صباح/مساء الأوركيد
متواضعه جديده اضعها بين أيديكم بعد طول غياب
علّها تنال بعض الأعجاب

اشعلت من حبك شعوري لك شموع=ونثرت لك عمري عطر في يدينك
وعزفت من نبضي لحن شوق مسموع=تطرب له حروف القصايد لعينك
جيتك حنان وفيه إلاحساس مدفوع = لك يانظر عيني خذاني حنينك
قلبي من اشواقي له ايام موجوع= ارهق صمودي.. يسأل القلب وينك
والقلب لولا ما يردّنه ضلوع!!=.يمديه طار وصار عندك رهينك
خذني غلا ولصادق الود ينبوع=وابقى غرام(ن) تهتني به سنينك
خذني وطن ولدافي احساسك ربوع=خذني ملاذ(ن) فيه راحة كنينك
خذني جنون(ن) منّه العقل منزوع= خذني اسيره بين قلبك وبينك
هذي محبه مابها شي ممنوع= سو ما تريده يالغلا فى ضنينك

وسلامتكم
عذب التحايا للجميع

خذني غـلا ولصـادق الـود ينبـوع
......وابقى غرام(ن) تهتني بـه سنينـك
خذني وطن ولدافي احساسـك ربـوع
......خذني مـلاذ(ن) فيـه راحـة كنينـك
خذني جنون(ن) منّه العقـل منـزوع
.....خذنـي اسيـره بيـن قلبـك وبينـك
هـذي محبـه مابهـا شـي ممنـوع
......سو ما تريـده يالغـلا فـى ضنينـك


العنود صح السانك


نحمد الله على عودتك بعد الغياب

شاعره متمكنه ينحني لك الحرف طوعا

دمت مشرقة ومتألقه

هـــــذي مـحــبــه مـابــهــا شـــــي مـمــنــوع
ســـو مـــا تـريــده يـالـغـلا فـــى ضـنـيـنـك

شاعرتنا العنود الشيباني

مبدعه أينما حللتي وأرتحلتي

اهلا" بك بعد غياب

دمت بمحبة