سـرب الحمـام اللـي مـن الـحـزن نــواح=مالـلـفـرح عـنــده حــضــور ومــزاجــي
يـجــي حـزيــن ويـاخــذ الـحــزن لا راح=يحـمـل غـصـن اخـضـر ولالــه أفـراجي
الــحــر عــمـــره مـايـسـمــى بــسـداح=أسـم الـسـلـوقـي مـــاوراه أبـتـهـاجـي
الــحــر لــــه صــيــدً ولـلـصـيـد ذبــــاح=لامــن كـفــخ تـلـقـاه عـجــل الـرواجـي
والـلــي يـحـسّـب للخـسـايـر والاربــــاح=مـايـرتـجـل أخــــذ الــقــرار الـمـفـاجــي
أفـكـار محتـاجـه الـــى شـخــص لـمــاح=ومـواقــفً تـسـمـع صـداهــا الفـجـاجـي

القصيد أحساس ماهو أي كلام = له فضاه الرحب عند الفاهمين
نبض روح ونور حكمه وافتهام = من مشاعر شرهة القلب الفطين
ماكتبته لجل غايه واغتنام = للفرص والجاه والوجه الحسين
من وفاي أعطيه جل الاهتمام = واكتبه بلسان صدقي واليقين
أكتبه للنور وأهديه الكرام = الرجال أهل الوفا دنيا ودين
الرجال اللي ليا شِـْـد الحزام = مع صناديد الاوايل واردين
ظِـن ظـن الطيب واصعد بالمرام = ومعدن الرجال بالشده يبين
ياقصيدي ماعلى صوتك ملام =انت جزل ومارد الجزل السمين
أدري انك مثل مصقول الحسام= وأدري انك تفتخر بالطيبين
ماتشابه غير هتان الغمام = ولا تصافح غير مرفوع الجبين
يستفزك صيت عالين المقام = ذخرنا المشهود والكنز الثمين
ياسلام الله . سلامي . ياسلام = يامقر الطيب .. يالحرز المكين
ياعدو الذم واهله والملام = يامدار أشراق نجم الفرقدين
الشجاع اللي دخيله مايضام = فخرنا لاحل علم الغانمين
في مديحه يكسب الشعر أحترام = ويلبس الشاعر وسام المنصفين
والله أني لاهدي المعنى وسام = في مديحك ياولد ذرب اليمين
صيتك اللي بالفخر بين الآنام = نفتخر به كل وقت وكل حين
وأنت ياسلطان من فوق السنام =شامخً لك قاسي الموقف يلين
يكتب التاريخ عامً بعـد عام = سيرة الأبطال والمجد الرصين
يشهد اللي طيب رأسه مايسام = والله المعبود خير الشاهدين