|
للغياب أعذار ..
}}}.....مدخــلــ للغلا مقدار .. وللـــسكه إيـــــاب والعذر يشفع لكل شخص إعتذر ياما حذرتك مــن الغيبـــه تــهاب مادريت بجمر من ذاق الهجـــــر .................. للغياب أعذار تشفي جــرح مـــن وقتـــه غدابه ..................... واللي أبطى في غيــــابه صـــبّر الله غاليــيــنه والغياب اللي يخيب ظــن كل شخص(ن) هقابه ..................... والــلّـــه إنـــه مايــداوي إلا زاد الـــطين طيــنه صاحبي منهــو يقــــوله (( كــل هالدنيا رحابه)) ..................... إسأل المهجور كيفه وكيـــف هالــدنيا بعينه..؟؟ صاحبي وإن طحت وسال الدمع من زوود الكآآبه ..................... إسترن من عاذلي ..:: الله يـــلعن والدينـــــه ::.. مو بسيطه تفتقد صحـــراي لأمـطــار الســحابه ..................... ومو بسيطه ينطعن ظهــري بســكاكين الغبينه ياعتـــــابه قلّــــه يعـــاتــب ويرجــــع يــاعتـــابه ..................... قلّـــــه من حبك تعب والــنار تآآآكل مـــن يدينه ياعـــذابه ماأظـــن إنـــك تزوره فــي غــــيابــه ..................... خــابــــرن قلبـــــه بليـــد ولا تأثــــربه سنينـــه ماخبـــرت الا إذا ضـــاقت علـــي ((يصك بابه)) ..................... ومـــاخبــــر الا اذا ضايـــق ..((أبوّسله جبينه)) ليـــه أحبــه كثـــر مــايرمي على قلبي عذابه ..................... وليه كل ماودي أسلى زعزع بجوفي السكينه ؟؟ راح ولا أدري برحيــله ولاتـــرك حتـــى جـــوابه ..................... مدري يرجع ولا أنهى كــل شـــي بيني وبينـــه للغياب أعذار تشفي جـــرح مـــن وقتـــه غدابه .................... واللي أبطى في غــيابـــه صبّـــر الله غاليــيــنه ................... مخرجـ .....{{{ لا تقول ظروف أو تشكي العذاب ولا تقول إن المحبه للصــــــــبر والله لو أدري بأن الحب ســــراب ماتعبت أوطى على حر الجمــر |
مرآآحب
عثمـــآآن الضبعــآآن عوداً حمــيداً لك ،، وآخر الغيبــآآت يــآآرب اسعدتنا عوودتــك من جــديد بنص ولا أعــذب نص يشفــع لك من بعــد الغيــآآب صــح لسآآنك ودآآم نبضك .. كلها عذووبه ،، وماهي غريبه عليك يالقرم راح ولا أدري برحيــله ولاتـــرك حتـــى جـــوابه ..................... مدري يرجع ولا أنهى كــل شـــي بيني وبينـــه كنت كم يقرأ مآ بقلبي جل التقـــدير لروحك .....} |
صح لسانك يا عثمان تقبل تحياتي |
.
. . عثمان .. بارك الله فيك. صح لسانك. الف شكر لتواجدك في عذب القوافي. . . . .. |
الله الله صح لسانك شـاعرنا الرائع عثمان مع الغياب تغيب أشياء كثيره قصيده جزله أخي صح لسانك تقبل فائق التقدير ودمت بالخير / \ / العطـــــــــاويه |
|
اخوي عثمان
صح لسانك للغياب أعذار تشفي جـــرح مـــن وقتـــه غدابه .................... واللي أبطى في غــيابـــه صبّـــر الله غاليــيــنه تقبل مني اجمل التحايا |
الغالي الشاعر عثمان الضبعان الله يسعدك ويوفقك بجميع اوقاتك قصيده معبره بما تضمنه من شعر لقد اجدت بالتسلسل والايضاح المميز وصح لسانك وعلا شانك يالغالي وتقبل تحياتي |
الغياب الموجع
ليـــه أحبــه كثـــر مــايرمي على قلبي عذابه ..................... وليه كل ماودي أسلى زعزع بجوفي السكينه ؟؟ رائعه وصح لسانك على هالجزله اطرب مسامعنا باحساسك الراقي |
راح ولا أدري برحيــله ولاتـــرك حتـــى جـــوابه .................. مدري يرجع ولا أنهى كــل شـــي بيني وبينـــه أقسى غياب حين يرحلون الأحبة ولانعرف لهم طريق ولانعلم ماإجابات المستقبل هي جنون الحيرة والأمل والخيبة يمتزجان الشاعر القدير عثمان بن ضبعان قصيدة تستحق المكوث طويلاً لك جزيل الشكر |
اقتباس:
لايسعني الا ان اقول لاتعليق في حضور الشعر صح لسانك ملايييييييييييييين تقبل مروري |
| الساعة الآن 07:36PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية