قريت الجابه اللي يعتلي قيفانهاعنوان=معنونهابريان اولده حرن مغنيها
تهيض خاطري للقيل يومنه قراالقيفان=بيوتن وافيه يطرب لهامامل قاريها
بيوتن جزلة المعنى وندرغاليات اثمان=يقوله واحدن حازت على اعجابه معانيها
من اعجابه بدع قافه وغنى زينةالالحان=لك الله تستحق ابيوت ابوريان اجاريها
دعاني للغنى يوم انتخى في ترثة الجدان=نخى ذخرالجدود اللي معربتن مجانيها
على نخوات ابوريان غنى هاجسي طربان=نخاوي عزلاصدا صوتهالبيت احييها
احييهاتحاياعطرهابالمسك والريحان=تحياتن ثمينه باول الجابه وتاليها
انصيهالعرب الساس عرب الخال والعمان=من ابراهيم ابوسطام صافطهاومهديها
على مرمى هدف مرماه حطيت الهدف نيشان=اصيب اهدافي بمرماي لانشنت ماخطيها
نواميسك بابوصالح نواميسن لنايافلان=نواميسن رفع راسي جوابن فيه ترويها
نواميسن تبي تبقىوترويهاالعبادازمان=نواميسن لويطول الزمن ماهوب ماحيها
اباطوح بصوتي وانتخي مثلك يابوريان=مصيراصغيرن بالسن يكبرثم يوحيها
عساه لوالدينه حي ويقرن به الاعيان=يفكه ربه من اصدوف الايام ولياليها
ويبقى خاله ابراهيم له مضرب مثل برهان=على كل الدروب اللي مشاهاالخال يمشيها
اقوله واعترف بالطيب له والله علي احسان=اله فزعات طيبن بالوفى قدذقت حاليها
اناوياك عديناوعدوغيرناعربان=كسب قولة نعم لاجت به السيره وطاريها
يقولون العرب ذكرالحياوالطيبين يبان=ياكثراللي مشاريف العلاوالطيب راقيها
وياكثرالرجال الطيبه شرواه بالاوطان=ملايين البشرشرواه لوعديت ماحصيها
جناب اهل الوفى والطيب يكرم مالحقه بهتان=عسى راع الردى والعيب والله من فداويها
وبسم الله جليل الملك سبحانه عظيم الشان=على محمدصلاتي وازين اختامن به انهيها

المشاركة الأصلية كتبت بواسطة غالب الذيابي (المشاركة 119834) . . . صح لسانك اخوي . . . .

المشاركة الأصلية كتبت بواسطة سفير المعاني (المشاركة 119840) الغالي الشاعر ابراهيم اليحيا الله يسعدك ويوفقك بكل خير مجارات لشاعر يستحق المجارات والقصيده وافيه ومن شاعر له امكانياته وقدرته الشعريه الفذه وانت كريم وابو ريان يستاهل ومن بين السطور ايضا يستاهل والله يوفق الجميع وصح لسانك لاهنت وتقبل تحياتي

المشاركة الأصلية كتبت بواسطة المتزن (المشاركة 120186) صح لسانك يالشاعر ابرهيم قصيده جزله ومجارات جميله سلاااام

المشاركة الأصلية كتبت بواسطة المتزن (المشاركة 120186) صح لسانك يالشاعر ابرهيم قصيده جزله ومجارات جميله سلاااام