![]() |
ياهاجري فالهوى لاعادت الذكرى=عادت ثم احيت جروح ٍفالحشا ميته انا على مامضى ماعاد لي صبرى=وش عاد لو جمر ودك عدت واحييته يبست رياض الغلا ماعاد هي خضرى=وقلب ٍ شهيد الغرام بكأس ٍ اسقيته عين المولع شقاها سبة العبرى=طول شقاها وقلب الصب مشقيته ياما رجيت الوصل لكن مايدرى=على ركاب الغلا من عقب خليته واليوم ماينفعك عقب الهجر عذرى=دام الغلا في حصون الغدر وطيته |
مديت له حبل المواصيل وأخطاه=عيت حباله لاتلايم حبااالي
|
خل الرياح العاتيه تنقلك ياركب الغرام=وأبحر على حلم النفوس الي قتلها شوقها اما برا جرح الغرام وطاب من زود الهيام=والا عسى سحب المحبه ماتلوح بروقها |
الهوى ذنبه مصيبه وارتكبته=طحت في سجن الغرام وحكم سيفه كنت احسب ان الهوى لعب ولعبته=وانقطع حبل الرجاء دون النصيفه باح صبري والهجر سمه شربته=والزمن فرق وليف ٍ عن وليفه ماتعدا في زماني ماحسبته=غير جرح ٍ زاد في قلبي نزيفه حدني وقتي بعد حظي نصبته=مير محد ٍ جاه وقته حسب كيفه اسهر الليل ومنامي ماكسبته=لاعرض لي في ظلام الليل طيفه كامل الاوصاف ماغيره رغبته=يستبين الشوق له ويغيب زيفه ناهب ٍ قلبي وقلبه مانهبته=والظروف تقودنا قود العسيفه ماتوادعنا تفارقنا ورقبته=عام مع عامين والرابع بصيفه |
ما اجمل الشروق عندما ينبعث بنسيم الهواء النقي,,
ويبعث الذكريات في أعماق قلب حساس ومهرف جدا ,,
يامولع ٍ قلب الموالع بنار الحب=انا في رجاء وصلك من الشوق والحرمان
|
خـافي من الله وأرحـمي قـلب مغـليك=ينزف صديد ومن وصـالك حرمتيـه عـرق الغـلا ينـبض وبـسمـك يـناديـك=وأنتي بحبك قاسيـه مارحمـتـيـه يبسـت عـروق العين من كثر مبكيك=وحـب الشـرف يابنت والله ضلمتـيه جـيتك وفاء جيتك كرم في مباديـك=ودرب الخـــيانـه جاز لك يوم همتيـه شـلتي رمـاح الصـد مابـين ايـاديـك=وبوسط صمـيم القـلب جرحي رسمتيـه جرحي صعيب دواه ياكود الاقيـك=وانتي حطـب صدك بكيفـك شعمتـيه روحي والايـام المقـابيـل تنبيـك=حبـ ن بنيـته بـالـوفـاء ثـم هـدمـتيــه |
ياتل قلبي تلتين ٍ من أقصاه=والثالثه منها تمزع وريده على اللذي صوب خفوقي وخلاه=بين الجروح القاسيات الجويده |
انا كل ماجيت اتنزه عن الهوجاس=يجيني به الغربي وبارد نسانيسه متى ينفرج ضيقي ويغلب رجاي اليأس=واعرف السعد من بعد بالعين واقيسه رعى الله قلب ٍ كن تجهز به لامواس=وحدق معاليقه على مايجي كيسه ليا طرفت به ذكرياته مع النساس=وتذكر خليل ٍ مقفيات ٍ مراميسه زفر من ورى حدب الضلوع ونهت واحتاس=كما الي على الانعاش تكثر وساويسه تقاصر به احواله وجاب الخبر غلاس=ولابين الموضوع في شك ٍ وحيسه |
عن مايكن القلب من وهج ناره=اسلا بنفسي بالتعابير واقول يامن رماه البعد واخلف مساره=من فعل وقتي صرت حاير ومذهول |
لاياحمام الورق فر بجناحك=واقطع ضباب الجوء عن من يردك دامك طليق ومعك حكمة سراحك=الحق زمانك قبل ينباح سدك |
الساعة الآن 10:40AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية