|
ماعلموك إن الحكي يجرح الناس .......................... وإن السكوت أحيان أبلغ من القول وماعلموك الريح تبدآ بـ نسناس .......................... وإن الرجال تقول وإن قالت تطول وماعلموك الروح لاأحتلهـا الياس .......................... تموت ماساقت على القمه فعول وماعلموك تعيش كسّاب نوماس .......................... راعي عطا سيفٍ على الفقر مسلول وماعلموك إليا لفآ الليل بـ أنعاس .......................... مابات مظلوم ولا نـام مخذول وماعلموك شلون الأحـلام تنداس .......................... وإن الحياه أوهام فريس وخيول وماعلموك تكابر وترفع الراس .......................... لاتطلب الحاجه ولاتعيش مذلول وماعلموك إليا برآ الليل هوجاس .......................... ريق السوالف مُر ماهو بـ معسول صعب أتحمل داخلي حبس الأنفاس .......................... فيني بقايا فارس يصـول ويجول واقف أكابر مابقآ بـ همتي باس .......................... وجرح المسآ ماهو عن الصبح معزول ماعلموك إنك بلا ذوق وأحساس .......................... وأنك تعيش أن عشت منفي ومجهول ياجاهلٍ بـ الناس لاتجـرح الناس .......................... خل الكـلام يموت لاتحيي القول :rhb: |
حنا انتهينا من زمان ..
واعـذارنا خان الزمـان .. والا الزمن مـاله خطـاء .. لكنها ( زلة لسـان ) .. جفت .. ينابيع المحبه والغـرام .. واخترت لـ احلامي طريق .. ما اخترت لـ غيابي رفيق .. اية غلا / وايه وفاء / واية كلام .. تبي الصحيح .. !! تشوفني .. لكن ترى ماني بـ حيّ .. ميّت .. وانا وسط الزحام .. ماهو ضروري نتفق / لكن ضروري نفترق .. تبي الصحيح .. !! حنا اتفقنـا .. نختلف في كل شي .. اقدّم آيــات التعـازي / للغرام .. ـــــــ .. واشعل شموع البعد واطفي شمووووع .. قل ماتبي .. ( ومسامحك ) .. فضفض / ترى ماباقي وقت .. خذ ماتبي .. (ومسامحك ) .. اسامحك ؟؟ لااااا ماصدقت .. ماظني اقدر لو قدرت .. واذا قدرت اسـامحك .. ايه انكسرت .. ! الله يسامح دمعتك .. هذا كلام ؟ .. .. اصارحك ؟ ( ماجاء على بالي رجوووووع ) .. الى هنا .. واستسمحك ×× اباخذ اوجاعي واروووح .. لـ اول مشاوير العتب ×× وآخر مسافات الجرووح .. ماعاد لـ حضوري مكان .. ولا لك بـ قلبي مكان .. ( حنا انتهينا من زمان ) .. قص التذاكر لتقديري ......... واعجابي عـلـى خـطــوط الـغـيـاب ورحـلــة الـفـرقـا عزّمـت اسـكّـر عــن ضـيـوف الـهـوى بـابـي حفظاً لـ(دّم) الـبـحـر مـــن زلــــة الـغـرقــا افضل .. ولا ابقى كذا عايش على اعصابي ماغير احــوّل مــن رجـــوم الـتـعـب وارقـــا |
الإنسآن ! دآيم في خصمّ الحيـآه
.................... [ يرخص ] أشيآءه إللي .. تمتلكهآ يده ،،! كلّ مآزآد [ بُعد ] الشي .. يركـض ورآه .................... وكلّ مـآزاد قرب الشي منـه .. إزهـده ،،! كم وكمّ آدمي ! بعد الندم .. جرّ / آآه ...................... مـآعرف قيمة المفقود .. لييين فقـده ،،! |
العيـد هذا غير عن كل الأعياد ......................... نويت أضحي بـ ناس ماهي وفيّـه :rhb: |
لا السما مدّت يديها لي عشان أقدر أطير .......................... وْلا يديني طاوعتني وْعانَقَت كفّ السما..!! |
اروح وتروح في الدنيا العريضه
نغيب مده ماندري عن بعضنا لكن لكيّد المشاعر مستفيضه لوهو زمنا على اعتابه فرضنا نحمل زعلنا عن النفس المريضه ونلقى مع نفحة النسمه عوضنا روح المحبه لها الروح الحضيضه واجسادنامالتقتى فيها غرضنا عبدالله |
ياسلام الله علي اللي اخذٍ عقلي وفكري
......................كل ما هبت هبوب الشوق دزتله سلام سلمي لي يا هبوبه بفتديه بكل عمري .................،. في حضوره من غلاته ينتهي كل الكلام |
والله اني على شوفك شفوق وحريص = مير ماودي ابين غلاك وتروح
يكفي اني اشوف من الامل لو بصيص = مثل مايكفي العطشان قطرة شحوح سلمان |
ماطاح من النجوم خف لسما
|
مدري ذكرني زمانٍ كنت ناسيه مدري ذكرت الزمان اللي نساني كنت اكره البحر واخاف الغرق فيه واليوم أحبه..واخاف من المواني |
| الساعة الآن 05:33PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية