شبكة رهب الأدبية-ريما محمد السديري - دمـعـة أمـل جـفـت على أرض الاوهـام !!

[poem=font="simplified arabic,6,indigo,bold,normal" bkcolor="transparent" bkimage="backgrounds/33.gif" border="double,2,gray" type=2 line=0 align=center use=ex num="0,black"]

رشفة وهم .. فحة ظمأ .. نفحة هيام=احساس مدري بالشعر كيـف أقولـه
الله وكيلـك امتـلأ صــدري الآم=من موتي ال..آخر سنيـن الطفولـه
دمعه أمل جفت على ارض الاوهـام=جفت قبـل كـف الثـرى لاتطولـه
دمعة ندم وآقفت على رمش الاحـلام=صمله شجاعه بخوف نفـسٍ جفولـه
دمعة قهر سالت علـى خـد منظـام=اصدق من اللـي مايكّـذب رسولـه
جمرة سهر ترمد واذا جيـت آبنـام=شبـت تقـول الويـل نـوّخ ذلولـه
قلت انطفي ماني على خبـرك العـام=اصعب من اللـي مستحيلـه حلولـه
واللى على خلقه فرض دين الاسـلام=ان الحزن في داخلـي صـار دولـه
من يوم ماتت .. كن ماقبلـي ايتـام=اشوف حلمي لكـن ازريـت أطولـه
اخطتني اسهـامٍ وصابتنـي اسهـام=قـولٍ يترجـم ماتمنـيـت قـولـه
ليثٍ ولد ليـثٍ ولـد حـر ضرغـام=والقول تلقـى شاهـده قبـل أقولـه
والله يالـولا حلـم بعيـون الايتـام=والوقت الاقشـر يحتوينـي ذهولـه
جيتك مثل ماصخر الشعـر الالهـام=أحساس شاعـر مايجـي بالسهولـه
أن جيت اعاني من صواديف الايـام=ماجيت ابوصف طرف (نجلا وخوله)
وأن جيت أصّـور بالقصايـد 100 عـام=ماجيـت أدوّر بالقصايـد عمـولـه
هذا أنا ميـت ظمـا وانـزف هيـام=ارقـى بحلمـي ويتّعثـر حصولـه
هذا أنا رغم احتظاري مـن اعـوام=مازلـت حـيٍٍ يستثيـرك مثـولـه

"
"
"
"