|
((رفيقي الطيب أليـا صـد اناديـه))
السلام عليكم ورحمة الله وبركاته
كل عام وانتم بخير اهدي لكم هذه الابيات لعلها تنال اعجابكم .
رفيقي الطيب أليـا صـد اناديـه=بالصوت كله ليـن يسمـع منـاداي وان كان جاوبني عسـى الله يحييـه=اقوم له حشمه واحـط الـه مركـاي وان كانه اوحى الصوت ما قال لبيـه=كنه يقول انـه يبـى اليـوم فرقـاي اقفي مثل ما اقفـى ولانـي براجيـه=من باعني وشلون اصير اله شـراي خلـه علـى كيفـه وعقلـه يقديـه=يبى يحصل من يوافـق لـه الـراي وحقه عليه كـل مـا حـل طاريـه=ذكره بخير ولا افرح اعداه واعـداي لو كان يبقى الجرح ما احد(ن) يداويه=اصبر ولا اشكـي غيـر لله مـولاي ولا خاب من يرفـع يدينـه لواليـه=وانا لغير الله مـا ابديـت شكـواي وختامها درس(ن) زمانـي عطانيـه=منه استفيد ان عشت في وقتي الجاي |
سلطان بن دحيم
ابيات جميله لموقف اعتبرت منه وكما قلت اختلاف الرأي لايفسد للود قضيه * تعقيب على (رفيقي الطيب) : (سنقول ان بكرم منك وصفت هذا الرفيق بكلمة ( الطيب) أليس غريب بعد وصفك له بهذه الكلمه بمعناها المعروف وأنت لست بمتأكد هل سيرد عليك أم لا؟ أعتقد ان شخصا يحمل هذه الصفه وعلى الاقل ان ترفع نداءك ! أو لم يكن لديك ادنى شك بما سيفعل ؟ ) سلطان بن دحيم مجرد تعقيب لاينقص من شأن صديقك ولايغير رؤيتك قصيدة رائعه صح لسانك تحياتي |
اقتباس:
اخي رياض اولا حياك الله ثانيا الطيب ما احد يجحده سواء في رفيق والا عدوا الطيب يبقى طيب . وانا وصفته بالرفيق الطيب ووصفي في محله ولو ما هوب طيب ما تشرهة عليه ولايعني اذا ما جاوب نداي انه ردي . وانا وضحت حقه عليه اني اذكره بالخير في كل الاحوال هذا دليل على طيبه . ولاهوب من المنطق ان اسبه واجحد طيبه على شانه صد عني . لان الظروف تحكم بعض الاحيان . وانا ناديته ووضعت الاحتمالين اذا جاوب الندا حياه الله واذا ما جاوب النداء الله يستر عليه يروح في دربه وانا في دربي وحقه علي اذكره بخير فقط. وعلى كل حال وجهة انظرك واحترمها |
سلطان بن دحيم
صح ألسانك قصيده جزله من جزل واحب ابين لاخي رياض احياناً الواحد يكون زعلان من شخص حتى وهو يعزه ويقدره لايعني انه ماهو طيب يمكن اختلاف ويزعل الواحد وبعد يوم يومين يرجع يعتذر نشوف الشي هذا كثير واحيانا يرجع ولو تقوله انت مأنت زعلان علي قال لو اني زعلان ماجيتك تحياتي لكم |
رفيـقـي الـطـيـب ألـيــا صـــد انـاديــه بالـصـوت كـلـه لـيـن يسـمـع مـنـاداي وان كـان جاوبنـي عـسـى الله يحيـيـه اقـوم لـه حشمـه واحــط الــه مـركـاي وان كانه اوحى الصوت مـا قـال لبيـه كـنـه يـقـول انــه يـبـى الـيـوم فـرقـاي اقفـي مثـل مـا اقـفـى ولانــي براجـيـه من باعني وشلـون اصيـر الـه شـراي خـلــه عـلــى كـيـفـه وعـقـلــه يـقـديــه يبـى يحصـل مـن يـوافـق لــه الــراي وحـقـه علـيـه كــل مــا حــل طـاريــه ذكره بخير ولا افـرح اعـداه واعـداي لو كان يبقى الجرح ما احد(ن) يداويه اصـبـر ولا اشـكـي غـيـر لله مـــولاي ولا خــاب مــن يـرفـع يديـنـه لوالـيـه وانــا لغـيـر الله مــا ابـديـت شـكــواي وختامـهـا درس(ن) زمـانـي عطانـيـه منه استفيد ان عشت في وقتي الجـاي الشاعرالقدير سلطان بن دحيم صح لسانك وعلى شانك ولاهنت على هذه الابيات الشامخه بالروح الطيبه وان دلت تدل على طيب ذاتك وذكرى الصديق بالخيرمهما حصل منه بصراحه لامست وجداني هذه الكلمات ابدعت دام نبضك وابداع قلمك وبنتظار المزيد بشوق حفظك المولى |
سلطان بن دحيم الله يحييك
شكرا على رحابة صدرك والامر بسيط مجرد تعقيب خصوصا ان الناس تشفق على الطيّب لو هو بعيد وعلى ما قيل : ( اشره على الطيّب ويشره عليه) شكرا لك على ايضاحه وان دل على شي دل على طيبك وطيب اصلك بارك الله فيك . وصح لسانك ........ اشكرك اخوي متعب على مداخلتك الوافيه والله لايهينك تحياتي |
[table1="width:95%;"] | [/table1]سلطان بن دحيم صح بوحك ولاهنت تحياتي.. |
صح السانك واعتلا شانك
دام حرفك ودمت سالما |
صح لسانك على الرائعه
وقصيدة صراحه عيتشتنا جو ثاني تقبل مروري / سيف |
سلطان
اجمل مافي القصيده اجتماعيتها ثم انه اعقبها نقاش بين الاعضاء الكرام وتباينت وجهات النظر وهذا من جمال الطرح |
| الساعة الآن 02:10AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية