|
:: مسابقة ..التصوير الشعري ::
http://www.rhb-reema.com/vb/uploaded/810_1227095461.gif
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين الشعراء والشاعرات الكرام .. بمنتديات رهب نرحب بكم معنا هنا .. في مسابقة التصوير الشعري كفكره حبيت طرحها في هذا الوطن والمسابقه مفتوحه لجميع الشعراء والشاعرات المتواجدين معنا ماعدا الطاقم الإداري ’’ والمشرفين على المسابقه .. والمسابقه بإختصار .. هو أن نطرح لكم تصوير عن حاله عاطفيه .. كقصه ,, وما عليكم إلا كتابة 10 أبيات تتحدث عن الحدث ,, يتقمص الشاعر شخصية بطل القصه ,, ومن ثم يعبر عن الحاله بأبيات شعريه ,, ومن يفوز بالمسابقه يحصل على وسام الشاعر الذهبي http://www.rhb-reema.com/vb/uploaded/810_1227096215.gif شروط المسابقه ,, - المشاركه لمره واحد لكل مشارك - كتابة عشرة ابيات لاتزيد ولا تنقص (ابيات تصويريه ) - بالتأكيد اكتمال شروط القصيده ( المقفاه ) والمكونه من صدر وعجز - لايقبل الشعر النثري - تنتهي المسابقه في 30/12/1429 هــ ----------------------------------------------- ومن ثم يتم إعلان الفائز ,,, بعد أن تدرس اللجنه كافة المشاركات ----------------------------------- تأكدوا إنه هذه المسابقه ماوضعت إلا للتنافس على الإبداع والكتابه كما أن هذا المنتدى موطن للإبداع وللإطلاع وحريصين على ان يكون في لقائنا فائده للجميع ,,, وجمعنا الله وإياكم على الخير |
http://www.newmiracles.org/images/weeping747.jpg
(( القصه وهي من خيال الكاتب )) بدر شاب يبلغ من العمر 24 أحب فتاة كحبه لنفسه وربما أكثر وآراد ان يجتمع معها بالزواج وعلى سنة الله فتقدم وخطبها من أهلها .. ومرت عليهم مرحله جميله جداً وفجأه ... أنصدم بدر .. من طلب فسخ الخطوبه .. وطلبها وبكل إصرار ان يبتعد بدر عن حياتها ,, فتفاجأ بدر أن هناك من وشا فيه ودبر مكيده , ولكنه وبعزة النفس التي طغت على الحب في قلبه .. أصر ان يتقبل الأمر ويبتعد .. حيث انه قال في قرارة نفسه ( لو كانت تحبني مثل ما أحبها .. سألت أو تأكدت من هالشي ؟؟؟ .. قبل لاتصدر قرار .. يحطمني .. وهي تعرف تماما ماهو حجم حبي لها ؟؟؟ وإلى أي مدى ,,, ومرت اليام وبدر يعيش في حزن دفين ,,, وألم ... ولا زال يتسائل ؟؟ كيف يكون الحب عند بعض القلوب ,, كقناع تتقنع به .. وبينما هو يفتش آدراجه بغرفته .. وجد رساله قديمه من خطيبته السابقه وهي أول رساله له منها ... وفيها اعتراف بحبها له ... وخصوصا وانه حاول ان يسمع كلمة أحبك منها )) اختنق بدر بعبرته ,, وسرح بعيداً ليعيد كل ماحدث من البدايه حتى النهايه ... وطرح تساؤل .. هل يعود ليثبت لها ؟؟ انه مظلوم من المكيده التي دبرت له .. أم يعاند قلبه ؟؟ وربما يعيش حياة افضل وعالم ثاني ------------------- بإنتظار المشاركات ,, هنا ,, وآمل من الجميع الإلتزام بالقوانين وتمنياتنا للجميع بالتوفيق |
شامان .. موضوع جميل والجميع بيشارك .. اشكرك .. تحياتي لك رهب |
أحسنت يا شامان بروعة خيالك
ودفء احاسيسك والمسابقة رائعه بفكرتها وبطرحها وبكل جوانبها وان شاء الله تقام على اكمل وجه وجميع الشعراء بيرحبون بها ويشاركون وتسلم على البادرة الجميله منك تحياتي لشخصك الكريم |
مسابقة جميلة تشكرك عليها ياقدير حيث من خلالها سنستمتع بأجمل الأبيات ويتخللها روح المنافسة كل الشكر لك ياعزيزي :rhb: |
رهب
الجمال في تواحد المبدعين وتواجدك لاعدمناك والله لايحرمنا من حضورك |
يفوق الوصف
مرحبا وحياك من ملفاك إلى ملقاك وهذا المنتدى الراقي والنقي يستاهل مننا نقدم له كل ماهو مفيد ليكون في اللقاء ارتقاء نقاء دمت ودام حضورك |
تسلم يمينك اخوي شامان
والله يعطيك العافيه على جهود ك القيمه ابداع حقيقي و القصه رائعه تحاكي واقع كثيرمايحصل كل امنياتي لشعراء بالفوز تقبل مني خالص الشكروالعرفان ودي وتقديري دمت بخير |
شامان بيض الله وجهك وقصه صراحه رائعه وانت اروع جميل طرحك وموضوعك مميز صراحه وتسلم وان شاءالله نشارك بموضوعك مع زملانا الشعار لك كل الود |
اتمنا التوفيق للجميع
تحياتي |
شامان
هل تُكتب القصيده في اخر لحظه يعني في اللحظه الاخيره اللي هي تفكير بدر بالماضي وإعادة شريط الذاكره ؟ اشكرك على الفكره الرائعه وبالتوفيق للجميع دمتم بخير |
: الأخ / شامان الله يعطيك العافيه على هذه المبادره الملفته .. بمسابقه تحمل طابع المنافسه شريفه .. وتثبت لمن لديه القدره على تقمص الشخصيه أن يتخيل ويبدع . وتستحق من جميع الشعراء أن يشاركوا فيها . والله يوفق الجميع من شعراء ومن مشرفين على هذه المسابقه .. تحياتي وتقديري |
ياسر
دمت ودام حضورك ,, والجمال لايظهر هنا إلا بتواجدكم وعطائكم ,, والله يقدر الجميع على ان يكون هذا الوطن رائع وراقي ,, كإسمه |
شموخ نجد
ويسلم حضورك وعطره شكرا لتواجدك ولكلماتك ,, |
خليف الوهبداني
ووجهك ابيض ولاهنت على حضورك وننتظر ابداعاتكم |
الله يوفق لك ياسلطان
ولاهنت على حضورك ولازلنا بانتظار المبدعين |
احساس شاعر
مرحبا بك تراحيب المطر اي نعم .. اخوي .. لو الشاعر مكان بدر .. وبيرسم معاناته على ابيات شعريه .. من الالف الى الياء في عشر ابيات بانتظار ابداعك |
اخوي شامان
بيض الله وجهك فكره جميله سوف تخرج لنا تصوير شعري اكثر من رائع بالتوفيق للجميع |
الغالي
الشاعر شامان الله يسعدك ويوفقك لكل خير شكرا لك على موضوعك وفكرتك واتمنى ان يتفاعل مع موضوعك زملائك الشعار واشكر من تفاعل بيض الله وجهك ووفقك لاهنت تقبل تحياتي |
ابشر ياخي شمان الي تبي بيصير بذن الله
معا النني هالايام مشغول ولكن بحاول بالي يرضيك ويرضي اعضى هالمنتدى الرائع بوجود الجميع تقبل تحياتي ,,, |
يسلمووو شامان ويعطيك العافيه 000
مسابقه فريده من نوعها 000 تشاااو |
الله يحفظك
ياشامان مسابقه روعه الى الامام |
:thumb:هذي قصتي بأسمي محد عارف لها غيري انا:thumb: افا عاد انا شاري بشت جديد:nono: يعني مافيه عرس:(1 طيب انا اعلمها :d خلوها علي استلموا يالربع:yasser:هذي ابيات على الطاير رسالتك تطري علي الحناني=أيام اول يوم كنتوا تحبون هذي نهاية حبنا والأماني؟=الله واكبر شغل الأيام وشلون!! خليتني وحدي لحالي أعاني=بأسباب هرج الناس واللي يقولون كنت أتحرى عرسنا والتهاني=لكن حلمي صار ذا اليوم مدفون! خليت للكايد قرار ومكاني=يدخل مابين الحب عاذل وملعون طعت العواذل يالغلا في ثواني!=نسيت حبن داخل الصدر مكنون واللي يحب انسان ماطاع ثاني؟=حسب الأصول ان كان للحب قانون دامك تبعت الناس مانيب عاني=لجلك ولا اتعنى على شان مجنون!! قلبي عنيد وعن غرامك نهاني=قطعت عرقن في سما الحب مرهون هدمت في قلبي لحبك مباني=وفيت ديني بعد ماكنت مديون |
.. الــــدمــــعــــــة ؟ .. لا تسأليني عن الدمعه وغربالي = الصمت حكمه وصدري بوحه يتله وكأنك غديتي سؤالي عند عذالي = فيني سؤالٍ ؟ جوابه مقدر أوصل له وكان البشر في عيونك حالهم حالي =حـالة عــدوك وشفـت من العنا كله لقيت دربي طويل وطال ترحالي = والحبر تدمع عيونه دم وتهله أمشي ورمشي بدمع الهم يبرالي = حتى غدا نزف دمعي شعري وظله ياجرحي اللي لقيتك تسرج أظلالي = ياليت يقـدر يساير شاعـرك ظـله تعبت أواسـيـك والقى الحزن موالي = والحب لامن بغيته ماقدر أدله ياعل شعرٍ يطــّول صبره أمثالي = ولاكل دربً آهيمه يوم وأمله !! هذا هـو الشعـر عل البوح مدهالي = ياسيف صدري وبوحي كل ماسـلـّه كيف أستظل أبغلاك وأشهب اللالي = وأنا التعب يستـثـيـر الـنـزف وأمهل له ولو كل شيٍء تمنيته تـهـيالي = في ذمتي ماشكيت الحال من عـلـْه |
(( الـسـهــر والــدمــع والــدرب الـطــويـل )) .. .. .. السهر والدمع والدرب الطويل = والنهار اللي شكى همه وليله
كلبوها من سبب ذاك الرحيل = يوم عـّـزم بالجفا واعلن رحيله كن في صدري من الفرقا فتيل = لاذكرته شب في قلبي فتيله لاذكرت الزين نقاض الجديل = برْي حالي كل مايطرق جديله وجد حالي كل ماهب العليل = يرسل النسمات بالروح العليله صغت به قافي من الوزن الثقيل = والمعاني مايجي فيها هزيله لو يغيب سنين ماغيره بديل = وحالفً بالله ما أدوّر بديله الجميل ماعاد يجزا بالجميل = والخليل اليوم مايذكر خليله الوفا بالوقت هذا مستحيل = والليالي في هداياها بخيله أرتكي لهموم خلق الله وأشيل = وأنا حملي مالقيت اللي يشيله |
(( دمـــعــة نـــــــدم )) . دمعة ندم وآقـفـت على رمش الاحـلام = صملـه شجاعـه بخـوف نفـسٍ جفولـه دمعه أمل جفت على ارض الاوهـام = جـفـت قـبـل كــف الـثـرى لاتطـولـه دمعـة قهـر سالـت علـى خـد منـظـام = اصـدق مـن اللـي مايكــّــذب رسـولـه جمرة سهر تـرمـد واذا جيـت آبنـام = شـبـت تـقـول الـويــل نـــوّخ ذلـولــه قلت انطفي ماني علـى خبـرك العـام = اصعـب مـن اللـي مستحيلـه حلـولـه واللى على خلقه فرض دين الاسـلام = ان الحـزن فـي داخلـي صـار دولــه مـن يـوم ماتـت .. كـن ماقبلـي ايتـام = اشـوف حلمـي لكـن ازريـت أطولـه اخطتـنـي اسـهـامٍ وصابتـنـي اسـهـام = قــــولٍ يـتـرجــم ماتـمـنـيـت قــولــه هـذا أنـا مـيـت ظـمـا وانــزف هـيـام = ارقــى بحـلـمـي ويـتـــّعـثـر حـصـولـه هذا أنـا رغـم احتظـاري مـن اعـوام = مـازلــت حـــيٍٍ يسـتـثـيـرك مـثـولــه """""""""" """"" "" """""""" """" "" ** * الـدمـعـه اللي بعـثـرت لحظة البوح = هـدت معاها فرحتي حلم عمري أهـرب من اللوعات ويلقاني النوح = وأرجع لدمع البوح والقاه جمري من وين ماوجـهّـت ؟ ومـنـيـن ماروح = تجـفـاني الـوجـهـات وأحـتـار بأمــري أقضى نهاري صمت والصوت مبحوح = والليل قضـّـيـتـه على ضوء سمري الى متى ياغربة العمر والروح = لون الامل مابين داكن وخمري ماعاد فيني قـلب يـتـحـّمـل جــروح = لازالت جروحي من أيـّديـك حِمْري يامجدد آهاتي من القلب مسموح = الله يـبـيـحــك ياسبب كل دمــري تحكي الدموع وتنخرس لحظة البوح = يا الـعــبـره اللي حـطـمـت حـلم عـمري ** * خيول فكري قيدهن حطمنه = وبين الامل واليأس حطمت قيده خانن رموشً دمعهن وقفنه = ياصعب والله دمع خطو الوليده رجيتهن مايرسلن وأرسلنه = حتى غرق خدي بنار الوقيده حسبي عليهن بالعهد خوننه = وخانتني الدمعه وصارت أكيده لمحتها من فوق رمشً بلنه = نظرات عبدً خان في عهد سيده لاصار ماهدومك جسدك أسترنه = من عاد ترجي هم قلبك يفيده عزاه من جور الليالي أبعــّدنه = يلين لو قلبه سوات الحديده آهات صدري والجروح الاسنه = تزارقن صدري بغصت وريده كلن على الثاني حسامه يسنه = ملعون راعي التفرقه والمكيده الاسئله وحلولهن دوّرنه = وضاع الجواب بظل جمله مفيده 0 |
يعطيك العافيه على الطرح المميز تحياتي
|
قلم جميل ياشامان،، وقصة رائعة بالفعل ابدعت ،، وارغمتني بقلمك ،،ان اكتب عشر ابيات،، لامن اجل الفوزفحسب،، وتضامنا مع بدر،، وفقده خطيبته،، التي احبها واحبته،، ولكن كان الكيد بالمرصاد ،،، وفي العجلة الندامة ،، وفي حسن الظن السلامه ،، تقبل تحيااتي |
يادمعة الحرمان .. ياطيف الأحباب = ليـت المسافـه والقطاعـه نهاريـن ان قلت مابه شـك والظـن ماخـاب = يقيـن والحجـه عليهـا براهـيـن وان قلت هالمعنى لي أقـلام وكتـاب = في لـون واحـد ماتكوّنـت لونيـن ماقلتها وأسمي لها حضور وغيـاب = شاعر ولاني عاشق اليـاس والبيـن لي بالفرح والهـم موعـد ومرقـاب = ولي بالتعب والعشق دمعه وجرحيـن أنسان بالدنيا لي حروف وحساب = وبالحظ والقسمه لي عيون وايدين وبين المرايـا والملامـح والأسبـاب = ان جاد حظي كل واحـد لـه أثنيـن الشوق غالي والأمل مهـر الأحبـاب = والحلـم واحـد والأمانـي ملاييـن ان قلت أنا مثلي مثل كل الأصحـاب = أحب واكـره فـي حـدود وقوانيـن أقولهـا صـادق ولانـي بـكـذاب = غير الـمـهـا ماعندي أحبـاب غاليـن |
الحب غلطه والوفا فيه معدوم = وغلطة زماني عشتها في غرامه اللي هجرني واودع القلب محروم = حتى العذر مايعتذر في كلامه وقلبي من اسبابه غدا اليوم مهموم = ودرب الهوا والشوق يوحش ظلامه خلا حياتي بين ظالم ومظلوم = وعلق على صدر الخيانه وسامه واخلاص حبه والوفا صار مزعوم = دايم يجاملني ولا ادري علامه لاشك ماني بالهوا فيه ملزوم = ماعاد لي رغبه ولو في سلامه واللي مضى واللي جرا شي مقسوم = الله يساعدني وأنسى غرامه |
[table1="width:95%;"] | [/table1]لا شاعر ولا لي بالشـــــــعر حاجــــــه اكتب حروف الصدق مشاعر و احساس ابعد ادروبي عن درب الردى و السماجه ماريد من العرب لاصيت ولا شرهه ولانومـاس |
قالت وداع وسيف الاوجاع مسلول= فرقى جرت بين الخليل وخليله وقفت وفكري شارد البال مذهول = بين الوصال وبين لوعة رحيله واغضيت واغضت وازرق الدمع مرسول=واقفت تلاحظها الدموع الهميله راحت ورى ليل.ن. من البعد مجهول =ومن بينا جرد الفجوج المهيله اصفق على كفي بكفي ونااا قول = والله ،،مابيدي وبيديك حيله عزيت حب.ن.فـ اول المهد مقتول = باول ربيعه ماجنينا حصيله كيد الوشاه ومسرح القيل والقول = كم فرقوا وادموا قلوب.ن. عليله والطيش وتئويل المسافيه مسؤل = والحلم راس المعرفه والدليله ونا من عقول المهابيل معلول = اللي إلى اصغى قربعه هد خيله واللي مايشري خوتي - سيف مصقول = يبيعني لاوحى الهروج الهزيله |
ياوجودي وجـد مـن سجـن ظلـم وعذبـوه = مابه الظفـر فـي يديـه المحقـق ماشلعـه او وجود اللي على شاطـي البحـر تركـوه= جاهل(ن)طب البحـر مـدرى عـن مصرعـه مايعرف البحر واهله على الشاطي نسوه = وزلـت اقدامـه مـع البـحـر والـمـوج اقلـعـه صاحـت امـه يــوم لــدم نظـرهـم مالـقـوه=كــل واحــد لــه تصـيـح وعـلـيـه تـفـزعـه او وجودي وجد صدام يـوم بالعيداحكمـوه= بحكـم العـدام وجـودي وجـود اللـي مـعـه اعدمـوه اعـدن قـبـل بالمـواجـه مـاقـدروه=وجوه بالحيـلات يـوم اعرفـوا ويـن اطمعـه جـوه بالحيلـه وبالـلـي يـبـي وستـدرجـوه= ليـن كـل اللـي بـذل مـن جـهـوده ضيـعـه او وجود اللـي قعـد لـه عـدوا بالعمـر ابـوه = وابغضـه والبغـض لـه مــع خـوانـه وزعــه مــن حبيب(ن)مالكنـبـي غـلايــه كـلـبـوه = ثابت(ن)حـبـه بقـلـبـي ولاحـــدن يـنـزعـه علـمـوه بحـبـه الـلــي ملـكـنـي عـلـمـوه = والله انـي ماقطـع الوصـل لوهـو يقطـعـه |
فجئه وجدت رسالة الحب بسمه=والدمع من عيني يبلل ورقها كنه كما جمرن وفاالوجه بسمه=وصاح الورق ياشيخ ,,دمعك حرقها واحرقت ماضينا وضيعت جسمه=نسيت رسماته وريحة عرقها وصاح قلبي هذي جروح جسمه=ذكرتني بحلام حظي سرقها وقلت ياقلبي تنهد بنسمه = نسمة حزن والشوق مبطي درقها ياقلب لا تشره على من بناسمه=اشره على من ذل روحه غرقها لكن هذي حكمة الله وقسمه =ناسٍ جمعها حب وناسٍ فرقها مدري وش اللي في عروقي وقّ سمه=وخلاه في عيني سحابه برقها مات الهواء واقفى وقفى وراسمه=والليل غيب شمسه اللي شرقها وفجئه لقيت رسالة الحب رسمه= والدمع من عيني يبلل ورقها |
الضبيب لاهنت ولا هان حضورك واشكرك على كلماتك الراقيه في ردك
|
إبن مريقب
حياك تراحيب الحيا واشكرك على اطلالتك |
سفير المعاني
وبيض الله وجه من قام على المنتدى وبناه ولاهنت على حضورك الي اسعدني دمت حاضراً بأتم صحه وعافيه وفكر |
رفيع النفس
هلا بك قالتها الفيافي للمطر وبإنتظارك يا المبدع ,,, |
ريما ومن قال يسلم
وشكرا لك على هالعطر الي فاح بحضورك |
نمر
مرحبا بك وحياك |
| الساعة الآن 04:17AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية