|
للصبح ودروب الوفا والغيم
للصبح ودروب الوفا والغيم ونفحات العطـى=الشمس وصدور الوله تصهر مساحات الجليد ماحـرّ من جمر الغضى إلاّ المفارق والبطـى=وجد.ن.على الايام صرّم بسمةالصبح السعيد زرعت ارض السنبله وطارت اسراب القطـى=وماعاد للحيله جدى وللشعر والكلمه رصيـد ابعثر حروف الوفا وتفهمني النظـره خطـى=والليل صمته مسرح التفكير والجفن السهيد درست والدنيا دروس ومعرفه واخذ وعطـى=عرفت شي وفاتني اشياء والمبصـر فريـد جهودي ميدان الزلل وصوابي قابل للخطـى=شاعر ولكن مافتخر فخر البطل بـن الوليـد ورتني الدنيا البشاعه وارهقت قلب الخطـى=استعذبت همي وبرتني بري عودان الجريـد والهم معشوق الضماير لاسطى فيها سـطـى=انجوم ليل المعرفه تنزف ضمايرهم قصيـد المبصرين تحثهم لمصافح الجـدي الخطـى=منارة الليل الضليل ومقطع الراي السديد هـمّـاتهم متن السما وارواحهم حب وعطى=وشعورهم يخونه التخذيل وادراك البليـد قل للقلوب الهايمه بين المحاجر والغطى =وقل للعصافير وشجي احلامها وقل لـزّهيد خذل الليالي المبهمه ياصاحبي ذنب وخطـى=والموجعه ياصاحبي خذل الموالي والعضيـد أمد شوفي للسما واشوم عن جـرف الوطـى=واسوم واخسر لكن ادفعها على الربح الاكيد |
الغالي الشاعر عبدالله بن عريمه حياك الله وما تحمله لنا بهذا المتصفح من نزف شعري شعر حكم وتجارب من شاعر متمكن له باع طويل بالشعر وما هذه القصيده الانموذج حي صح لسانك يالجزل وبارك الله فيك وتقبل تحياتي |
الله الله عليك أخوي عبدالله
صح إحساسك ونبضك كلمات بمعاني جميله ورائعه لاهنت اخوي على هالقصيده الله يعافيك ويبارك فيك .. تسلم |
صح لسانك اخي عبدالله تغنى بحرك ونثر اللآلأ على شواطئه |
هنا شعر حكم
تحياتي |
صح السانك........قصيده جميله ورائعه
|
اقتباس:
وكلماتك الجميلة والحقيقة اعتز بشهادة شاعر بحجمك برغم جهدي المتواضع الا انك البستني ثوب الحكمة وهذا من تواضعك ونبلك تقبل تحيااتي عبدالله |
موسيقية هذه الأبيات , كان الإحساس يرتلها .. كن بخير شاعرنا .. |
اقتباس:
وعطرتي القصيدة بتواجدك الرائع شاكرلك حضورك الاروع لك تحيااتي |
اخوي عبدالله بن عريمة
صح لسانك واعتلا شانك رايعه بروعة حضورك لك احترامي وتقديري |
اقتباس:
اخوي احساس والم صح بدنك وصحت حروفك الرائعة ولك من اسمك نصيب اخوي احساس اسعدني مرورك العذب لك تحيااتي |
اقتباس:
شاكر اخي كامل الاوصاف كلماتك المشيدة |
عبدالله بن عريمة من اجمل واجزل الابيات في تصويرها واهدافها ومعانيها توقفت كثيراً .. لاشبع ذائقتي منها ارتواءاً ..! حقيقةً .. ازداد عشقي لهذا البحر .. عندما عانقت ابياتك الجزله صح لسانك وبيانك يا قرم ... اسجل اعجابي ومتابعتي لقلمك الذهبي والنير دمتَ بكل خير وموده وتقدير |
الاخ الفاضل سعود الدوسري اشكرلك مرورك الكريم ودمت بكل ود |
الاخت المذهلة مذهلة حسك المرهف وجمال روحك اضاء القصيدة دمتي مذهلة |
الاخ الشاعر القدير مهدي الحبابي اشكركلك حضورك المشرق في متصفحي دمت بخير |
[table1="width:95%;"] | [/table1]الاخ الشاعر المبدع البتال اسعدني ماخطه قلمك الرائع في متصفحي دمت بخير |
قصيده رائعه بحكمها وتجارب شاعرها
وصح لسانك وتعلا شانك سلاااام |
اقتباس:
بن عريمه احترت فى الاقتباس قصيده كـ العقد المنظوم ولكن رددت كثييييييييييراً خذل الليالي المبهمه ياصاحبي ذنب وخطى والموجعه ياصاحبي خذل الموالي والعضيد والموجعه ياصاحبي خذل الموالي والعضيد والموجعه ياصاحبي خذل الموالي والعضيد والموجعه ياصاحبي خذل الموالي والعضيد صح الله لسااااانك سجل اعجاااااااااااابي |
اخي المتزن اسعدني مرورك
وابهاجك وهذا مانريد تقبل اطيب التحايا عبدالله |
اقتباس:
اخوي الفافضل سلمان العايد اسعدني جداا الوصول لذائقة امثالك وهذا مااطمح اليه هو ملامسة مايشعر به الاخوه صح بدنك سلمان واتمنى لك السعادة والتوفيق والسلامه من مواجع الزمن لك اسما التحاياا عبدالله |
والهم معشوق الضماير لاصطى فيها صطى انجوم ليل المعرفه تنزف ضمايرهم قصيـد ابن عريمه .. شهاده بالله أن هالقصيده تنزف أبداع أستمتعت كثيراً بقرائتها .. صح لسانك . |
اقتباس:
عبد الله بن عريمه احسست بروعتها حتى اخر حرف وحملتها معي مره ثانيه لاسجل اعجابي مره اخرى . دام نبضك وصح لسانك كل عام وانت بخير تحياتي لك رهب |
صح لسانك وعلى شانك اخوي الشاعرالقدير عبدالله بن عريمة كلمات لهاعذوبتها المميزه ومعانيها الساميه اعجبتني كثير ماننحرمن جديدك كل الشكروالتقدير دمت بخيرومحبه |
الاخ عبدالكريم الضبيب
شاكرلك مرورك العذب تقبل تحيااتي |
اخي وابن عمي الغالي عبدالله بن عريمه,,
وانا اقرا هذا الابيات شعرتبالفخر والاعتزاز بك ولا اقدر على مدح هذه القصيده لانها من غير مجامله اكبر من مدحي تقبل ودي وتقديري محبك نمر بن ودعان |
اقتباس:
وقصيدة >> زرعت ارض السنبله > كانت استدراك ولفته ؟؟ |
صح إحساسك ونبضك
كلمات بمعاني جميله ورائعه لاهنت اخوي على هالقصيده الله يعافيك ويبارك فيك .. |
اقتباس:
صح بدنك اخوي يفوق الوصف واسعدني مرورك وكلماتك الجميلة لك كل الشكر والتقدير تقبل اطيب تحياتي |
قصيدة مشرفة بكل المقاييس
المبصرين تحثهم لمصافح الجـدي الخطـى منارة الليل الضليل ومقطع الـراي السديـد همّاتهم متن السما وارواحهم حـب وعطـى وشعورهم يخونـه التخذيـل وادراك البليـد قل للقلوب الهايمه بين المحاجـر والغطـى وقل للعصافير وشجي احلامها وقـل للزّهيـد ------------------------------ زرعت ارض السمبله وطارت اسراب القطى وماعاد للحيله جدى وللشعر والكلمه رصيـد<<< هنااا بيت القصيد شكرا اخوي عبدالله ودمت مبدعاا وانت لك جماهيرك |
ماحرّ من جمر الغضى إلاّ المفارق والبطـى
وجد.ن.على الايام صرّم بسمةالصبح السعيد زرعت ارض السنبله وطارت اسراب القطـى وماعاد للحيله جدى وللشعر والكلمه رصيـد قصيدة زاخره فاخره تموج بالشعر |
الشاعر القدير / عبدالله العريمه
صح الله لسااااااانك واعتلا شاااااانك اعجابي واحترامي لك اخي العزيز |
اقتباس:
واشكرك على نبلك وانا ايضا افخر بكم من القبيله وخارج القبيله ونحمد الله على تحقيق النجاح والوصول الى الجمهور كقدوه يحتذا بها |
هلا رايق الله يسعدك ولابد من القصايد الي تنصر الامه العالم العربي ثورات وحنا قاعدين نتغزل ونضحك على البشر ونشغلهم خلاص ماعاد ينفع
الوضع مززي ويؤسفله ويرثاله |
| الساعة الآن 02:36PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية