|
فصل الخطاب
السلام عليكم ورحمة الله احبائي الكرام في منتدى رهب اتقدم لكم بهاذه القصيده وارجو ان تنال اعجابكم ولكم تحياتي / عاشق الجزله فصل الخطاب
سيل الهجوس يسيل والمعنا علي حوز الســــحاب = شـــــعر له هــبات يعرفها الذهين المحتوي للمعــــرفه والفكـــروالقدره علي فصـــل الخطـــــاب = فالماقف اللي ماوقف له غير واحد مقتوي يقلط علي منهو نشــــــــــــد ماحتار في رد الجـواب = وليا نطــــق قوله من خيار الجواهر منقوي ماختار غير الجزل واللي جزل فاله طــــاب طـــــاب = من طيب مجناه المســــمي بالجزاله معنوي مايختلف ممشـــــاه عن درب الرجاله والصـــــواب = يســــهر علي العليا وللطـــالات دايم مهــتوي عاشق مشــــاريف الشــفا مايرتضي روس الهضاب = حرن ســـليل أحرار عرقه بالاصـــاله مغذوي من طــــــــــيب أبوه وجده الأول كمل فيه النصــــاب = مايخلف الوزنه علي الميزان والطـــــبع بدوي كيله وفي مده شـــــفي ماحسّــــــــب لمده حســـــاب = دايم لمد ألطــــيبه لهل المواجـــــــيب حروي ولـــيا نخـــــــيته فاللــــــوازم ما توانا واســــــــتهاب = دون اللوازم ينثني والعــــزم بالرب القـــــــوي من جـــــود رب البيت يركي للمهــمات الصـــــــــعاب = ينقل ثِقــــيلتها عـــلي متنه وفــــكره ما غـوي ينحت صخر يقطف ثمر ما طارد خيوط الســــــــــراب = يمشـــي علي صُم القدم والدرب قدمه مستوي يارد ومـــــيراده عــــلي جـــم العـــــدود اللي عــــذّاب = يشـــــــــرب قراح ومن قراح العِد لازم يرتوي ما يرتضي بالهينه والـــــيا ارتكا للشـــــــــعر جــــــاب = ثقل البــــيوت اللي يرددها الموالي والخــــوي يعني عـــطــــــاه الله ومن ربه رجا حســـــن الثواب = واللي رجا ربه علي حسن العمل دربه ســـــوي والخــاتمه صــــــلاة ربي عد من يقــــرا الكــــتاب = على شفيع الخلق في يوم الصـــــحـــايف تنطوي وسلامتكم |
اللهم صلي وسلم على محمد وعلى اله وصحبه وسلم
تبارك الرحمن .... يا عاشق سمااااااااااااااااا ياحررررررررف |
عاشق الجزله
صح السانك واعتلى شانك شاعر مبدع ومتألق سرنا حضورك وتواجدك |
الله واكبر شاعر ٍ يفتح لزوره كل باب=يرخي لها حبل الرسن والعاصبه تدوي دوي
عاشق الجزله صح السانكـ واعتلى شانكـ شاعر فخري مميز اين ما كنت |
عاشق الجزله
لك من اسمك نصيب يالجزل صح لسانك تحياتي . |
الغالي
الشاعر عاشق الجزله الله انه يسعدك ويوفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده القويه بمضمونها وماتحويه من صفات طيبه وكفو ياعاشق الجزله وانا اشهد انك جزل بكل شي وصح لسانك وعلا شانك مليون ولايكفون وتقبل تحياتي |
عاشق الجزله عز الله انك خذيت من اسمك الشيء الكثير نص شامخ يعانق السحاب ويحمل من الجزاله في كل حرف صح الله لسانك لين ترضى بيض الله وجهك وسلمت يمينك على هذا النص الذي ادهشني واطربني الى حد الثماله تقبل مروري يالجزل |
عاشق اسعد الله روحك نص فوح جزاله .. وسلسبيل عذوبه ... شيح معنى .. وخزامى سبك ...وتراكيب محترف .. بنضوج شعري نص تكرار قرائته ..تزيده وهجا ..ومتعه تحياتي ..ودمت بخير |
صح لسانك
ولاهنت تقديري لك |
اقتباس:
الشاعر م ب ع ث ر اسعد الله مساك سلمت ودمت وتشرفت بمرورك الكريم ولاهنت يالغالي |
| الساعة الآن 10:35PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية