شبكة رهب الأدبية-ريما محمد السديري - اللي يقول انه يتكلم عربي يدخل هنا

- فسحة الروح (http://www.rhb-reema.com/vb/forumdisplay.php?f=59)

- - اللي يقول انه يتكلم عربي يدخل هنا (http://www.rhb-reema.com/vb/showthread.php?t=10963)

اللي يقول انه يتكلم عربي يدخل هنا


	أثناء بحثي في منتديات اللغوية .... جبت لكم موضوع اللي يخلينا نفكر حنـا وش نتكلـم وبأي لغـه !! شوفوا أصول كلماتنـا اللي يوميا ً نستخدمهــأ . . . . باغه = تركيه ومعناها بلاستيك بفته=هنديه ومعناها القماش الابيض بخت = فارسيه معناها الحظ بس = فارسيه تستعمل للاسكات بشت = فارسيه معناها مشلح بهار = هنديه تعني بلاد الهند ابازير تتن = تركيه ومعناها دخان تجوري = هنديه ومعناها الخزنه تريك = لاتينيه ومعناها مصباح توله = هنديه ومعناها عيار للوزن تاوه=تركيه معناها مقلا خاشوقه = تركيه معناها ملعقه خيشه =فارسيه ومعناها كيس من القماش خبل = فارسيه ومعناها مجنون دربيل = تركيه وهي تقريب البعيد دروازه = هنديه ومعناها البوابه دريشه = فارسيه ومعناها نافذه دسته = فارسيه ومعناها حزمه ديرم = هنديه وهي صبغة الرمان ريغه = فارسيه وتعني خليط الماء والطين مع اني اعرف ان الريغه التراب الخفيف اللي يتطاير بسرعه سلطه = ايطاليه تعني جمع الخضروات في اناء زوليه = فارسيه وتعني بساط سرسري = تركيه وتعني العاطل سروال = فارسيه وهي مركبه سر تعني فوق وال تعني القامه شيره = فارسيه تعني رحيق السكر شرشف= كرديه تعني غطاء النوم طشت = فارسيه تعني اناء الغسيل طربال = فارسيه وتعني شراع طرمبه = ايطاليه تعني مضخه غرشه = فارسيه تعني جرة قرطاس = يونانيه تعني ورق قوطي = تركيه تعني علبة من الصفيح كليجه = فارسيه تعني القرص الصغير اجل طلعتوا نصابين يالقصمان تقولون الكليجا لكم وهي ايرانيه كندره = تركيه تعني الحذا موتر = انجليزيه وتعني السياره مالغ = فارسيه تعني ليس له طعم واير = انجليزيه وتعني سلك اجل وش بقى لنا؟؟ ولا كلمه من اللي نقولها طلعت عربيه الا كلمه وحده وهي والله من الدجه = عربيه فصحى

موضوع رائع

اغلبها اصلها فرنسيه وتركيه

يعني اذا سافرنا فرنسا او تركيا مانلقي صعوبه في الكلام هههههه

اشكرك اخوي مشبب ع هالطرح

تقبل مرووووووري

الله يطول لي عمرك شاكر مرورك ياعطر المنتدى والكون

ولايهمك ترى عندنا بعض الكلمات بس خاصة بوادي الدواسر

لو تبينها ترى حنا جاهزين واتوقع انك ماراح تنجحين في دراستها
هههههههههههههه

اخوك مشبب الدوسري

صرنا كوكتيل.....ماشاء الله....اشوف ماتقدمنا

نيسينا لغة القران.....ولو تمسكنا فيها افلحنا

تسلم يا اخوي مشبب وما قصرت علي المعلومات الجميله

مرحبتين اخوي سعود

اولا اشكر مرورك طال عمرك المنير لمتصفحي

ثانيا طال عمرك الموضوع في قسم الابتسامه والترفيه
ويتكلم عن اللهجه العامية وبعض الكلمات التي نعتقد انها عربيه وهي عكس ذلك

وارجع اشكرك طال عمرك على المرور والتعليق

اخوك مشبب الدوسري

خاشوقه

الله يرحم جدي ماسمعتها غير منه

مشبب

الف شكر على التنوير

ماكنت اعرف اصلها

تقبل مروري

كلـــــــــ الحبــــــــ

مستبده مرحبا والله

اسعدني وشرفني مرورك وردك طال عمرك

اخوك مشبب الدوسري

مشبب الدوسري

اشكرك على هالموسوعه المخلطه

ومن جد والله من الدجه

الاخت بنت ابوها

مرحبا ومسهلا
وانااشكرك على مرورك العطر وردك الجميل

اخوك مشبب الدوسري

وااااااااااااو كل هذا

الله يعطيك العافية اخوي مشبب

مشكور أخوي مشبب على الموضوع الناايس
طلعنت أتكلم لغاات ونا مادري أجل ماله داعي أخذ
دورات تكفيني ثقافتي الي بالفطره...

تقبل مروري ولاعدمناك يالغالي ...

إمــــرأه حــــره

يعطيك العافيه اخوي مشبب .. نورتنا .

وأنا عندي بعض الكلمات مثل :

بس = بالفارسيه والأوردو وتعني الأسكات .

وهم أخذوا منّا كلمات كثيره مثل :
موت ودنيا وزمن وغيرها ..

ليت = بالأنجليزي وتعني النور .

خاشوقه = ملعقه وهي كلمه تركيه وكرديه
ونجديه وشماليه :)

شنص=تشانص وتعني حظ أو فرصه .

تنرفز=معناها بالأجليزي نيرمز>>يعني قريبه باللفظ .

وفيه كلمات كثيره دخيله على اللغه العربيه
وفيه كلمات موجوده بلغات أخرى .

مثل اللغه الأسبانيه فيها كلمات عربيه كثيره .

موضوعك بصراحه روعه ..
تحياتي لك ..

الاخت حنان اشكر مرورك العذب والرد الرائع

اخوك مشبب الدوسري

الاخت العزيزة امراه حره

سرني تواجدك وشرفني ردك

وسعدت برسمة البسمه على وجهك

اخوك مشبب الدوسري

اخوي عبد الكريم

ارحب طال عمرك

يشرفني تواجدك طال عمرك وتعليقك

اخوك مشبب الدوسري