|
[مـنـفـى]
::
هنا، -حيث لا احد- يكون الجميع بـخـيـر ! |
::
هذي طعونك جديـدة وين ابودعها ..... واللي قبل فالحشا حيّـة ولا زالت تبي الحقيقة؟! ماعاد القلب ياسعها ..... من كثـر ماحطت ايدينك ولاشالت الجرح يبرى، ولاتبرى مواجعهـا ..... نفس ٍ تولّيتها، ما هيب قد والـت يستاقها الحزن والموعد يرجّعها ..... على رجا حلّها والسالفـة طالت ثلاث من جدّ صعبة وانت رابعها ..... ( الغبن والمهزلـة والعين لا سالت ) وثلاث ودّي ولا ودّي اوادعهـا ..... نظرة عيـون ٍ ملتني شوق، واختالت وانفاس ٍ متيّمة بالحب زارعها .... سنابل ٍ لو يميل الوقت ما مالـت وصوت ٍ غذى روحي واطرب مسامعها ..... اجلي به احزان قلبي كل ما جالت انته تكفل بها ياليل و اقنعهـا! ..... وانا عليَّ العلوم اذا قالت العرب قالت! ياليـل والسالفة من فمّ جايعها مُـرّه و زادت مراره يوم هي طـالت ! |
::
يالغـالية! : ليلي البارحة تكاثـرني! .... وانا ؟ قلـيل و هزيـل ونـاحل و فـاني يوم الورق في [سواد] الحبر خاشرني ..... انا! [بياضي] في اسوأ حال خلاني من حرّض القيد يفعلها! و يأسرني!! .... ومن قال للريـح؟! تكسر فرحة اغصاني!! مدري وش اللي على الوحدة مصبرني؟ ..... لو املك الكون كله، عشت [ وحداني ] والشعر؟! يـامـا جمعته لين بعثرنـي .... ويـامـا جمعني ولا ادري وين ودّاني لا عااااد جبر الخواطر، هاك كسّرني .... دام الخطا كلمة ٍ ماقالها لسـاني شاعر! وصمته كلامه! وش تفسّرني؟! ..... للنـاي عيّت جروحي تعزف ألحـاني والريشة اللي على اوصافك تشاورني ..... هامت برسمـك و عيّت [علبة ألواني] لإني كذا [ماتواجد من يؤازرني] ..... الا لهاث ٍ بـ كاس اليآس يمـلاني مغرورق ٍ فـ الشتا و الثلج دثّرني ...... سيّـر عليّ الدفـا [مرّة] و لا جاني من بعدها لو [شعاع الشمس] يذكرني بقول : باللـه علشـاني تنـاسـاني كني [جهـة خامسة] والارض تخسرني ..... يوم الثلاثة : انا ...........................والليـل ....................................واحزانـي ! ولا هي غريبة اذا ليلي تكاثـرني. .... لكن، علامه؟! وانا اللي [ناحـل و فاني] |
::
محتاج ؟ من قدك ؟ عرفت وش تحتاج لو جيته و ردّك اللي تجيه افواج ! لكن انا: ما احتاج مالي ورى ما ابغى : مزاج! تقدر تقول: او تدري من باب الفضول! اني انا "مجرم" عليه القبض يعني "إفراج" !! او اني مسالم و حالم له على الوقت إحتجاج! كم لك مواعدني ؟ بالله ساعدني !! انا في "حيرة" في "بحيرة" لمّت الاجواد والاوغاد واللي في بالي اكبر من الحب والاحقـاد ! إسألني بالتحديد اقول : ماله حد ! ابا اسبر اغواري ابا اقفز اسواري ابغى من التـنديد : نـد ! طال الوقوف و اخترت : اجلس لاتحسبه ذل بس احتاج خوف !! وطال الجلوس و احترت ليه اوقـف ؟! وانا رمّـاي قوس ! ومليت م ل ي ت مليت ما احتــاج و اشيل هالازعاج الحظ قلبه من حجر وانا طموحي من زجاج ! مليت يامحتاج . ـــــ |
::
و أنته ترفرف يا علم كنك تبي تحلم تطير.. بس انتبه ياصاحبي عمر الفضا .. عمر الفضا، ماكان لأحلامك مصير.. شفني كذا شاعر (كثير) حاول يصير.. اوراق لجروحه ولصمته و بوحه.. و احاسيسه قلم.. وإن قلت له اسكت وهات من الاخير ترى (القليل) احيان هو كل الحلم..!! والأمل؟ ويش الأمل؟!! (درب) ما لمّ الشمل.. (بدر) ما عمره كمل.. و الألم: إنك (تعيس) تعيش!! تكتب الأيام طير.. تكتب الأحلام ريش.. تكتب الآلآم ايـش ؟!!! |
ــ
إلى من يهمه ( المُرّ ) :- ــ اليا بغيت الصدق، يعني بصراحه ............. قبل الصراحة بس، عندي تسائُـل: ليه التعب يلبس مفاهيم راحة ؟! .............. وليه استقام الظل و العود مائل ؟! سرّ الفشل:- يكمن بقوّة نجاحه .............. على تفوّقنا بـشتّى الوسائـل !! والشعر؟! الشعر لا هبّت عليّه ريـاحه ............... على الجنون تشير كل الدلائل!! والبارحة والبال يطلق سراحه ............. والياس ينهش من عظام التفائُل الليل ضيِّق و إستغل المساحه ............ وانا ؟ لي اللـي غيره الكل زائل يسعى لضيقة خاطري إنشراحه ........... وتضيق بأدراجي صدور الرسائل تنهيدة ٍ تهدي لـ قلبي جراحه ........... ولا ضحكة ٍ اخفي بها حزن هائل كثير احس ان الصراحة (وقاحة) .......... و أحس إني صرت ضمن القلائل ولا هو تبجّح طالما ان البجاحة :- .......... حسب كلام البعض - ثمة تفائُـل - . . ش ك ر اً |
::
الناس ماتدري عن اللي صاير! ...... والصاير ان الناس ماهي حيّة صاحبك دايم في القصايد ثاير ...... ما شال همّ القاف و القافـيّة ياللي على الطاير، تعرف الطاير! ...... تركت لك لغـز، وصفاوة نيّة حلّه، و حلل في سماه، وخاير ...... واضح، و اظنّه ما يبا ماريّـة قبله ترى دمّ الاوادم فايـر ...... و بعده يا شين النفس والنفسيّة معه ايتساوى العادل مع الجاير ...... و الحر وسطـه فاقد الحريّة مع المسافر، و المقيم، الزاير! ....... ومع الغريب اللي لقى الغريبة واحة، رسمها لك رسم مُغاير ....... [ثرى ثرى ثرى ثرى] مـرثيـّة ! فيها بصراحة صار قلبي باير! ....... قمـر! و فيها احب لي قمريّـة هِيّ الجروح اللي سهمها غاير ..... هِيّ الدوا هِيّ، و الدواهي هيّه ! |
::
ما دريت إلا وانا في وسط من حولي "لحالي" ! والصديــق اللي لبس ثوبي بعد ثوبه شمر إن ذكرت افعالي البيضا معه "يااااا ضيق بالي" و إن ذكرت افعاله السودا معي "ادهى و امر" |
::
اموت ما اكتب في تفاصيل تـرفه ..... لو عندها تـثنى رقاب الرجـولـه طبعي كذا ما اطلب من الشعر صرفه ..... الشاعر اصلاً طبع نفسـه ملولـه [ماهو ضروري نقول كل ما نعرفه ..... لكن ضروري نعرف اللي نقولـه] ! |
::
- تفاصيل صغيرة - *الفصل الأول: عندما تكون في حاجة ماسّة لإن تـُعطي فأنت في حقيقة الامر "تنتصر بنفسك على نفسك لتصبحان فريقان"، لذلك من الطبيعي انك عندما تـُعطى تشعر بإنتماءك لمن أعطاك، تعمدت ذكر هذا الأمر لإنه من التفاصيل الصغيرة المهمّة في الحياة واللتي يبدو ان البعض قد نَسِيَها او تناساها متعمداً . *الفصل الثاني: ليس من الحب في شيء إعجابك بمن تحب، لإن الشتات لايجمعه بإتقان الا شخص واحد بينما المتسبب به عدّة اشخاص. وما تحته خط قد يكون هو من تحبه وقد يكون هو من يحبك! - امامك الخيارات وبيدك الإختيار - *الفصل الثالث: على الارجح ان من يُثني على (الليالي) في شعره وكتابته شخص يحمل من الوفاء ما لايحمله غيره، بعكس من يـُحَمِّلها الوزر، فالأول يعلم ان الليالي لم تتلون، هي هكذا "سوداء"، بينما الآخر لم يسعى جاهداً للبحث عن المتلوّن بداخله. *الفصل الرابع: في عامّة الناس قد لا تكون شخص مثير للإهتمام وهذا لايعني فشلك بقدر مايعني ان عامّة الناس لم تعتد تهتم بما هو مهم بقدر إهتمامها بإلتقاط الأثر المُلقى على الطريق وترك الإثارة تسير نحوك. وعلى وجه الخصوص الكل يبحث عن ماتبحث عنه انت. |
::
*الفصل الخامس: يحدث دائماً ان تستمع لإغنيةٍ ما، تتحدث لشخصٍ ما، تنصت لآخر، لكن ما لايحدث دائمـاً هو أن تستمع لضميرك، تحدّثه، تنصت له، لهذا السبب تكون حاضراً والضمير غائب. |
::
*الفصل السادس: في إعتقادي ليس بالضرورة ان تكون كل الاشياء الجميلة جميلة، فمثلاً اعتدنا أن نقول (للجمال لون آخر معك) ولتكن معك (س) من الاشخاص ، لكن هل سألنا انفسنا يوماً ونحن نقول هذه الجملة (ماهو اللون الآخر للجمال؟)، إذاً ليس بالضرورة ايضاً ان تكون كل الاشياء القبيحة قبيحة هي الاخرى! |
::
متى يحين العطاء؟ فالسراب مخيف، وبيدك الماء. |
::
يجري الزمن بينما على قارعة الإنتظار يقف* . (*) شخص يستجدي . |
::
ياعظيمة "لاتردين الرسايل" معجبينك: "وش تسوي بالورق" لا قلتي انك مستحيلة؟ اسكني في برجك العاجي ونامي في سنينك و اتركيهم للمسا صوب المسافات الطويلة واتركيني مثل ما قالوا: على حطة يدينك شاعر ٍ في كبرياءك شافك "انثى من فضيلة" حارس عيونك ليا نامت و سادن حاجبينك عقب ما بعدك نفض "اغبر زمانه" من شليله كل موعود ٍ من الحرمان صادف ياسمينك! صار ما كنه بعمره عايش الحرمان ليلة! وكل من شافك وشاف ان القمر بينه وبينك! مؤمن ٍ بإن القمر للي يبي وصلك وسيلة! *إلى أن اجد قلماً من ورد يحين موعد إكتمال النص. |
- إستطراد:
* وإلى ان اجد ورقة من حرير ايضاً . |
::
بسأل وجاوبني لجل ما اتعب الروح ........ قبل اتبعك بالشوف و اعوّد اعمى انتي سراب ٍ فالمدى قدمي يلوح ؟! ......... والا آخرة هذا التعب كله الما ؟! |
::
سيّدتي وحدكِ تعلمين انه لو لم توضع الاشياء الصغيرة في حجمها الطبيعي، لما اصبح هنالك حجم للأشياء الكبيرة . |
::
الحزن ماهو لا انجرح فيك الاحساس و الا ليا منه تناسـاك غالي الحزن لا حـدّك زمانـك على الياس ثم علّقك بين الامل والليالي |
ياطيفها تكفى تروح نفسي ترى ما كوّدت تنسى مع الوقت الجروح اللي عليها اتعوّدت بعيش و آساير حياتي كيف ماكانت تكون وإن مر طاريها بخفا هذيك تجرحني وتمون لو يرجع الماضي ابد ما اطيح باللي فيه طحت لكن عزايه في الوفا وإني انجرحت وماجرحت حبيتها بإحساس لكني على احساسي ندمت بردان واعياني الدفا مابين بوح وبين صمت ياطيفها وشلون ابوح من يوم راحت وابعدت وشلون اغني مع الجروح "الله عليها عوّدت" |
انحني للريح في يدينك
وتطويني المسافة ! |
::
"سألتقيك.. سألتقيك عندما ينتهي كل شيء" |
كل ماشلت القلم
اعرف اني قد وصلت لذروة احساس الألم واعرف اني قبل لا اكتب وانكسر منكسر .. مؤمن بسجني على الاوراق والحبر الاسر و الشعر ما هو تصنّع قافية الشعر هو اي (روح) انسان تمشي حافية ! و الجروح الجروح الجروح يوم توصف بالغموض وانت غارق في الوضوح ! |
كبير لكن!!
ابا اعترف لك وانت لاتعترف لي
يا العاقل اللي ما تخونه ظنونه !! لكن بعدها لا تمعّـنت شف لي طريقة ٍ منها تـداوي غبونه !! ذرفت دمع ولا هنا من ذرف لي شكيت حزن ولا لقيت المعونة !! محتاج لك بإنك تجي تنتصف لي من وقتي اللي طاولتني متونه !! اقولها صادق بحزن ٍ كشف لي حال ٍ عجزت احيا معاه و بدونه !! كبير لكن!! من زمان ٍ وقف لي ما عاد تفرق عزّتي و المهونة !! |
البعض الاخير !
الإهداء: لكل من يرى انه على جرح ! المرفقات: قلب . النص: راح العمر وانا على نفس المسير امشي و اشيل الحزن في زوّادتي محد ٍ خبر للنيّة البيضا : سفير والا الردى؟ ماهوب والله عادتي ودام الصراحة تعتبر نقص ٍ كبير فأنا احمد الله يوم نقصي زيادتي ما ارتفعت الا عن الدرب الحقير ولا ارتخيت الا على سجادتي ! شاعر و لي مبدا ولي قلب وضمير دمع اليتيم اشريه و بـ سعادتي شفهم تواصوبي بعد آل المصير إني اخليهم بمحض إرادتي ! مع اني اصلاً كنت اقدّرهم كثير اكثر من السادة ومن ياسادتي واكبر من اني اعتبر نفسي صغير لا قلت رأيي فيهم او شهادتي بعض الجروح تطيب والبعض الاخير عطييييب يا جرح ٍ سببه اضمادتي ! |
للتعب بقيّة..
|
وللبقية تعب..!!
|
جيتك من الوحدة بحزن امتعدد
حتى وانا لحالي لقى الحزن مدخال ذكرى قديمة كل يوم ٍ تجدد نسيانها ما مر مرّة على البال اضحك لجل غيري و اجيه امتردد اخاف يرفضني ليا جيت فالحال قاربت لكن الزمن ما يسدد اكبر وتصغر كل مابي من آمال ! |
The End
احياناً نحتاج إلى لغة آخرى
من اغنية : " Extreme Ways " I closed my eyes and closed my self " And closed my world and never opened Up to anything " That could get me along . |
|
طفلين
الحــزن جـانـي و انا اللي ما بغيتـه يــروح
طفلين نسيوا بعض في سالفة : من يشيب ؟ لو احسب اللي لحقني فالزمن من جروح ماصرت شاعر قلوب الناس، صرت الطبيب ! |
| الساعة الآن 03:58PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية