|
!!..( وحشــة غيـابك )..!!
!!..( وحشــة غيـابك )..!! هلابك .. كثر ماكنت ارتجيك .. وكنت بك مغرور هلابك .. كثر ماصاب البَخَتْ حزني .. ولا صابك هلابك كثر تقليب المواجع .. والسهر .. والجور كثر مازارني وجه الفراق .. بوحشة غيابك هلابك .. كثر ماكنت المدائن .. والشُرف .. والدور كثر ماملّت يدين انتظاري.. تطرق ابوابك هلابك .. من ثلاث سنين .. أرددها بدون شعور ليا حلّ المسآ .. قلت المسا جابك.. ولا جابك علامك ؟؟ علّ ماقلبك حزين .. وخاطرك مكسور عسى ماضاق بك صدر الزمان .. وسهّر اهدابك ؟ علامك ؟؟ جيت في بالك ..؟ صحيح تحس بي ؟ مشكوور وربي ماهقيت ان الزمن يصحى .. ويصحى بك ثلاث سنين .. ملّيت الوجيه .. وضحكة المقهور اقول اني سليت .. ولا سليت الا عن عتابك ثلاث سنين .. والاشواق في صدري عليك تفور تهيضها الهدايا .. والقصيد .. وباقي اطيابك ثلاث سنين .. وطيوفك كريمه بالوهم .. والزور تصوّرك بعيوني كل ماشوقي تغنّابك ثلاث سنين .. اجي نفس المكان .. الموحش المهجور اثر حتى الاماكن ماتزين الا مع احبابك ؟! واثر من حبّ ماينسى ؟! واثر قاع الاماني بور ؟! واثر لو هابتك كل الرجال .. الحب ماهابك ؟! حبيبي وفّر اعذارك .. قبل ماتعتذر معذور ترى قلبٍ عنالك .. مايضره لو تعنّا بك هلابك خل كل اللي مضى واقرب .. وشب النور بقلبٍ يشعل شموعك .. سنين .. ولا تهنّابك أعجبتني فنثرتها لكم .. لرائع عبدالعـزيز الدهمشي.. |
كلمات في قمة الروعه والجمال
سلمة يد الناقل وصح لسان القائل النادره عن جد ذائقه استحقة الوقوف عندها دمت بهذه الذئقه المتميزة |
ملك الظلام
صح بدنك ،، ولاهنت على التواجد المشرف اسعدني حضورك هاهنا كل الشكر واعذب المنى اختك |
النادرة
صح احساسك ولسان الشاعر عبدالعزيز الدهمشي قصيدة رائعه وجميلة ونقلها منك اجمل تقبلي مروري وتحياتي ننتظر جديدك كل الود |
اقول اني سليت .. ولا سليت الا عن عتابك
سلم ذوقك مودتي |
راااااااااااااااااااااائعه
صح لسانك |
نقل واختيار موفق اشكرك تقديري لشخص |
نمر
والاروع حضورك كلك ذووق اسعدني مرورك كل الشترك وعظيم الامتنآن ....} |
الجادل
\\ // الاروع قلبك وصح بدنك كل الشكر ....} |
رسيس
\\ // سلم بنآنك ،، الذووق ذووقك يالشيخه اسعدني توآجددك ودي ....} |
| الساعة الآن 06:43PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية