|
ســــرب الجـــراد
تدري حــلاة الشعر لاصرت مغمـور = لاصــرت تكـتب بيت محــدن درى عنــك خـل الجـوارح بالعـنا صــف جمــهور = ماانتا على القيفـان من وســعها ضــنك ولاانتا على القيفان مرغم ومجـبور = للــذائـقه والنــاس واللـي يبــي منـــك الجـرح جــرحـك والمشاعر لـها دور = ولاحكــحــكة ياكـــود خــافي لمعــدنك سرب الجـراد اللي طلع وجهة النور = في سـاحة الملــيون شـاعر ولاأضـمنك انــك تجي وتصـير شـاعر ومشـهور = تاقــف مــع الشـعار في زحــمة البنــك ياأدعــج غـنج بالله ياشـاعر الحـــور = وشــلون أجـبر ضـلع صـدرك وأنا أدفنـك مابين صدر وعجز بيت (ن) به كسور = أثقل مـن جــناح البعـــوضه فـلا أوزنــك ياشـاعر الأسـبان يالمــلهم الثـــور = يالله عسى ماتشوف جرحي ولا أحـزنك لوماتجي بحضور ماجـيتها حضـــور = مادام خشــمك منـك يبــقى لـو أعـفنك مـر الجــراد بطــور ثـم روح بطــور = وفي ذمــة الفــانــوس مـاينـطفي عنــك |
ههههههههههههه
صوت الحقيقه لوماتجي بحضور ماجيتهـا حضـور مادام خشمك منك يبقـى لـو أعفنـك تصوغ المعاني على راحة الراحه ماشاء الله عليك شاعر جزل متمكن ولا تاتي هذه البيات الا من شاعر له باع طووووويل باالشعر صوت الحقيقه صح السانك كلما كتبت وابدعت تقبل مروري |
نعم نعم
صوت الحقيقة تسلم يداك وصح الله فكرك |
كبير ياصوت الحقيقه
صح لسانك .. قصيده تحمل رساله ومضمون . وأنت شاعر جزل .. مستوى حضورك يجعلني أعيد النظر بمعرفة المزيد من روائعك ايها الرائع . تحياتي وتقديري |
ما شاء الله تبارك الرحمن
صوت الحقيقة ابيات في قمة الروعة صح لسانك وعلى شانك دمت بخير |
يعطيك العافيه اخوي زايد ومشكور على مرورك ياراعي العليا |
صح بدنك أخوي نمر ومشكور على مرورك |
عبد الكريم الضبيب لايسعني قولا الا ان اقول انت الرائع تـــــحياتـــــي لـــــك |
ملك الظلام شكر ن على مرورك والحروف التي سطرتها |
[TABLE1="width:95%;background-color:black;border:2px solid burlywood;"]
http://www.w6w.net/album/35/w6w_2005...97173af043.gif الشاعر عويد كسار العنزي صح بوحك يامبدع تم تقييم القصيده ممتاز وتستاهل .. http://www.w6w.net/album/35/w6w_2005...97173af043.gif [/TABLE1] [/CENTER] |
لله در الابداع الذي يسكنك ياعويد نص متفرّد باسلوبه ومعناه صح فكرك واحساسك |
الأخ الراقي صح بدنك وشهاده اعتز بها منك
|
اخوي منصور الرويلي صح بدنك ومرورك شرف لي ياراعي العليا
|
صح لـــسانك الشاعر القدير عويد كسار العنزي وبالنسبه للتقييم نجوم السماء ماتكفي ولاكن هناك اجحاف واضح وملموس في حق القصائد . والنجوم لايذهب بها الذاهب الا لاسماء البعض منهم لايستحقها وكأنما تقول أن القصائد تقبع تحت الحكم العسكري |
سرب الجـراد اللي طلع وجهة النور في ساحة المليون شـاعر ولا أضـمنك....هنا تنفست .. شعر....صححححح نبضك....ودمت يابو كسار
|
عويد كسار العنزي صح لسانك كلام ومعدنك طيب يابن كسار بشعرك وغيره ماشاء الله عليك تصيغها على كيف النفس ............................... مشكور وتقبل مروري وش ماقلت مايكفي في ماقلت من ابيات تروي ظميان القصيد |
اخوي سج خاطري صح بدنك ياالسنافي لا لا تظن الفرح في ناظري لاح = ردك هو اللي يجلي الهم ويزيح لجل الغلا ياخوك لك خاطري ساح = قربك شفى لاطال ليل التجاريح |
| الساعة الآن 08:59AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية