|
تاخذ من الليل وتعيده والفجر وش اللي مستفيده دامها حفنة أماني .. وضيعتها لي يازماني أشكرك .. ولك خالص أمتناني لابلحقك شرهات ولاعتب راضي باللي لي .. أنكتب اللي أغلى منك / ورماني بالله .. بالله وش أبرجي منك : يازماني !! وهذا أنا : أبقى أنا مهما حصل/لي .. ومهما طواني باقي كما كنت رغم أنف الحسد في مكاني ^ كلن على حلمه عزف نغمة الناي .......................... وكلن صرخ ياجرح وقتي كفايه وأنا تولاني هم آصل به أقصاي .......................... لين الطعون / تبعثرت في قفايه هذي الغيوم بيدي في وسطها الماي .......................... كلك تضيع بقطرةٍ من سمايـه أنته تشوف الغيم " رآيح وجاي .......................... ذيك الغيوم مسكان منزل وفايه مادمت ماتقدر تحس الضيق وبلواي .......................... تبطي كفوفك عن ملامس خفايه :rhb: |
الكبت يتوالد بصدري ليلة السبت ......................... وشلون لاهب الشمال وذعذع هبوبه خابت مشاريه وهقاوي ، وأنا شبت ......................... قلبي تهاويل الزمن قامت تلوبه فرحات عمري غابت ومنها ماطبت ......................... وشمس المواصل / آيله لـ غروبه عابتني أقداري ومن أقداري ماهبت ......................... يطغى أحتياجي لك والنفس ماهي مغلوبه لاتحسب اني منكسر لك وتبت ......................... تبطي وأنا كافر بالخضوع ودروبه كل الحكايه السبت ليلته كبت ......................... سكرات ذكرى شمالي ذعذع هبُوبه :rhb: هبُـوب المواجع |
هبُوب لندن مايشابه" هوآ طريف ........................... وش جاب لندن لـ"الهبوب الشمالي !! الفرق واضح ماهو بحاجة لـ تعريف ........................... أسرآر / ذعذاع الهبايب طوالي عزي لمن فكره ملته التخاريف ........................... يصبح ويمسي ماله رفيقٍ موالي :rhb: : كيبـورديه : |
* وقفه
نتعب على الطيّب ونتعب على الطِيب ........................... والخلق واجـد والولي هو فرقها ياأبوي أنا ظلك عن سمُوم اللواهيب ........................... واللحيه اللي ماتحشم شاربك أحلقها :rhb: الهبُـوب الشمالي |
مـت/ـضايـق
: الجـوف ظلما والجسد ماله ظـلال ....................... ونجـم التعاسه بالسماء لاح وضوالي وقف على جرح الزمن وإبك الأطلال ....................... وشف كيف فرحـي بهالزمن ماصفالي .. :rhb: |
’ يالوح قلبي لوح يمـنى بمسباح ......................... عليك ياراعي المحيّـا السموحي :rhb: هبايب كيبـورديه |
البارحه ليلي على ليل مقروص ......................... أو ليل مظلومٍ صدر حكم قصـه ونادوه من بين المساجين مخصوص ......................... وقالوا له أختر شخص يارثك وصّـه باقي دقايق عن بحـر الأموات وتغوص ......................... ياهون موتي عند صدمة حبيبٍ أخصـه نزل مكبل : وقبة الثوب مقصوص ......................... وبرك على أرضٍ : قاسيه حيل جصـه مقرون ومقيد وبالكلبشات مرصوص ......................... وماباقي إلا من قراره ينصـه عنده أمل وعندي الأمل عنه منقوص ......................... حظي نقص ولاأحتوى : نص نصـه !! :rhb: هبُـوب |
كيبـورديه ..*
حمـدان حمـدان "إقرّب وأنا أخوك ........................... أسمع كلامي ولـ" النصيحه تولّم فروضك الخمس ورضاء الأم وأبوك ........................... تهـنى "وتحقق أحـلامٍ بها ماتحلّم وأحرص على اللي لاندهت لبّوك ........................... وأبعـد" عن اللي لابغى الشي سلّم لالا "يغرك ظاهر الزيف واللوك ........................... ولاتكبر الهقـوه بهـم ثم تظلّم وخوة سوالف" لأجل السواليف خلوك ........................... عِش واقعـك ياخوي أصحى وتعلم لاتسأل إن ماسألوا/ لاتجي لو تحروك ........................... بأبعـاد فكرك دفن الحروف يتكلم وإن كان سبقوا وبالإلغـاز /حلوك ........................... لاتستثيرك أجابه "إبتسم ثم سلهم ( وتجارب الدنيا وردى الحظ بالبوك ........................... أخطها بحبر الهمُـوم "لو أقلامي تبلم ) :rhb: هبايب شماليـه |
تعمْـق هُنا / وليله البارحه ليس المقصود بها ( ليلة الأمس )
لو يستوي طعن القفى بمناطح الرمح ............................. ماكان أثـور ومني" تثور القريحه ولو خاطرك ماكان ليلة البارحه سمح ............................. ماكان مدات الوصل منك شحيحه :rhb: هبايب كيبـورديه |
ولآ بقى عنـدي حلول !! والبشر فيها فضول .. مالها ناقه وذلول بس طبعهم عشق الثرثره ولآ بقى عنـدي حلول !! أرجي الغيمه تزول .. دام مامنها هطول ليه التعب !! ليه البعثره !! وقصة الشباك وحمامه .. وذكرى هقآوي وغرامه تصحي جروح اليمه ،، وتفتح ملفات قديمه وهنآ تبتدي الحكايـه .. وأبدى بداية نهايـه فاصل/ شطح/ يهذري .. ويجاوب سؤاله بـ" مدرررري طيفٍ يمره ولاشِيف .. .. والمووووت شوفته طيف " وشلون ، ومتى ، وكيف " !! مدري ولاادري ومدري يكتب معاناته قصيد .. يجيبه بالفكر الفريد يكتب شطر وشطر يكسره ويرجع يعدل الشطر ويجبره ومره شعوره يكتبه سطر سطر سطر ويشطح ..: من الجـوف لـ/ قطر ويفطن ..: ويرجع يكتب على السطر وسطر سطر والدنيا .. غيم ومطر وياتي سطر .. وينهي سطر وأغاني ونسمات ذكرى وعطر , ياوقت ماجيتك على ماتمـنى .......................... وياحظ ماظنيت حظي تبي رضاه أكبر خساره بحياتي يوم أتمـنى .......................... ماحققت لي دنيـتي ماأتمـناه وقت مضالي كنت فيه أتغنـى .......................... ماعشت هم ولاعرف صدري الـ/آه ويآليت ماتعمر بيت بوسطه تهنـى .......................... إلا" تزيد النفس كبت / ومُعاناه :rhb: بعثرة الهبُـوب |
.. افـــــآ ~
|
كانت أيام .. حلوه ؟
و أتسكع في مواضيعي , وأحس إني غريب ؟ " الله على أيام مضت :rhb: |
* و أضيق فجـأه ومن بعـد نشفة الريق .. أجلس' أفكر في مواقف زماني وقفة مراجل .. فزعة صداقه .. تضحيّات الحب وهناك رجمً به دفنت الحلم وباقي أمُنياتي ؟ يعني رجعت بـ قلب خايب مطأطأ ' الـرآس .. ولا بـ يــديّ شي ؟ مآغير ذاك الصديق هو السميّ .. هو الخـوي : و هو مثلي ؟ إيـه مثلي .. مقـرود' وقليّل توافيق ؟؟ :rhb: ضآقت عليّ وعفت دنيـاي ياسعود ........................ دنيـاي ضيق و هـمّ والجرح شاهـد دام السنيـن أقفت , مالقينـا بها فـود ؟ ........................ يالله : توفاني في سبيلك / مجاهـد :rhb: هبُـوب |
غريبه !!؟ نفس الزمن ، نفس المكآن ؟ و ماعاد / أحس المشاعر بـ أمآن ..؟ و لهفة احساسي .. و طول وسوآسي وأرض قفرآ ، عقب ما/كانت جنـآن ،؟ شآب عآرض صبرنآ ، قبل المشيب .............. والصدر خيّم بـ وسطه .. يآحيف و أفـآ الخطآ / طبع البنـآدم ' لو يصيب .............. حتى الرسول اللي على الخلق أصطفى يآشيب عيني ، كل ماحل المغيب .............. يختلط طعن المناطح ،، بـ طعن القفـآ !؟ الهبُـوب الشمالي |
* بعد السنين السبع ، ياكيف هانت ؟؟ ................ عِشرة رفيق الدرب : صاحب الجود !! |
تدري وش أصعب حرق حرق الضماير .......................... لاشب نار الحـزن بين المعاليـق وتدري وش ألعن فضح فضح السراير .......................... لابحـت بالخافي لبعض المخاليـق وتدري وش اللي دايم الدوم جاير .......................... لامن مشيـت الدرب ولابه توافيـق و تدري وش اللي بعض الأحيان يقهرك .......................... لاعاش فيك الجسم والقلب ميّت وتدري وش أكثر شي باقي يصبرك .......................... ذكرى الورود اللي بظلك تفيّت وتدري وش ألعن ضيق دايم يكدرك .......................... بعض الجروح اللي بصدرك تطيّت وتدري وش أسهرني للحين وأسهرك ؟؟ .......................... دمعه تبي تطيح لكنها العين عيّت !! |
صديق ، غيّر الطريق !!
فيمآ مضى .. ( يكتئب ) الشخص لـ مجرد ( حزن صديق ) ،؟ وفي وقتنآ الحاضر .. يكتئب الشخص من أحزانه ؛ وصديقه بـ جوآره ( غير مكترث ) ؛ سوى بـ نفسه ومتطلبآتها ،؟ لماذا تغيّرت المبآدئ ؛ وتبدلت المفآهيم ؟؟؟؟؟؟؟ |
عن الخاطر~
* نطيب - والطيبه بنآ؛ طِيب مربآ؛ ........................ يوم العفن لآطاب : طآيب له الجوّ * :rhb: هبُوب |
أرشيفي المكسور
هز الشجر صفق الهوى / طيّر الطير .............................. وأخذني الموقف لماضي حياتي فز الفجر حز الهجر / نظم السير .............................. وطاحت وسط عيني جميع عبراتي خدي أنكوى حبلي أنطوى / حان الزمهرير .............................. جور المشاعر برد ترجف له شفاتي سألت نفسي كانها هبوب وأعاصير ؟؟ .............................. ومن أقفى عني فوق غصن شجراتي !! صـد وتبسم / قال : لايمكن يصير .............................. بـ نسمة هوآ أقفوا ؛ و خاوتهم اُمنياتي :rhb: ذكرى هبُوب |
تباً : لـ الموآجع اللي تحدّ المشاعر على البوووح ؟ * تباً لـ البُوح لآ أمسى مع شعور إندفاعي تهذر مشاعرك وتهذر !! وعقبها تعيش بـ لوم وندم وملامه !! :rhb: |
#رجفه
غيم .. و .. مطر ~ لآصرت أدآري ، بحّة الشوُق فيني * وشلوُن أدآري رعشة الشوُق بـ إيـديّ ؟ :rhb: |
تم'تمات * قد أندم على تدوينها
بـ الفعل ؛ جبُنت قبل أن اكمل تمتماتي وهمساتي شطبت كل ماهذرينا/به وبعد محاولة لـ التوازن * مشاعرٍ تختال من الهجران مخمُوره شكوتي منقود ؛ وعن ماخفى تعبّر الصوره صورةٍ للي بوسط ( المعاليق ) ومفتاح القفول المغاليق ، لو صاحبها يمّن العطا من فوقها قدرة رب المخاليق وإيييييييييه يانشفة الريق وتاليها معك؟ ومع هالطريق !! كل عينٍ تمرنا ؛ تهقى بنا ؛ رجّه أو شطحات فكر .. و القلم فيه دجه يارب هذي أحوال عبدٍ ضعيف أنت القدير بـ قدرتك ؛ يارب نجّه حوسة مشاعر .. أصوّرها وكنِّي بـ غيبوبه وأرجع أناظر .. طشاش حروف و هواجيس تعال يوم وشوف الخرابيش كم كسرت القاف لأجل الشعور يعيش كيف ماكانت تجي : خربشتها من دون حدّ و قيد .. واحيان دون فكره يسترسل المخذول ومن حوله عواسيس عن معركة حلمه .. وعناد وجدال الأحاسيس بين قلب و عقل ضاع كنّه طفل .. وباقي يكاااير ويجف حبره .. و آهه ياطول صبره ومن لامني ياعسى به يضيق قبره |
هُنا .. ذكرياتي الخالده
لآ زلت أهرب مني ، إليهاا هدووووء مُوحش .. يستفز القلق لآصوت يعلُو ؛ على سيآدة الصمت وكأنني أستعيد أحداث السنين المآضيه أراها بـ وضوح تاام : خيبة الأمال ثم الجروح ثم ألم المواجع ثم الدمُوع ثم الرهبه ثم الحنين ثم الخوف ثم نزاع العقل والقلب ثم الإعتياد ثم الإندمال ثم الإحتياج ثم الإندفاع ثم الهيام ثم تتوّج بـ النصر خيبة الأمال ، لـ تستعيد عرشها داخل مشاعر تائهة في رحلة ضياع # تحية تقدير و وقفة إجلال وإكرام لكل من مرّ من هُناا " أفتقدكم جميعاً " |
| الساعة الآن 10:49PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية