يافرحان طال الليل وانا علـى المنهـاج=غريبٍ وليفه مـا درى ويـن ينهـج لـه
أشد العـزم لكـنْ قلبـي حـداه اخـلاج=وانا خابرٍ اني شوق مـن عينهـا خجلـه
غريبٍ سرى ليله علـى ظـن واستنتـاج=على عظْم ساقه واقفٍ مـا ثنـى رجلـه
لكنْ يا سما الدوحه وطيرك بعد مـا راج=مشاريـه ياليـل المشاريـه تنتـج لــه
وجودي وجود اللي حداه الزمن واحتـاج=وهو شيخ .. ثوب الطيب والجود ينسج له
تشـح الليالـي واتـوارد عليـه افـواج=همومٍ يدونها الصبـر لـى قـرا سجلـه
ووجودي وجود اللي يرده حرس واسياج=سجينٍ وحيـدٍ ينتظـر عفْـو يفـرج لـه
جفوه القرايب والتـوى حظـه المنعـاج=بكى واشتكى واركى مراسيلـه العجلـه
على من تتوج في الغلا والبسـوه التـاج=قبل عيني اتلامس طرف عينـه النجلـه
يا هيه الغلا ينطق ترى الصد فيه ازعـاج=دخيلك لْمنك اقفيـت قلبـي تحيجـج لـه
وانا كل ما قدمـت ماهـو علـي انتـاج=قصيدي وهاجوسي تـرى كلهـا لاجلـه
أعد القصيد اللي معانيـه نـور سـراج=من اللول والتوبـاز طرقـه يتـوج لـه
وألا كيف يا قلبي ظمينـا علـى هـداج=وأنا جيت نهْر النيل عقبـه نهـر دجله