الحزن ما يحتاج شرح ومضامين = واحد وله وجه وملامح عديدهـ
نقراه بعيون الغلابا المساكين = حتى الغني يحس به في وريدهـ
ورد(ن) تناثر في طريق المحبين= ما ينبت الا بالدموع الاكيدهـ
من تجربة عمر ومحطات وسنين=شفت الحزن فالعمربيت القصيدهـ
لكن انا اللي عارفه حزنها زين = من صفعة الماضي لصفعه جديدهـ
ابا اختصر واحط بس العناوين = واكون في باقي سطوري زهيدهـ
على يقين اني ولو صار تخمين = عن طعنة قلوب الخلايق بعيدهـ
واصبر لو اني عايشه بين امرين = ماني حزينه بس ماني سعيدهـ

يشرفني ان اجاري صاحبة سمؤ الحرف الفريد ومطوعت الحرف العنيد

بهاذه المتواضعه امل ان تحوز على رضاكم جميع ٍ واذاقصرت فارجو المعذره

الحزن يابنت السديري عمى عين= لاحل فيها ما بقاله شريده
بمر الولي مابين خف وجناحين=حكمة بديع الملك لأعطا عبيده
لاحل بمره وسط خضر البساتين=لحا الكرب فيها جريده جريده
يمناه تنزف من دموع المظانين=ويسراه هدة عز قوم مجيده
عشش وفرخ في محاجر فلسطين=وحول على الشعب العراقي يبيده
الحزن لي قصه معه عادها طين= واليوم بهديه البيوت الفريده
لنه حظني قبل خمس ٍ وعشرين =عام وتبناني سنين مديده
طفل ٍ حذفه الوقت مابين نارين=رمدة عيونه في فرح يوم عيده
يزرع لأمل ورد على سور برلين=واحترت مابين القريب وبعيده
في عينه اليمنى من الجيش صفين=وفي عينه اليسرا حياة ٍ زهيده
يقبل علي لقفى من الليل ثلثين=يطوي قديمه ويتوهج جديده
لا يتبع مذهب ولا تابع ٍ دين=معالم الذكر علينا تعيده
لين اعتليت اللي تدك الميادين=صفر ٍ عصت بين الفخر والعقيده
يابنت يابنت الشيوخ السلاطين=أهل العوايد في السنين الشديده
الهرش لا يغريك لو له سنامين=ما فادته بلعكس حمله تزيده
يالله عفوك يوم عرض الموازين=ولا الحياه فداه لوهي مديده

المشاركة الأصلية كتبت بواسطة سعود الصعيري (المشاركة 315665) يسلام عليك يالشاعر ابيات محكمه ومجاراه أكثر من رائعه نص عانق الافق بروعته صح لسانك مدد طبت

المشاركة الأصلية كتبت بواسطة سفير المعاني (المشاركة 315875) الغالي الشاعر عبدالعزيز محمد الشلوه الله انه يسعدك ويوفقك لما فيه الخير اسعدني كثيرا ان اكون من ضمن المصافحين لهذه المجارات لقصيدة الاميره ام نواف وفعلا اجدت المجارات بقصيده رائعه واجمل من جميله وصح لسان الاميره ولسانك ملايين ولا يكفن تقبل تحياتي

المشاركة الأصلية كتبت بواسطة أنا (المشاركة 319163) عبدالعزيز اسعد الله روحك نص صوت وصدى .. شموخ حر ..وعمق تجربه ..وبعد رؤى .. نص صاغه ..جواهرجي حرف ....ومهندس شعر ..اضاء ..معالم الطريق ..بحكمة خبير. تحياتي ..ودمت بخير

المشاركة الأصلية كتبت بواسطة الجـــمـــوح (المشاركة 320984) شاعرنا القدير محمد الشلوه صح لسانك .. واعتلا شانك مجاراه اكثر من رائعه يعطيك الف عافيه . . الجموح

المشاركة الأصلية كتبت بواسطة حبي الامارات (المشاركة 322738) روووووووعه تسلمون كلمات رائعه ومجاراه رائعه تقبل مروري واعجابي

المشاركة الأصلية كتبت بواسطة أسير الـ آآآه (المشاركة 324651) عبدالعزيز محمد الشلوه صح لسانك ولاهنت مجاراة جميلة لشاعرتنا الغاليه تشكر عليها ويعطيك العافيه أسيرالآآآه

المشاركة الأصلية كتبت بواسطة منصور الرويلي (المشاركة 327062) يالله حي ( عبدالعزيز ) تشّرفت بمصافحة هذه الرائعة قصيدة غارقه يالشجن صح الله لسانك لك تقديري

المشاركة الأصلية كتبت بواسطة الغواص (المشاركة 337923) عبدالعزيز ماشاءالله تبارك الله مجاراه ولاأروع صح السانك ياعبدالعزيز اخوك الغواص

المشاركة الأصلية كتبت بواسطة قطر (المشاركة 353561) عزا الله قصيد من الطراز الثقيل ورد جزل بارك الله فيك سؤال بخصوص البيت هذا لا يتبع مذهب ولا تابـع ٍ ديـن هل هناك حرف الهاء في يتبعه نسيته مثلآ ولا تنوين بمعنى (لا يتبع ن) والنسيان وارد وعز الله انك شاعر تحياتي

المشاركة الأصلية كتبت بواسطة رهب (المشاركة 381589) شاعرنا القدير عبد العزيز مرور متأخر وارجو المعذره ومجاراه اكثر من راااائعه صح لسانك وروحك ونبضك ويسلم فكرك حقيقي ابدددعت لا عدمتك تحياتي لك