|
وجه المواني ...!
http://www12.0zz0.com/2010/02/18/01/842262179.jpg
حتى عندما يكون للشعر معنى فمن الأفضل ألا تستخرجه كله * هاوسمان * ياحزينه ! دوريني في زوايا الياس... في ياس المدينة ! دوريني في ملامح وجهك الدافي وقولي .. : قولي : وينه !؟ شاعر ٍ ماحبّته بنت وبكى ! شاعر ٍ مانسّته بنت وشكى ! شاعر ٍ يركض ورى الأحلام والأحلام تهرب من يدينه ! دوري عنّه دخيلك فـ المرايا .. في وجيه أحلى الصبايا ! في النوايا ! في الزوايا ! في الهدايا ! فالزهور اللي تحبّك .. فلها مع ياسمينه ! دوري عنّه دخيلك في صباحك ! في دموعك .. وانشراحك ..! وسط حزنك ! وارتياحك .. وسط دفتر مل من نزفه ومن دمعات عينه ! دوريه ..! فالوجيه اللي تنادي فالغيابات الوجيه ! فالحنين اللي أبيه وفالأنين اللي يبيه ! ولابكى حزنه عليه ! ولابكيتي تذكرينه ... دوريه ! في عيون أطفال مرّوا ... وابتسامه ! وسط صمته .. لاجفا صوته كلامه ..! وسط دفترك الحزين .. يوم كنتي تكتبينه .. يوم صرتي تشطبينه ! دوريه .. لاغفى سمعك على صوته ونام ! فـ السكوت وفـ الكلام ! فـ الحمام اللي بصدره يوم طيّر لك حمام ! في ملامح صبح بارد كان بيدك تشعلينه ! أسألي عنه .. يدّينك ! واسألي بينك وبينك ! كيف مرّ فـ يوم عينك لين مات احساس عينك ! وانتي عينه !! ياحزينه .. !؟ و... آتنفّس رغم هذا الضيق في صدر المدينة ..! ..................... وآتبسّم حتى لو مابه ..... عصافير وأغاني ! وانتي أنتي .. مثل ماأنتي ..ولكنّك حزينة ! ..................... تربكين الدمع ويل الدمع من ضيق المحاني ! صح أنا مااخترت اكون إنسان يمكن تعشقينه ! ..................... بس انا ماخترت أكون إلا معاك انسان ثاني ! كنت اقول البحر ماينشد عن هموم السفينه ! ..................... صرت أقول اللحين دلوني على وجه المواني ! آه .. واللي خالق ٍ بي صوت يصعب تسمعينه ! ..................... ماقطفتك ( لحظة ٍ حلوة ) من أغصان الثواني ! أشبه احساسي ولاأشبه هذاك اللي ... تبينه ! ..................... شاعر ٍ من ضعت عندك ضاع يوم إنه لقاني ! أشبه اللي مرّ في صدري وانا مدري حنينه ..................... مثل هذا الفرح ..... هذا الجرح لامنّه بكاني ! أنسكب لك شي مثل المي ! يمكن تشربينه ! ..................... وارتوي بك شعر.. مثل الشعر لامنّه .. دعاني ! مثل هذا الحزن هذا الحزن لامرّ بـ سكينه ! ..................... مثل هذا النور مثل شعور من يدّي .. خذاني ! مثل هذا اللي يدوّر في يدينك .. عن يدينه ! ..................... مثل هذا اللي يمرّ اللحين كل اللي .. قراني !! مثل هذا اللي يحث خطاه ماتلحق .. سنينه ! ..................... مثل هذا اللي تشوفي كيف لو شفتيه جاني !؟ شاعرك لو ماتنفّس ضاق به صدر المدينة ..................... شاعرك لو ماتبسّم .... كان مارفّت أغاني ! أفتحي قلبك وشوفي وش ورى دمعات عينه ..................... يمكن تحسيّن باللي ماقوى ... ينطق لساني ! لايمر ّ الحزن مثل اللي يمرّ .. وفي يمينه ! ..................... قلب ماتنبض سنينه مثل .. نبضات الأماني ! من يقول الصبح هذا صبح ! واشياءه حزينه ! ..................... من يقول الناس مثل الناس ماحس ّ بحناني ! الحزن ماهو مثل ماشعر واحسّك .. تشعرينه ! ..................... الحزن لاجيت ادور لك وانا اجهل مكاني ! ياحزنها ! رتّل معي تنهيدتي لاجف ّ فوقي مزنها ! :r: . |
كيف مرّ فـ يوم عينك لين مات احساس عينك ! وانتي عينه !! ياحزينه .. !؟ وها نحن نقطف أول ثمار شعرك وأستوقفنا جمال الحرف وعمق الاحساس وتسلسل المعنى يشرفني أن أكون المصافحين لنبض شاعرنا الفاضل // بركات الشمري :thumb: شكرا" لك على هذه الفاخره دمت بحفظ الرحمن |
من يقول الصبح هذا صبح ! واشيــــاءه حزينه !
..................... من يقول الناس مثل الناس ماحس ّ بحناني ! الحزن ماهو مثل ماشعر واحسّك .. تشعرينه ! ..................... الحزن لاجيت ادور لك وانا اجهل مكــــــاني ! روعة و تفاصيل و احساس شاعر و ذوق و عذوبة كلمات ما اروعك .. ما اروعك .. ما اروعك نص في قمه الجزاله و قمة الحضوع بركات الشمري كل انسان قد يفنخر بأنه شاعر و انت انت يفتخر الشعر لانه اقترن بأسمك صح لسانك و علا شانك اشكر هذه اللحظه التي جمعتني بحرف شعرك الرائع العذب اسجل اعجابي \\ اخوك [color="rgb(46, 139, 87)"]ريف النشاما[/color] |
صح لسانك...
هنا قرأت الشعر الحقيقي.. للة درك وإلى الامام فأنت تملك فكر وشعر في زمن كثر فيه الشعر وقل الفكر.. أبحر وتأكد بأن هناك من يقدر ما تأتي به. |
الله الله عليك يالشاعر بركات الشمري مبدع في كل حالاتك
والله إني استمتع حينما اقرأ لشاعر جميل مثلك نص فآخر جداً لاهنت على ماقدمت قصيده راائعه بكل كلمه وكل معنى .. يعطيييكـ العآآآفيهـ ,, انتظر القآآدم من قصائدكـ ,’ لك جُل تقديري |
بركات الشمري
صح السانك.... اسعدنا تواجدك من بيننا ويسعدنا الاطلاع والمرورعلى مشاركاتك الرائعه شاعرك لو ماتنفّس ضاق به صدر المدينة ..................... شاعرك لو ماتبسّم .... كان مارفّت أغاني ! |
بركات الشمري
صح لسانك على هذه الرائعه تحياتي . |
الغالي الشاعر بركات الشمري الله انه يسعدك ومليون مرحبابك وهلا ولقد اسعدني ان اكون من ضمن المصافحين لهذه القصيده الاجمل من جميله والاروع من رائعه وصح لسانك وعلا شانك مليون ولايكفون تقبل تحياتي |
صح لســـانك الشاعر بركات الشمري
شآعر جزل ، أخضعت العبآرات والمعـآني لقصيدتك رغماً عنها بفكرك كل الشكر .. |
الله الله عليك
يابركات حقا انك شاعر مبدع بكل ماتحمل من معاني هذه الكلمه نعم انك حقا تجيد العزف على اوتار المعاني الشعريه بكل جداره نعم انك الشاعر الذي نبحث عنه عن شعره المتجدد عن الامه عن حزنه الذي يبعثرنا اعجابا بما يكتب لنصفق له بقلوبنا قبل ان تصفق له كفوفنا اخي بركات شكرا لك بملء مساحات الفضاء الرحب تقبل تحيتي وتقديري لك |
| الساعة الآن 05:31AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية