لايطول غيابك ثم اخذ عليه

لو تخليت عنى . عنك قلبي ماتخلى

العذر والتعلل والحكي . مانبيه

من تحرك فؤاده . بالهوى ماتخلى

طبعي الصبر لكن وش عليه ارتجيه

من طويل الصبر يعقوب وايوب ملا

دامني حي عطني وش بقي نحتريه

مابي دموعك .اللي عقب موتي تهلا

مابقي بالعمر مقدار ماراح فيه

كل مازل يومٍ . يوم بالعمر ولى

تعال باقي لك شي وسط كفي..
مااضن يحتاج كفي بقاياك..
عطرك عذبني وانت عني مقفي..
مااضن احتاج العطر بلاياك..

يا همّ / رح نام لاتسهر علشاني
........................ عيونك اقراء تعبها في محاجرها



ارتح وانا جروح روحي وضعها ثاني
........................ ضلوع صدري عليها .. الله يقدرها !



ماهو غريب ان سهرت الليل وحداني
........................ كل الليالي بـلا خلااااااان ساهرها

غزيره يالهموم اللي تساقط لا نظرت ل فوق ,
ــــ‏ طويله يالليال اللي تغنّي الحزن طربانه !

غريبه يالصدور اللي تحبّ ولا تعرف ‏الشوق !
ــــ‏غنايم عشقها ضلعٍ .. ترك لأحبابه أشجانه , ‏*‏

/
\
/

وَقْتِيْ فَقِيْر وْحَكَايَا الصُّبْحْ تمْلانِي
...............والجَرْح شَرَّعْ شبَابِيْكَه وبِيْبَانَه
يمُرِّنِي العُمْر مُكْرَه ْويْتَعَدَّانِي
...............ويملِّنِي الليْل لِيْن تضِيْقْ جدْرَانَه
صَمْتِي شَرَحْه [ البِكِي ] والحُزْن غَنَّانِي
...............أَشْعَلْ ذُنُوْب الحَنِيْن ومَلَّ غُفْرَانَه
كنْت أَبْذر الشَّمْس فِي كَفِّيْ وأَلْقَانِي
...............عَلَى جَنَاح السِّمَا أَخْتَار لِي خَانَه
كَنَّا نطَرِّزْثِيَاب المَوْعِدِ الثَّانِي
...............كَان الأَمَلْ طفْلِنَا ونْقَبِّلْ اجْفَانَه
مِنْ دَلِّنِي الليْل وَاحْزَانِي هِي َاحْزَانِي
...............أَرْضِيْ يبَاس وْعُيُون الغِيْمْ عَطْشَانَة
تَبَّتْ يدِيْن الغِيَاب اللِّيْ تَحَدَّانِي
................عَيَّا ينَام انْتِظَارِيْ والوفَا خَانَه

حَتَّى الزِّمَنْ ... مِنْ جفَافْ الحلْمْ قَهْوَانِي
............ لِيْت الزِّمَنْ مَاقَرَا حَظِّيْ بفِنْجَانَه