |
اقتباس:
أشكرك أستاذي على مجارتك والتى سبق ونوهت بها أنني لست بشاعره ولكن أتذوق الشعر ولك مني ألف شكر وتحياتي لك فلقد أمتعتنا أنت والأستاذه الشعراء والله يعطيكم ألف عافيه ... أستاذي وصلت الرسالة ...وشاكره لك تعليق الرائع وتقبلوا مروري الخجول... تحياتي لك وللأخوه الشعراء.. |
اقتباس:
الأخ فواز ما شاء الله عليك صح لسانك شاعر شقر وغير شقر وأسعدني اللعب معك تحياتي وتقديري |
اقتباس:
مشكورة على مرورك |
اقتباس:
شهاده اعتز بها كل الود |
| الساعة الآن 03:06AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية