|
فوق هام السحب ...
وان كنتي ثرى فوق عالي الشهب ... يا اغلى ثرى مجدك لقدام ... وامجادك ورى وان حكى فيك حسادك ترى ما درينا بهرج حسادك أبــــــــد أنت ما مثلك بالهدنيا بلـــــــــــــد والله ما مثلك بالدنيا بلــــــــــــــد من على الروضه مشى حاف القدم .. يستـــاهلك ومن سقى غرسك عرق دمعٍ ودم .. يستـــاهـــلك ومن رعى صحراء الضمى أبل وغنم يستـــاهلك .. يستاهلك .. يستاهلك .. حنا هلك يا دارنا ... برد وهجير حنا هلك يا دارنا ... وخيرك كثير من دعى لله بشرع وحكم يستـــاهلك ومن رفع راسك على كل الآمم .... يستــاهلك ومن ثنى بالسيف نورك ...والقلم ... يستاهلك نستاهلك يا دارنا ... حنا هلك أنتي سواد عيوننا ... شعب وملك وفوق .. فوق هام السحب وإن كنتي ثرى |
المملكه كلها هي وسعوديّها=من حد..حد الكويت اليا حدود اليمن على شماليّها الين غربيّها=في خافقي حبهم ماله حدود وثمن [table1="width:95%;"] | [/table1]تحياتي لكم,, |
حب الوطن فا القلب مصيون ميصون *****مينمسح لو حاولو يمسحونه
|
قالو بلادك وين ياسايح الشرق
قلت السعوديه بلاد الحرمين اللي عن الاوطان فيها مية فرق يرزم عليها القلب في وسط برلين |
دون الوطن ناقف كما النايف العال=سدٍ منيع مايجي فيه هزه حنا سعوديين فالماقف ابطال=من غيرنا يثبت لها كل حزه |
يا عل قصــــــــــرٍ ما يجي له ظلالي
ينهار من عالــــــي مبانيه للساس لا صـــــــــــار ما هو مدهل للرجالي وملجا لمنهو يشكي الظيم والباس بحسناك يا منشـــــي حقوق الخيالي يا خالق اجنلسٍ ويا مفني اجناس تجعل مقره دارس العهـــــــــــد بالي صحصاح دو دارس مابه اوناس البوم في تالـــــــــــــي هدامه ايلالي جزاك يا قصر الخنا وكر الانداس متى تربــــــــّــــــــــع دارنا والمفالي وتخضر افياض عقب ماهي ابيباس نشـــــــــــوف فيها الديدحان متوالي مثل الرعاف بخصر مدقوق الالعاس وينثر علـــــــى البيدا سوات الزوالي يشرق حماره شرقة الصبغ بالكاس وتكبـــــــــر دفوف معبسات الشمالي ويبني عليهن الشحم مثل الاطعاس للامير محمد الأحمد السديري رحمه الله |
ياوطن .. ياحلم .. يا... مالك شبيه :e:كود حضن ٍ ضمنا.. نعشق دفاه |
السلام عليكم ورحمة الله وبركاته
اتمنى ان تنال استحسانكم السيف والتوحيد اخضر علمنا=وشعارنا سيفين في ظل نخله حكامنا في ظلهم مااختلفنا=في ظلهم تلقى معزه ودخله عبدالله المحبوب عزه شملنا=عشنا بحكمه ياالخلائق بنقله وسلطان ابو خالد بعطفه كفلنا=وجه السعد والخير بسمه وقبله يامملكتنا عزنا ياوطنا= يادارنا ماعنك لحظات غفله |
ياللي طلبت البيت ماكنه شوي = ماتلاحظ ان المملكه تسوى اكثر هي الغلا واغلى من رموش اعني = من حبها قلبي عروقه تفطّر عاش ابو متعب لــــبـــــى ى ى ى شرايينه وقلبه |
لو خيروني بين لندن وباريس= وايفل وبرج ايفل وهاك الخباري اخترت ذعذاع الهوا والنسانيس=لاهب من نجد العذيه ادياري دارٍ حموها كاسبين النواميس= في حد شامان الحدب والسواري بجبالها كني على عرش بلقيس= الي يخدمونه عبيد وجواري حب الوطن واجب وماله مقاييس = حديث راويه الامام البخاري |
| الساعة الآن 01:05AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية