لاضاق بي وقتي حزنت وتضايقت=واخذت مشوار(ن)مع الحزن بادي
واخذت لي سجه معاها تهيضت=اعوم ببحور الحزن في فؤادي
في وقتنا الي كابت(ن) هالفرح كبت=رجعت فالذكرى معايه جوادي
اصيل لاكنه يشيب ليا شبت=واشيب عيني لو عليه اعتمادي
رجعت واسرجت الجواد وتسلقت=رجم(ن)من الذكرى بعيد(ن)وهادي
ابعد من الي تنضره عين ماشفت=واهدا من الي لامشت في تهادي
لقيت فالقمه صحاري بلا نبت=مغير شجره كنها وسط وادي
عرفت مع مر الزمان ومع الوقت=اني عن الضحكه بعيد(ن)وغادي
وعرفت مع مر الزمان ومع الوقت=اني بموت وماتحقق مرادي
متى على الحزن اشعر اني تفوقت=صارت حياتي مثل فلم(ن)يعادي

المشاركة الأصلية كتبت بواسطة يازمان العجايب (المشاركة 182868) عرفت مع مر الزمان ومع الوقـت اني عن الضحكه بعيد(ن)وغـادي وعرفت مع مر الزمان ومع الوقت انـي بمـوت وماتحقـق مـرادي متى على الحزن اشعر اني تفوقت صارت حياتي مثل فلم(ن)يعـادي الحوفزان أبياتك تعادل قصيدة بكاملها لجمال معناها ومعبرة لفوق الوصف صراحة تسلم على هذه القصيدة المميزة دمت بخير وسعادة

[table1="width:95%;"]

[/table1]

---

المشاركة الأصلية كتبت بواسطة عقاب (المشاركة 182880) [table1="width:95%;"]

الحوفزان الله يبعد الهم عنك قصيده استمتعت بمضمونها وجزالتها مع العلم انك اشوى من اخوك عقاب شفت الشجره في تلك الصحراء واخوك عقاب ماشافها ماشاف بالقمه غير الصحاري وبلا نبت صح لسانك صح لسانك تحياتي

المشاركة الأصلية كتبت بواسطة ريف النشاما (المشاركة 182890) اخي الغالي الحوفزان ماشاء الله عليك وش التصوير الابداع الذي طرزتها افكارك النير التي ابحرت بك في كل مكان لتجمع من كل بستان زهره لتكون هذه الباقة الرائعه من الزهور الجميله كل الود و اسمح لي بزيارة بستانك الجميل كل يوم