السلام عليكم ورحمة الله وبركاته :
أحبتي قد تعبث بنا الدنيا في وقت ما وتلهينا وتأخذنا أحياناً منا ,
ولكن ما يبعث السرور
هو تجدد اللقاء بمن نحب ,
لن أطيل فإليكم أهدي هذه القصائد
علها أن ترتقي لبعض من ذائقتكم ,
ودمتم كما تحبون ...
.
.
.
( شموخ الذات )

دقات قلبي كنها أنفاس حطاب = فاسه قوي الباس وعزومه إعزوم
ماهمني جرحي ولو صار معطاب = ملزوم أوفي العهد والوعد ملزوم
ماني من اللي لا إنرمى بسهم ينصاب = ولا ني من اللي يطلع بقلب مهزوم
وإليا إنهزم فيني شموخي ولا طاب = عساني أبقى ما بقي الدهر معدوم
ليل السهر والعشق من خافقي تاب = أخذت أنا من دنيتي كل مقسوم
آخر مراسيل الغلا في شهر آب = أعلنت أنا من بعدها توبتي دوم
وفلانه اللي تنتظر من ورى الباب = قولوا لها لا تنتظر شدوا القوم

.
.
.
.
( ياصاحبي )

ياصاحبي خلك معي كل الأحيان = بعطيك فرض ولا يجي منك بدعه
الصدق مثل النور واضح للأعيان = والكذب خدعه مثل ماالحرب خدعه
أشعل جناح الصدق في كل ميدان = وإمسح ظلام الكذب من دون رجعه
وإسرج خيولك للوفي وين ماكان = وإلاً الردي لا يلحقه منك دمعه
لا تطلع إلاً كنك النور لا بان = يضوي ظلام الكون لا اقبل بلمعه
كن ذا صله باللي شرع كل الأركان = واصبر على المكتوب لو زاد لسعه
وإنصر أخ الإسلام في كل الأزمان = ولبى المنادي لا طلب منك فزعه
بعض الكلام أشد من جرح الأبدان = والبعض ماودك له اليوم وقعه
قال المثل من مجلسك قوم لا زان = وإحذر من اللي شايفن فيك طمعه
خلك على طول المدى تحمل إنسان = يطفي ظلام الجهل لا أقبل بشمعه
يحمل شعور الناس في كل الأحيان = ويحمي سلوم العُرْب من كل بدعه

.
.
.
.
( هدوء / القريه )

ريح الثرى عقب المطر ينعش الروح = إستنبت الأفراح والهم قد ذاب
كلن تهافت بالدعا وأعلن البوح = والشكر للي من ترجاه ماخاب
الأرض سالت والشجر يسكب الفوح = فوح (ن) ليا هب الهوى ينفث أطياب
كن الرشاش يداعب الورد والشيح = وكن الغيوم وقريتي مثل الأحباب
وما تسمع إلاً صوت تغريد أو دوح = ونفوس ناس تحمل أنفاس حطاًب
وشباب همتهم تسابق مع الريح = والشايب اللي بالعصى كنه الشاب
ياتربتي والهم فيني مراويح = تتشـكل بلحظة فراقك مع الباب
وياقريتي ياروح مابعدها روح = عذراً على التقصير كل الكلم ذاب

ريح الثرى عقب المطر ينعش الروح إستنبت الأفـراح والهـم قـد ذاب كلن تهافت بالدعا وأعلـن البـوح والشكر للي مـن ترجـاه ماخـاب الأرض سالت والشجر يسكب الفوح فوح (ن) ليا هب الهوى ينفث أطياب كن الرشاش يداعب الورد والشيـح وكن الغيوم وقريتي مثـل الأحبـاب وما تسمع إلاً صوت تغريـد أو دوح ونفوس ناس تحمل أنفاس حطـاًب وشباب همتهم تسابق مـع الريـح والشايب اللي بالعصى كنه الشـاب ياتربتـي والهـم فينـي مراويـح تتشكل بلحظة فراقـك مـع البـاب وياقريتـي يـاروح مابعدهـا روح عذراً على التقصير كـل الكلـم ذاب

.
.
.



الأخت القديره / العطاويه ...

الشكر لكِ أختي الكريمه لحظورك هنا ..

دعواتي لكِ بسعادة الدارين ...

صح لسانك أخوي القدير محمد
قصائد رائعة وجميلة
مبدع دائماً حفظ الله من كل مكروه

.
.
.


شاعرنا محمد الحارثي.

لاهنت ، بيض الله وجهك

على الدرر الثمينة

اللي تشرفت بقراءتها..


الف شكر لفكرك وسمو

شاعريتك.
.
.
.